يالربـع لاشفتـو بخيتـان مع الشاعر القدير فهد المخلفي

فــهــد عــواضــه =
يالربـع لاشفتـو بخيتـان=قولو تعـال احتـم القالـه
يعينك الله علـى كحيـلان=ناصب لحضرتـك محبالـه
بخـيـتـان الـبـشـري =
مثلي على النايفة عنـوان=يشوف وتشوفـه امثالـه
ومن لايصل عندنا ويبـان=لايوصي النـاس بأقوالـه
فــهــد عــواضــه =
مثلك كما الضلع للاعيـان=لاكن انا باخـص احوالـه
اليا ابدى مصامخ القيفـان=بي احتزم تحتمي الطالـه
بخـيـتـان الـبـشـري =
ياداحم الضلـع بالأمتـان=الضلع باقي علـى حالـه
ارذيت نفس ن بها شقيان=ما يرحم النفـس بفعالـه
فــهــد عــواضــه =
الضلع يثور بـه البركـان=فعـل الدناميـت يقوالـه
ودي تجي باللزوم حصـان=ولاكن انا اضـن ماتبالـه
بخـيـتـان الـبـشـري =
يثور لكان هـو غضبـان=ويدمـر الضـد لا جالـه
مايثور لمصافـق الهبـان=اللي بها جهـل فأهوالـه
فــهــد عــواضــه =
اه انتبه ياطلـق الحجـان=قـدام حالـك لايرثـالـه
لو الحقيقه وسيـع بطـان=صاحبـك مايكـدر بـالـه
بخـيـتـان الـبـشـري =
ترجح بنا كفـة الميـزان=وانته بطل نال مـا نالـه
وإن طال عمرك مع الأزمان=لك شان فالقيـل تزهالـه