الشاعر سعد بن عامر المحمدي ينخى قبايل حرب على قضية سجين الحفر

قصيدة الشاعر العلم سعد عامر الضبيس ينخى قبيلة حرب على قضية سجين الحفر
اداء المنشد سلطان مناور ومشعل جريد الحربي تصميم وانتاج مشعل الحميدي







قصيدة من الشاعر الكبير / سعد عامر الضبيس المحمدي الحربي موجهه الى قبيلة حرب ووجووه الخير بخصوص السجين /فهد حمود الحربي نسأل الله له التوفيق والسداد والفرج من عنده بيض الله وجهك يابو نادر وقبائل حرب أهل الفزعه والنخوه وفيهم البركه

جتني رساله عاجله ومكالمله من تيلفون=مكالمه تحتاج حاضر حرب مع غيابها
ياحرب ياعز الرفيق اللي تقلب بالسجون=انتم قبيله صارمه كلن يحسب حسابها
تكفون ياحرب العريقه يامسـددت الديون=غناه ماتنفق على المعسور وش يبغابها
ماله وزم فهد يجر الصوت وانتم تسمعون=قولوله ابشر والحقوق اللي تبي جينابها
واقفوا بجنب الشايب المضهود والام الحنون=وكلن سجل في سجله حسنتن يسعابها
وانتوا وفيتوا بالاوايل ياعساكم تسلمون=والثالثه عسى فهد بجهودكم يحظابها
كنه على جمر الغضى مشغول باله ومغبون=يهرج الجدران والجدران جابت مابها
يقول ياسجن الحفر ربعي بعد بكره يجون=والفزعه اللي تطلع المسجون حرب اولابها
بالماقف الغصاب عز الراس من عز المتون=والكلمه اللي ماوراها خير مانرضابها
وامه تحضن الثوب بالدولاب من زود الحزون=لساع ثوبه عندها ماجود في دولابها
تمسحبه الدمع الحزين اللي يسيل من العيون=الله يفرجها وتلبس من جديد ثيابها
تفاعلوا مع القضيه وبشروا باللي تبون=بالاجر والنوماس وعقول الرجال ادرابها
واللي يبى يسعى من اهل الخير جعله مايهون=الاجر ثابت والمساعي مايسكر بابها
ترى ماعنه مجناب وامر الله يكون=والناس ماتضمن سعدتها وعتق ارقابها
كم من قضية سجلت بين الحقيقه والضنون=يجيبها مقرود واجواد العرب تبلابها

اشكرك كل الشكر ياشاعرنا العلم شاعر الخبرهـ /سعد الضبيس بيض الله وجهك على هالقصيده
الجزله من رجلأ جزل والشكر لكل من الشاعر القدير صاحب الشيلات الجزله في صف حرب
بالمدينه المنورة /محمد سلمان الحبلاني المحمدي الحربي والشاعر القدير /خالد الحميدي المزيني الحربي