التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم 
قريبا

بقلم :
قريبا

العودة   منتديات بني سالم ومسروح > الأقسام الأداريـة > المشرفين والإدارة > نقض وفتل القلطة > صياف بن عواد الحربي

إضافة رد
 
أدوات الموضوع إبحث في الموضوع انواع عرض الموضوع
#1  
قديم Mar-Sat-2011
مشرف منتدى صياف
مجنون صياف غير متواجد حالياً
لوني المفضل Cadetblue
 رقم العضوية : 1123
 تاريخ التسجيل : Mar 2011
 فترة الأقامة : 4770 يوم
 أخر زيارة : Oct-Wed-2011 (05:33 PM)
 المشاركات : 54 [ + ]
 التقييم : 10
 معدل التقييم : مجنون صياف is on a distinguished road
بيانات اضافيه [ + ]
افتراضي ملف كامل عن الشاعر /صياف الحربي رحمه الله




بسم الله الرحمن الرحيم
السلام عليكم ورحمة الله وبركاته

اهلا بجميع القراء

نكتب لكم هذا اليوم عن شاعر من اعلام شعراء حرب والذي برحيله فقدت الساحة علما من اعلامها ورمزا من رموزها انه الشاعر الكبير (شاعر حرب) صياف الحربي
وقد قمت ببحث عنه في موقع الانتر نت والمنتديات وقمت بجمع هذا الملف المتواضع الذي يحكي لنا نسبة وبداياته ونماذج من محاوراته وبعض مقاطع الفديو لمحاورات له مع بعض الشعراء وكذلك في اخر الموضوع اوردت بعض من قصائد الرثاء اللتي قيلت بعد رحيله واعذرونا عن القصور .



صياف بن عواد بن شميلان الحربي

من فرع آل محيمد من السحمان
أحد فروع قبيلة عوف المشهورة من مسروح من حرب.
ولد في وادي النقيع الذي يحتضنه جبل "ادقس" التاريخي المسمى بـ"جبل عوف الأخضر" بمنطقة وادي الفرع الواقعة إلى الجنوب من المدينة المنورة بحوالي 80 كيلاً.
عاش الشاعر صياف في كنف والده ورعايته الخاصة، حيث توفيت والدته وهو طفل صغير. وقد كان أبوه صاحب إبل وأغنام يتنقل بها في مراتع البادية ثم يعود أحياناً لمزرعته التي تقع في وادي النقيع ليحصد محاصيلها ويبيعها في أسواق المدينة، حيث كانت هذه المزرعة تسقى بطريقة "البعل" أي على مياه الأمطار. وقد كان صياف يرافق والده في هذه الرحلات. ويجلس معه في مجالس القرية، ويحضر معه محافل الشعراء وتسامرهم في المناسبات الاجتماعية، حيث كان والده يعشق الشعر ويحفظه، لكنه لا يقرضه. وقد أثرت تلك المسامرات ومخالطة الشعراء في نفس الطفل الصغير صياف فأخذ يصغي لها ويحفظ أبياتاً يرددها مع والده بعد نهاية الحفل، ويحاول تقليد شخصيات الشعراء والقائهم للقصايد، فكان يعجب السامعين ويطربهم، لكنه الاعجاب المغلف بالشفقة والعطف على هذا الطفل اليتيم. فيطلبون منه ترديد بعض القصايد ويشجعونه ويصفقون له.



وقد بدأ تجربته الشعرية وبخاصة شعر المحاورة من سنة 1382هـ، حيث كان يحضر الحفلات التي تقام في المدينة المنورة.

وفي 1/4/1384هـ التحق في خدمة بلاده في قطاع الحرس الوطني بالرياض، وقد أتيحت له الفرصة للإختلاط بشعراء المحاورة أمثال المعـَنـَّى البقمي الذي كان مشهوراً في المنطقة وغيره من الشعراء.



وبعد ذلك انتقل إلى منطقة نجران، وهناك تعرّف على بعض الشعراء مثل الشاعر فيصل العتيبـي. وإلى جانب ذلك تعرف على شعراء المنطقة الجنوبية ليضيف لثقافته الشعرية ألواناً من الفنون الجنوبية الصعبة التي أفادته كثيراً.

بعد ذلك انتقل إلى مدينة جدة في عام 1389هـ، واستقر بها ليحل شاعراً جديداً على حلبات المحاورة في منطقة الحجاز التي تعد مهد هذا الفن وتعج مدنها وقراها بمقارعات الشعراء ومنتدياتهم أمثال: عبدالله المسعودي، ومحمد الجبرتي، ومحمد بن تويم، ومطلق الثبيتـي رحمهم الله، ومعيض العجي ومستور العصيمي وغيرهم، وقد لمع نجمه بينهم ليحتل مكانته الكبيرة بشهادتهم فيشار إليه بالبنان.
لكنه عرف على مستوى المملكة والخليج منذ عام 1397هـ بعد اشتراكه في حفل التراث الذي أقامته جامعة الرياض "الملك سعود حالياً" مع مجموعة من شعراء المحاورة، منهم أحمد الناصر وخلف بن هذال ومستور العصيمي ومطلق الثبيتـي رحمه الله وعبدالله المسعودي رحمه الله وجار الله السواط ومحمد بن تويم رحمه الله ومحمد الجبرتي رحمه الله. وقد برز صياف الحربي تلك الليلة بروزاً مشهوداً عـَرّفه بالجمهور بشكل جيد ومال الشعراء الكبار للعب معه.




































--------------------------------------------------------------------------------




نماذج من محاوراته مع بعض الشعراء






صياف - الحضرمي - الجزء 1





[youtube]صياف - الحضرمي - الجزء 2





[youtube]محاورة بين الشاعرين صياف الحربي & خلف بن هذال





[youtube]محاورة بين الشاعرين صياف الحربي & فيصل الرياحي






[youtube]محاورة صياف الحربي وابن شايق





[youtube]مجالسي لصياف الحربي





[youtube]
































--------------------------------------------------------------------------------




نماذج من محاوراته





محاورة بين مطلق الثبيتي وصياف :

مطلق
ياسلام الله على اللي ما يخونون الأمانة
يسهرون الليل والعالم من الراحة رقودي
يعدلون ويصدقون ولا يعرفون الخيانة
حاكمن شعب الكويت وحاكم الشعب السعودي



صياف



مرحبا بالمسلم اللي به قوانين وديانه

وانت جندي لاخو مريم والفهد ذخر الفهودي
يا طويل العمر ما يصلح شجيع بلا ذهانه
واحدن ماله ذهانه لا يسوق ولا يقودي



مطلق

الحريبي لو لقاله واحدن يقطع لسانه
ما تغزّل في بنات الهند سمحات الخدودي
ما درى راشد محارب يوم يسرج في حصانه
كنّه الفارس يبا يغزى النصارى واليهودي



صياف

يا عتيبة قولوا لمطلق يمرّح في مكانه
ما يدافع عن بنات الهند يا غير الهنودي
خل ابن سرحان يقضي حاجته فأول زمانه
الشباب اليا انهزم ما عاد للمسلم يعودي



مطلق

أعجبك صوت المغني يوم دق الاسطوانه
مار لا ترقص عليها وانت قرد من القرودي
انت لو انك صغيّر ذقت مس الخيزرانه
مير شفتك عود مابك فود جعلك ما تعودي



صياف

والله اني لامسك حلوق العرب كيد ولعانة
والرصاصه من حزامي والشرارة من زنودي
وانت عينك يالثبيتي مثل لون البرتكانه
مثلها هاك السنة صفرا ما تنقص ما تزودي



مطلق

لا يغرك واحدن خداع لو ابدا ثمانه
الرماح اطول رموشه والصواريخ النهودي
انت حربي من رجالن ما يعرفون الرطانة
مار لا ترطن ولو حصلت من تحت اللحودي



صياف

انت ذيب ولك سنون ولك تحت بطنك بطانة
ما تعشى من كبار الروس يا ذيب الرقودي
الحروب اخذوا فلان وسلموهم لفلانه
اسمع الكلمة ولا تجحد ترى عندي شهودي



مطلق

واحدن قلبك يحبه ما اتفق شاني وشانه
والغنيمة دسّها تحت العباة ام اللبودي
الثبيتي في مكانه ما تحرّك عن مكانه
وانت نارن طالعن دخانها من كل عودي



صياف

يصبح الصبح وتبين الشمس وتطير السمانه
وانت طيرن ما نبتلك ريش والوقت محدودي






محاورة ثانية بين الشاعر صياف ومطلق الثبيتي



مطلق الثبيتي :

كل جرح نبا نلقى علاجه وطبه
وإن غدا طبها جبنا السيوف الحدادي



صياف الحربي :

شعشع النور والمسلم يصلي لربه
وأنت فتح سموعك ليا سمعت المنادي



مطلق الثبيتي :

نمدح اللي يمد الوافية ما نسبه
ننقله من ردوف اشعيل فوق الشدادي
مار صياف لا ينثر مع الدرب حبه
بين شقر الحرار وبين شهب الحنادي



صياف الحربي :

يا ثبيتي ترى ثوب الشرف ينصبه
أبيض ما ناشه حمار وسوادي
جاك شاعر مع الشعار ما حد لعبه
ينتبه لليالي حر وألا برادي



مطلق الثبيتي :

خيل الغيث فوقك وأنت ضوك تشبه
سرع ما جاك سيل الخير مع كل وادي
الثبيتي يبا يرميك في جــــوف غبه
بين موج يموج وبين حـــــوت يصادي



صياف الحربي :

خيلت وأقبلت بالماء وعيت تصبه
وأطلعت شجرة خضراء وأكلها الجرادي
لا تحط الغشيــــــم بموتـــر ينقلبه
نحسبك سريت الليل وأصبحـــــت غادي



مطلق الثبيتي :

كيف تومي براسك والهبايب تهبه
تحسبنك كما أن امهيد وألا المهادي
راعي الخيمة اللي حطها في جهبه
جيت أبا مرها ليا الطريــق امتحادي



صياف الحربي :

والله أنك على طبع مضـى ما تكبه
مار وشر عينك من شــــــــراره زنادي
ماني اللي تعلق في الحبال ونشبه
أعرف الفارس اللي ينتصر في الطرادي




































--------------------------------------------------------------------------------




نماذج من محاوراته






صياف ومستور العصيمي :




صياف :



اشوف مستور العصيمي جاب حمله وجمله

الياقضى تمر الحسا جاني يبا تمر القصيـم
إن مد وحده من يداه أملا يدي واحـط لـه
وان كان مد يدينه الثنتين أقـول الله كريـم



مستور :



لن كان عندك تمر جيتك بالبعيـر وحملـه

لكن لاتخلط لي التمر الجديـد مـع القديـم
اظن صياف السحيمي ناسي ٍ وش قلت لـه
وان كان ناسي قول ياصياف والله العظيـم




صياف :



التمر يامستور ماعنـدك سنـون ٍ تاكلـه

أكل الضروس السوس والنيبان مافيهاالسليم
ياللي تبا ترضي هذاك وذاك تبغى تزعلـه
اهون عليك اللفلفه والا الطريـق المستقيـم



مستور :



لابدنا نلقى لنـا غيـرك عميـل نعاملـه

وأناضروسي من حديدوتكسر العظم الصميم
لن كان ماتدرون ويش الراي خلـوه لهلـه
قد قيل بالامثـال مانـزال شددلـه مقيـم



صياف :



ينفك باب الخير للطرقـي وحظـه يقفلـه

درب الصحيح يدله العاقل ويخطيه الغشيـم
إليانقصت الكيـل والمكيـال قلنـا كملـه
حنا ترى ماعندنا فاصحا بنا خشم وخشيـم





مستـور



بان الصحيح وكل رجال ٍ عرفنـا منزلـه

أحد ٍ حياته في شقا واحد ٍ حياته في نعيـم
اللي يبا كحل العيون يلـد يمـي واكحلـه
والاعلى قول المثل مافى الغريم الا الغريم





صياف ومحمد بن جرشان




مـحـمــد ابـــــن جــرشـــان



سلامي ردة "ن" عدلة بدايتها سـرور وخيـر

على روس الرجال اللي عريبـات مناسبهـا
انا الليلة باشب النار وارمي فاللهيب عميـر
مادام شداد ريمة من يدينـا فـوق غاربهـا



صــــيــــاف الــحـــربـــي



الا يامرحبـا ترحيبـة تحـزم بظهـر بعيـر

وتنزل فالبلد واهل البلـد تعـرف مناصبهـا
تجر السانية والسانية طاحت بوسـط البيـر
وحنـا تحـت جـم البيـر مانقـدر نسيبهـا



مـحـمــد ابـــــن جــرشـــان



انا شايفك راسك فالسما من يوم جيت عصير

لكن اعرف من انتة قبل تنشب في مناشبهـا
الوم اللي ليا شافك يطلـع مكـرة التصويـر
واثرة اللي يعرف الناس حاضرهـا وغايبهـا



صــــيــــاف الــحـــربـــي



انا راسي طويل وروس خلق اللة لها تدبيـر

والا ياكـم لحيـة نابتـة قصيـت شاربهـا
على راسك عقال وطاح يوم انك نفخت الكير
ولا تنفعـك بندقـك القديـم اللـي تزهبهـا



مـحـمــد ابـــــن جــرشـــان



اعس الكيس احسبة بر واثر الكيس فية شعير

وايدينك ماتقص الا العلـوم اللـي تربربهـا
عقالي ما يطيح اكبر عليكم من جبـال النيـر
ياراع الوزرة اللي من زمـان العـام قالبهـا



صــــيــــاف الــحـــربـــي



شهد لك واحد ضاري على التضليل والتزوير

نطحت القوم وانت صغير ماتقـدر تحاربهـا
على راسك سمعت الصوت بالتهليل والتكبير
ياراع المشلح اللي جبتهـا والمـا مخربهـا



مـحـمــد ابـــــن جــرشـــان



مدحك العام مطلق وانتفخ راسك من التكبيـر

وحنا نعرفك حـي تعـاف البيـت واحلبهـا
تسعر لك علوم مالهـا فـي سوقنـا تسعيـر
لكن ارجع على اللي في العطل تبني تجاربهـا



صــــيــــاف الــحـــربـــي



لو انك حر عقلك معتـدل حررتهـا تحريـر

لكنـك للعجينـة بالسنـون اللـي تركبـهـا
والا ياطير ياللي في سمانا ماتعـرف اتطيـر
لكنـك روح دور للجحـور اللـي تخشبهـا



مـحـمــد ابـــــن جــرشـــان



انا لاجيت اقمر خبزتـك فـي نارنـا تقميـر

لقيت مقمـع يابـو سـدادة ماتصيـب ابهـا
لكن اليا ركزت خشيمك الازعر دهنا السيـر
ما اشح بحاجة مثلك ليا سيمـت يشـح بهـا



صــــيــــاف الــحـــربـــي



زمان العام في سوق تربة سمرتكـم تسميـر

يشيبـون الاوادم والبقـوم انـا مشيبـهـا
تمسك بالطريـق الزيـن لا لفـة ولاتدويـر
بسلـم النـاس صاحبنـا ونفسـك لاتعذبهـا



مـحـمــد ابـــــن جــرشـــان



زمان العام في سوق تربة شال الحمول العير

ياراع الساعة اللي كسر الصاغـي عقاربهـا
يابو حوتة تخمرها لورعـك لارقـد تخميـر
الك نية والك حجة على غيـري تحـج بهـا


































--------------------------------------------------------------------------------




نماذج من محاوراته





صياف الحربي و رشيد بن زيد الزلامي العتيبي

صياف
العلوم اللي تحـــط الناس راس القمــه
حبلها من يمكم يا صاحبنا معقودي
ثوبك اللي ما ينوش الارض غير بكمّه
نزله للجمره اللي فوق راس العودي



رشيد

ودي اكشف غلطتك للعالم الملتمّه
انت حــرب تطا لبني بورث جدودي
يامحبين العقا ل ومنكرين العمّه
خصمكم لا لآخره عبد الله المسعودي



صياف

انتم رجال الدين وعضامكن منسمّه
اعبروا ذاك الطريق وحملكم مشدودي
انت ما تدري عن البارود لين تشمّه
مير لا ترمي بها فا الوادي المسـدودي



رشيد

لو يا صياف علمي تمسكه وتضمّه
تاجده مثل العسل والا حليب القـــودي
انت تحسب جدنا داب يموت بسمّه
مير انا بذل لنصره طاقتي وجهــودي



صياف

اقطع الله ديره اللي ما يعرف الجمّه
والتجاره يا العتيبي بابها محــدودي
قبرك اللي في تهامه با التراب ندمّه
تحفره با الليل الاظلم والعباد رقـودي






































--------------------------------------------------------------------------------




إنتقل إلى رحمة الله الشاعر الكبير \ صياف الحربي الأثنين الموافق 7-3-1428هـ

بعد صراع طويل مع المرض .
رحمه الله رحمة واسعة واسكنه فسيح جناته






بعض قصائد الرثاء





مرثية الشاعر لافي حمود الغيداني







اعزي عشاق الشعر في موتة العمـلاق

واعزي قبيلة حرب في موت شاعرهـا
واعزي عليه الاسره اللي نكدهـا فـاق
حدود الصبر .. وغياب راسه مكدرهـا
فراقه بالنسبه لسرته ماهـو اي فـراق
عسى الله على وحشة فراقـه يصبرهـا
واعزي صفوف الشعر في نجمها الشعاق
وشعار الصفوف اللي بوقته معاصرهـا
الاعمار زرع دبرته فـي يـد الخـلاق
ينهى الله تعالى آجـال خلقـه ويامرهـا
مقاديـر والدنيـا كـذا مالهـا ميثـاق
رحـا مستديـره وانتكبـد خسايـرهـا
دنا يومه المحتوم والتف سـاق بسـاق
وطويّت صحيفة شاعراً كـان عامرهـا
بحسن التعامل والتواضـع وبالاخـلاق
وصخرّالبيوت اللـي ماكـل يصخرهـا
لياطلق عنان المفـرده يطـرب الاذواق
من اول طواريـق المعانـي لياخرهـا
عملاق طلايع سمعتـه جابـت الآفـاق
ماخلقت قنـوات القصيـد وعناصرهـا
يبا يطول شوق اللي لمن يشبهه مشتـاق
لو تولّد عيـال النسـاء مـع مناخرهـا
عساهـا وفـاة لاحمـيـم ولاغـسـاق
وروح عليـهـا راض الله وشاكـرهـا
اللهم اغفـر لـه خطـايـاه يــارزاق
ولبويه والموتـى المسلميـن بمقابرهـا






قصيدة شاعر المحاورة الكبير محمد بن طمحي الذيابي







يامعشر اهل الشعر والناس الاشراف

اللي لكـم بالطيـب قامـه وهامـه
بالله عزو الشعر في موت صيـاف
عساه فـي الجنـه تخلـد عظامـه
وعزوا قبيلة حرب من كل الاطراف
اهل الكرم والطيب واهل الزعامـه
انا اشهد انه جامعا كل الاوصـاف
فرض على كل الجميـع احترامـه






قصيدة الشاعر الكبير غازي بن مغيران الحربي







البارحـه تنشـر عمـوم القـنـوات

كلن يعزي حرب فـي فقـد صيـاف
تدعي له الرحمـه جميـع المسجـات
من حرب و إلا من بعيدين لاطيـاف
فقيدته ماهـي علـى حـرب بالـذات
فقيدتـه يشعـر بهـا كـل عــراف
أربع عقـود ومنهجـه لـه بصمـات
في رفعت المعنى وتفجيـر الاهـداف
ينقض وفتله مـن جزيـل العبـارات
وبحارته يفهـى بهـا كـل مزهـاف
سيفٍ مرصـع مقبضـه بالجنيهـات
من وين مادرتـه عديـمٍ بالاوصـاف
لو مات يبقا له لقب حـي مـا مـات
((المعجزه ))من بين شعار الاسـلاف
ولا حازه إلا عقـب عـدة بطـولات
فيهن مصادم رؤس ومداحـم أكتـاف
وعز الله انـه جـاد زبـن المهمـات
وأنـه تسمـا مدرسـة بـادع القـاف
ياما صعـد فيهـا بـرؤس المنيفـات
وطرب أسموع الجمع من كل الاطراف
شاعر وجمهوره على قولـي أثبـات
شهد له اللي ماذكر عنـه الانصـاف
له شهرةٍ عبـر الـدول والمحيطـات
شهرت علم ماهي دعايات و إرجـاف
من طبعـه العفـه وحسـن العلاقـات
إلا اليا خبـث الغـا والنبـاء حـاف
يقـدر يحـط منافسـه فـي متاهـات
ويشوفهـا بالعيـن ويعـود أعـيـاف






مرثية الشاعر عبدالرحمن علي السمين الحربي







أعزي قبيلة حرب في موت صياف

خطب جلل والفاجعـه فـي كنفهـا
سيف يشرفنا علـى كـل ميقـاف
وله وقفـة ماكـل شاعـر وقفهـا
وليا غدى بالسوق أرباع وأنصـاف
يصرف جنيهات الذهـب ويعرفهـا
بنت الهوى من عقب صياف تنعاف
ولاعـاد فيهـا ذوق يامحترفـهـا
الموت حق وسنة أجيال وأسـلاف
والا الحيـاه الله يكافـي كسفـهـا
الله( يبيحه) عد مـا هـل وكـاف
وعداد من دمعـة عيونـه ذرفهـا
وعساه بالجنه مع الصحب الأشراف

آميـن يسكـن ياآلهـي غرفـهـا





[/frame]



 توقيع : مجنون صياف

صاح الحجاز وجاوبت نجد بصياح
من يسمع القلطه بعد غاب صياف


آخر تعديل مجنون صياف يوم Mar-Sat-2011 في 04:27 PM.
رد مع اقتباس
قديم Mar-Sun-2011   #2
عضو


الصورة الرمزية محضور
محضور غير متواجد حالياً

بيانات اضافيه [ + ]
 رقم العضوية : 861
 تاريخ التسجيل :  Oct 2010
 أخر زيارة : Apr-Fri-2012 (09:18 PM)
 المشاركات : 164 [ + ]
 التقييم :  10
لوني المفضل : Cadetblue
افتراضي



مشكوووووور والله يعطيك الف عافيه


 

رد مع اقتباس
قديم Mar-Sun-2011   #3
نائب المدير العام


الصورة الرمزية زيزوم المشاكيل
زيزوم المشاكيل غير متواجد حالياً

بيانات اضافيه [ + ]
 رقم العضوية : 810
 تاريخ التسجيل :  Sep 2010
 أخر زيارة : Mar-Sat-2017 (02:54 AM)
 المشاركات : 8,926 [ + ]
 التقييم :  10
لوني المفضل : Cadetblue
افتراضي



مجنون صياف

تسلم يمينك الف شكر


 

رد مع اقتباس
قديم Mar-Mon-2011   #4
مشرف منتدى صياف


الصورة الرمزية مجنون صياف
مجنون صياف غير متواجد حالياً

بيانات اضافيه [ + ]
 رقم العضوية : 1123
 تاريخ التسجيل :  Mar 2011
 أخر زيارة : Oct-Wed-2011 (05:33 PM)
 المشاركات : 54 [ + ]
 التقييم :  10
لوني المفضل : Cadetblue
افتراضي



الساهر العفوووووووو ولاهنت - زيزوم الف شكر على المرور العطر


 
 توقيع : مجنون صياف

صاح الحجاز وجاوبت نجد بصياح
من يسمع القلطه بعد غاب صياف


رد مع اقتباس
قديم Mar-Mon-2011   #5
ضيف


الصورة الرمزية سطام

بيانات اضافيه [ + ]
 رقم العضوية :
 أخر زيارة : Jan-Thu-1970 (03:00 AM)
 المشاركات : n/a [ + ]
لوني المفضل : Cadetblue
افتراضي



مشكوووووور والله يعطيك الف عافيه


 

رد مع اقتباس
قديم Jun-Sun-2011   #6
روح المنتدى


الصورة الرمزية الفارسي
الفارسي غير متواجد حالياً

بيانات اضافيه [ + ]
 رقم العضوية : 1275
 تاريخ التسجيل :  Jun 2011
 أخر زيارة : Jun-Sun-2011 (05:43 PM)
 المشاركات : 3 [ + ]
 التقييم :  10
لوني المفضل : Cadetblue
افتراضي



ابيض وجه ولاهنت على الموضوع الجيد وصياف غني عن التعريف
الفــــــــــــــــــــــــــــارسي


 

رد مع اقتباس
إضافة رد

مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
موسوعه ابجديه باسماء بعض شعراء قبيلة حرب كعام العايل دواوين شعراء حـرب 6 Apr-Fri-2011 02:43 AM
حملة لدفاع عن ام المؤمنين رضي الله عنها صالح الحربي الإســــــــــلامي 1 Nov-Sat-2010 02:09 AM
أم المؤمنين عائشه رضي الله عنها صالح الحربي الإســــــــــلامي 0 Nov-Mon-2010 11:22 AM
سنن مبارك الإســــــــــلامي 2 Jan-Fri-2009 05:52 AM


الساعة الآن 01:50 PM.


IPTEGY.COM® Version 3.8.7
Copyright ©2000 - 2024, Powered By iptegy.com.

HêĽм √ 3.1 BY: ! ωαнαм ! © 2010
[ Crystal ® MmS & SmS - 3.7 By L I V R Z ]