الشاعر ذاير السحيمي ينخى حرب بقصيدة لحل موضوع سجين الحفر اداء حمود السحيمي

بسم الله الرحمن الرحيم
السجين فهد حمود الحربي ينخى حرب حرابة الدول بقصيده أداء حمود السحيمي








المبلغ الان 3 مليون فقط



الشاعر ذاير السحيمي ينخى حرب بقصيده لحل قضية السجين فهد حمود الحربي / أداء حمود السحيمي"











عزوتي قبيله حرب اهل الحموه والمواقف المشرفه فان ابنكم فهد بن حمود الحربي في كربه لايعلمها الا الله ومن فرج عن مسلم كربه من كرب الدنيا فرج الله عنه كربه من كرب يوم القيامه فهو متواجد حاليا في سجن محافظه حفر الباطن منذ ست سنوات والسبب غرامه ماليه بقدر سته ملايين وسبع مئه واثنين الف مع العلم بان والده كبير بالسن ويطلب منكم الفزعه لاخراج ولده من السجن والسجين يطلب العون من الله ثم منكم وينتخيكم بهذه القصيده

ياحرب ياخيرة جميع القبايل=فيكم تعزو كل قاصي وداني
ياحرب من تيماء الى جبال حايل=الى الساحل الشرقي وكل المواني
نخيتكم والحمل كبر وتمايل=ماعاد فيه اسكات وانتم اخواني
وانا فزعت وكنت للحمل شايل=ولازلت اشيل احمول عشر وثماني
واليوم جيت انخى عيال الحمايل=يومن وقتي للمصايب حداني
وانا وقعت بورطتن ماتهايل=فزعه وصارت فزعتي في بطاني
وانا ولد عودا كريم السبايل=واليوم ياحرب اطلقولي عناني
لاتتركوني في جميع الوسايل=شوفو طريقه حل ياعل وعساني
تلقون حل وعنكم الشك زايل=يامكرمين الضيف طلق اليماني
لي حول ست اسنين شفت الهوايل=في ضيقتن نوم البشر ماهناني
خصيتكم واخترت عذب المثايل=وانتم هل الطولات واهل المباني
وانتم هل التاريخ واهل الفعايل=ماهو جديدا من قديم الزماني
لما تسابقتم ظهور الاصايل=وسليتم اشطار السيوف السناني
تفنون للي على الدرب عايل=ياحرب انا منكم وفيكم تراني
وانتم اضلالي عن شموس القوايل=وانا انسجنت ولارحمني زماني
الى شب في راس الزناد الفتايل=انتم هلي وانتم ذراي واخواني
واختامها يامعربين السلايل=لاتتركوني يوم ربي بلاني
والله يجازيكم بخير الفضايل=من فك كربت مسلمً بالجناني

عوايد الشاعر ذاير رشيد السحيمي متفاعلا مع كل موقف مع تلك القضيه

ياقبايل حرب يارجال الحميه=يااهل الفزعات في وقت الشدايد
به رساله من فهد نخوه قويه=ينتخي فيكم ورب العرش رايد
بالسجن سته سنين وذي خطيه=مكلبشات ايديه عظم اليد بايد
وعوده اللي في وضع مافي زيه=قلبه اللي من لهيب النار جايد
الابو ولهان والام الصخيه=ماينامون الليالي هم كايد
والسبب نخوة خويا مع خويه=والشهامه بالصدر لهاسنايد
الكفاله هي سبب نفسا بريه=بين جدر وبين فولاذ الحدايد
ياقبايل حرب حلو للقضيه=وتنشر البيضا على صحف الجرايد
والاجر محسوب والنيه مطيه=ماتقدم من عطا يالعبد عايد
يعلم الله يوم بان الوضع ليه=هزني في نخوته والحمل زايد
اقسم برب الملا لوفي يديه=غير اسلمها ومع عوده يعايد
وفزعتي من عرضكم مني عطيه=واجرها من واحدًللخلق قايد
مثل ذاني واجب حقوقه عليه=نخوته تاصل عبر صوغ القصايد
يروح عمره بالسجن يصبح ضحيه=ياجماعه ماش بالدنيا فوايد
فرحة الوالد ليا شافه هديه=وغيبته عن والده فيها زهايد
ياهل الجوخ الحمر والشاذليه=مايعز الراس في بيض الوسايد
انتخو ياهل الكرم يالصريفيه=ماقفً غصاب مافيها نشايد

ابو ذاير كفو صح لسانه مليون مشكور يابو طاهر عوايدك رجل تبين في المواقف وراعي واجب وفهد باذن الله الفرج قريب

الشاعر ذاير السحيمي ينخى حرب بقصيده لحل قضية السجين فهد حمود الحربي / أداء حمود السحيمي"
YouTube -

صح لسانك أيها الشاعر ذاير
وجزاكم الله خير ا أنت وأبو نواف وكل من تفاعل مع قضية الأخ فهد كشف الله كربته

اقتباس:
المشاركة الأصلية كتبت بواسطة عبدالرحمن الناحل

صح لسانك أيها الشاعر ذاير

وجزاكم الله خير ا أنت وأبو نواف وكل من تفاعل مع قضية الأخ فهد كشف الله كربته

ابو عبدالرحمن جزاك الله خير وصح لسان الشاعر ذاير السحيمي على تفاعله مع موضوع السجين فهد بن حمود الحربي وما فيه شك بان ابن حرب في السجن وبحاجه الى فزعة ربعه
وتوصيل رساله للجميع بانه بحاجه لربعه ومواقفهم المعهودة

وحرب باذن الله سوف يفعلون فعل يطلق وجيههم ويوقفوف وقفة رجل واحد من اجل مصلحة فرد من افرادها فهد مازال في مقتبل العمر ولن يضيع عمرة في السجن مدام ان الله كريم ثم بوجود ربعه اهل المواقف المشرفة وقريبا سوف نسمع اخبار مشرفة

فوق





فوق

فوق



فوق

اخوي عبد الرحن واخوي فهد االله يجزاكم خير على التفاعل مع اخوكم سجين الحفر فهد وحرب اهل النخوه والفزعه
ونشاء الله ان الفرج قريب والله يكتب لكم الاجر والثوب من عنده انه كريمً عزيز

صح لسان ابو طاهر الشاعر ذاير الحربي كذلك صح لسان المنشد المعروف حمود السحيمي