من هو الشاعر / قميش القريقري "رحمه الله"

الشاعر: قميش القريقري الزبيدي (العزرة) الحربي ..

يسكن: ثول

اسال الله أن يتغمده بواسع رحمته

شاعر مشهور جداً وله ردود كثيرة عبر الصحف, وغيرها,

له كسرات متنوعة الاغراض وبعضها فكاهيه وأشهرها يمكن

الناس سطح القمر وصلت .-_.- والواد تــوّه تعلـّم what؟
اخذت من العلم واستكفت .--. وانا وحبيبي فشيل وحـــط

....




قصائد وكسرات الشاعر الكبير :

قميش بن فالح القريقري

رحمه الله وتغمده بواسع غفرانه ورحمته


الدرة الأولى

في بحر الأشواق سافرنا = حتى نزلنا على شاطيه
وهناك خيّـم معسكرنا = بأسلوب والناس تستفتيه
لا عسعس الليل أبحرنا = وليا أصبح الصبح عيني فيه
ياما وياما تخـيـّرنا = هذا نبيعه وذا نشريه

2

الود مشيه يجي بوصول = يـمشي على فنّه الرايق
وإنته مودتك فيها خلول = ودّك معايه ماهو لايق
أوقات تمشي معي بسهول = وأوقات تمشي معي ضايق
قايست الأفكار والمعقول = وإنّك على سدي موايق
لك قصر وسط الحشا من لول = فالعمق يشبه جبل طارق


هذه المحاورة بين الشاعر قميش القريقري

و الشاعر عطالله الغانمي

والمناسبة أن صاحبهم وجليسهم أبو عبدالحميد

شد من ثول إلى جدة ويأتي لثول يوم الخميس

والجمعة وجاء أبو زكريا لمنزل أبو دخيل فلم يجده

ولتقيا في ليلة الخميس ومعهم صديقهم

وبدأ هذا اللحن

أبو زكريا يقول :

يا أهل الوفا يا حبايبنا = أكسيتو الدار بالأنوار

البارحه يوم جهّزنا = جينا لكم فالبلد زوار

الرد من عطالله الغانمي

لو نعلم الغيب ما غبنا = ولا أغير الدار عنك بدار

من غيبة اللي نحا شبنا = واليوم فرحت به الأنظار

قميش

الليل والبارحه معنا = على السفاري مع الدوار

أخاف بكره يفارقنا = وإنّا نهل الدموع إغزار

أبو دخيل

يومين ما أظن تقنعنا = من اللّي سكن فالفؤاد وجار

اللي معانا مطاوعنا = ووايق على خافي الأسرار

أبو زكريا

ضاعت هقاوي مطامعنا = وأضحت سّدى في ورق طيّار

رحل عن الدار واتعبنا = اللي تخيّر وعنا اختار

أتمنى أن أكون وفقت في إخراج الحكاية وسردها
بما يليق بكم قرأءنا الأعزاء



من اشهر كسراته الشاعر قميش رحمه الله

1
أسّست لَك نهر مـن دمْعـي = تجرِي جميع البواخـر فيـه
لا وين يا هاجري بَنْعِـي = حُبّك بلانـي وحايـر فيـه
2

سلام يا صحابنا هيـدو = والا عليكم نشن هجـوم
بالواكس وأسراب ترنيدو =حتى الشبح والفضا ملغوم
3
ماللهوى بــنــك للـتـقـصـيـد = يـوخـذ مـنـه كــاش ويـسـدّد
ابـغـاك فيـمـا وصـلـت تفـيـد = ويسيـر عـنـك الخـبـر مُسـنـد
ورد عـلــيــه الـجـحـدلــي
لـه فـرع يفـتـح نـهـار العـيـد = بـشـيـك مـحــدود مـايـجـدد
عطفـه لـمـن يشتـهـي ويـريـد = ظـالـم ومــع ظلـمـه مـؤيــد

4
فالمـوقـف الحـاسـم المـحـرج = إعـتـل قلـبـي لـجـل همـسـه
مثـل الدرامـا مــع المـخـرج = ماسـه لذعـنـي قـبـل لمـسـه
5
يطيـب لاشـاف نــاس أكـثـر = الـنــوم لعيـونـهـم جـافــي
ومصيبـتـه حجمـهـا يصـغـر = لجـل الــذي نـورهـم طـافـي

6
البارحه في رياض الحب = ألقيت فالمهرجان اخطاب
إن الهوى منوجد له طب = إ لا التوسل بدون اعتاب

7
لاوين من دمنـا نحـرق = يصحابنا إنتـم حرقتونـا
من طلعة الشمس للمشرق = وش صابكم مارحمتونـا

8
ولـــه ايــضــا
سميتني ياحبيبـي سَـمْ = سميت لي يالغضي حالي
سم الأفاعي يجي فالـدم = وسمك على القلب طوالي

9

لغزأرسل له قبل 35سنه من ابو قويس
حَـرّم وإن كــان تـهـوى بــه = ويـحـل لــك كــان ماتـهـواه
فــي قــول ربــي وفكـتـابـه = علمـا مـؤكـد حـديـث قـضـاه
ورد علـيـه الشـاعـر قـمـيـش
لجـل النـبـي حــذّر أصحـابـه = الـكـاس حــرم وراح ســـراه
فـي جنـة الخلـد يحـظـى بــه = وحـرم علـى الـزول فـي دنيـاه
10
عايش على حر نار الشوق = ونيران الاشواق تكويني

يا سامك العرش ياللي فوق = من جور ظلمه تنجيني

11
سبرت بحر الهوى وليـاه = تسعين قامه ولا له حد
وليا صفا الموج يا محلاه = وان عكر ج ما له ضد
زاده نمو الجسـد وغـذاه = وجناته الخضر ماتنعد
كم حي في ذا الملا أفنـاه = احد شقاوي واحد مسعد

11

من شرقها لين حتى تغيـب = أرعـى خيالـه و أترجـاه
عايش على الأسر و التعذيب = و الوقت مـا لمّنـي ويـاه
12



ياما و ياما و ياما كـان و ياما عملت الأسى فيّه
الناس تعمل معي باحسان و انت الذي تعمل السيّه
13



صاح المنادي و عوّد ون = وين الذي في المنام ألقاه
غزال حاوي جميع الفن = و اليوم دود القبر يرعاه

14


لقيتنـي و ارتـفـع راســي = و بوجودكم زاد عـزي عـز
ياللي سـواة الجيـل راسـي = لو هـزت الريـح مـا يهتـز

15

الجو يغري مع النسمـات = و هب الهوى من مصايفنا
ليلة فرحها طلع باثبـات = اللي بها الحـظ حالفنـا


للفقيد رحمه الله مجموعه كبيره من المحاورات مع عمالقة شعراء الكسره نورد

نماذج بسيطه

منها

يقول قميش القريقري

سلام من منهج التصنيف =اللي على بند باب الـود

فالقيل مانبغي التحريـف= اللي عليه الحقيقة تعـد

الرد من حامد عبدالحميد

ترحيب من لايق التأليف= يفيدكم حسـب مايوجـد

من بعد ماراجع الإرشيف= هذا الهوى بين جزر ومد


***********

ويقول قميش

الحـظ ياستـاذ لاأقبل =ا لمرء يسعـد ويحظابـه

كل الصعوبات له تسهـل =مايتعب الناس تشقى بـه

الرد من راجح الجحدلي

حكمك على الحظ مستعجل= يلزمك تسأل عن أسبابه

حظيت في أنسك المأمل= اللي أبى كان يسخى بـه


***********

ووجهت له هذه الكسره من محمد جمعه من ينبع

حضرت ليله فاراضيكم -- بخلاف سالف أراضينا

يالشاعر قميش نرجيكم -- عطني افادة رجاوينـا

هذي قوانيـن واديكـم -- ولاهي قوانين وادينـا

غصنين غنى مغنيكـم -- واربع يغنـي مغنينـا

رد عليه قميش

شلى ياجمعـه معنيكـم -- فالمنتدى انـت تنادينـا

الوضع ماهو بمرضيكـم -- ولا مـرادك تجاريـنـا

غصنين يمكن ماتكفيكـم -- واحنا يابو عديس تكفينا

وعن حد قصرت معانيكم -- فالدين معروف ياخينـا

ومهما مشيتوا نماشيكـم -- بالطيب نبنـى معانينـا


***********

يقول الشاعراحمد الصحفي

هذا الزمن منهجه بالعكس = كل إعتماده على المظهر

واللي على حق والاّ يحس = ما ينسمع له ولو أجهر

رد الشاعر قميش القريقري

جاني تلفون ما هو فاكس = والحر عن ما حصل عبّر

الصاقلين الثياب بلوكس = وَ عزي لمن يتبع المنظر


***********

يـقــول الـشـاعـر : قـمـيـش القـريـقـري :

سـلام ردة وفـا واسمـع = بُعد المدى طـال وأتلفنـي
ليّه زمانيـن وأنـا أصنـع = فأزكـى سفينـة و ودّتنـي
زرت الفضا ما قدرت أرجع = للأرض والجـو روّعنـي
وسلك الجهـازات متقطِّـع = من حيث لاجيـت يلذعنـي
يا أبو سليمـان لـي إفـزع = يا صاحب المجد باصرنـي
وإن كان ما تقتـدر تطلـع = عذّل علـى مـن يدورنـي
وأنـا تـرى بَعْدُكـم بقنـع = وأقول مـا حـي يعرفنـي
وصلاة ربّـي لمـن يشفـع = نهارة الخوف والأمنـي .
===========
الـرد مـن الشاعـر محمـد سليـمـان القريـقـري:
ترحيـب للمشتكـي يُرفـع = اللي مـن الجـو راسلنـي
والرد فالحـال لـه يُطبـع = عبـر التلكسـات للفـنّـي
للمبتدِع صُنـع مـا يُبـدِع = وإن صابه الوقت لا يونّـي
والصبر في ذا الأمر ينفـع =أسمع كلامـي وطاوعنـي
ويا قميش أفزَع لكم وأجزع = وإن مسّكم شيء يجزعنـي
الآن في ذا الأمـر أشـرع = وأسعى لكم قدر مـا منّـي
إسعافنـا عنـك مـا يُمنـع = غيجوب الأقطـار متعنّـي
ما ارجع ولو الخطر ولَّـع = لجلـه لزومـي ويلزمنـي


**************

و هذ ا المردود الرائع للمرحوم مع مجموعه من شعراء الكسره

سالم وعبدالغالب /

لي قلب زادت معاناته = وزداد فوق الجراح إجراح

من اللي رماني بنظراته = عينه سهمها طعني وراح

قميش وعطالله /

حسبي على المعتدي ذاته = اللي رماكم بدون سلاح

يمكن جــزاء فالـذي فـاته = سـلمكم القفـل والمفتـاح

عبدالغالب وسالم /

فجـأة إبتـلينـا بصدفــاته = الظــالم الفـــاتن الذبـــاح

كيف الأمل في علاقاته = وأبني معه صرح ما ينزاح

قميش وعطاالله /

إن كان تبـغى ملاقـــاته = ما ساس يبنى بغير كفـاح

أدرس ميوله وطلعاته = ولابد بعد المســاء مصبــاح

سالم وعبدالغالب /

جبت الفضاء في مداراته = وانا لـجس الخبـر لمـاح

لقيـت صعبـه طبيـعـاته = يمـزج لنا الجـد بالأمـزاح

قميش وعطاالله /

يامـن بليتـوا بشــبكاته = ومجـابهة سيـفه المــلاح

هذا كذا الود غاراته =ومنهو فشبك الغرام إرتاح


*************

يقول الشاعر منصور السيد

المر ذقته من اسبابه = وزاد الحق المر مر المر
عنيد يمشي مع اصحابه = وناء الذي خاطري منضر
عامين واقف على بابه = لجلي انا لجانبه مضطر
كيف اتخلص من انشابه = اللي ليا تم وعده غر

ورد عليه قميش

يامن لنا قدم عتابه = وزاده بصوره من المحضر
واهج من الطيف سرابه = ومن صلب الاحداث له صور
ويصبر على المر من جابه = والحر لما وقع يصبر
وفيما بقي يحسب حسابه = ويبعد عنه قد مايقدر


************

يقول قميش

سلام للقاضي الفهام=اللي نبي حله وشوره
لي خل في سباق الايام = والوقت بين لنا دوره
واقف لنا ضد بالاقدام = ودرب الوفا حطم جسوره
خلا الــــعــدا ترفع الاعلام = وخواطر الأنس مكسوره
كل مانجي شرق غرب شام= من سد عمان وقصوره
حكم القضية عليك الزام= يانور زايد على نوره

الرد من الشعر عبدالرحمن القاضي

يامرحبا سنة السلام= تنصاك والحال مسروره
من قلب صافي من الاوهام= مرشوش بالورد وزهوره
لما اطلعنا على الارقام = اللي فالاوراق مسطوره
لقيت خلك مضى له اعوام = سابق اوانه ودستوره
ابحث عن اللي يجي قدام = واللي انتهى اترك شروره
هذاك سوي عليه اعدام = اشطب على اسمه ولاتزروه
كيف ترجى منه استرحام = وانته عزايمك مخبوره
قاضي لكم صدر الاحكام= فصكوك بالختم ممهوره


***************


الشاعر الاستاذ / عبيدالله ابو زاهرة


الـلـي شـرابـه نقـيـع الـمُــرّو زاده من العلقـم الصافـي
كيـف الليالـي علـيـه تـمُـرّويطيب من جرحه الخافي؟


الشاعر العملاق / قميش القريقري


يطيب لا شاف ناس أكثـرالــنــوم لعـيـونـهـم جــافـــي
و مصيبته حجمها يصغرعنـد الـذي نـورهـم طـافـي


هذه المحاورة بين الشاعرين : قميش القريقري رحمه الله
والشاعر : عماد أحمد الشريف ( عناد القاف )
وهذه المحاورة عندما كنا عائدين من الطائف في السيارة

البدع من قميش :

يا عين هلّي دموعك لين = تلقين منهو يكفكفها
يمكن ليال الزمان تزين = ونلقى حبايب نوالفها

الرد :

هيّض عليّ الكلام الزين = أبيات شاعر مألِّفها
واللي صبر يكسب الثنتين = وتـهب له من مصايفها


هذه من اروع درر ابو زكريا رحمه الله وقد لاقت شهره واسعه وطلب كبير من عشاق

الكسره وقد فاضت بها قريحة شاعرنا في اخيه الذي غاب عنه عام كامل .


سـلام ردة وفـا تنصـاك=من قلـب فالقـول ماكنـي

اخوك يبكي بعـد فرقـاك=اخـبـرك يامبتعدعـنـي

كـم ليلـة فالمـنـام اراك=فحـلا منامـي تقابلـنـي

نهرج ونضحك انا ويـاك=ولاقفيت عنـي تزعلنـي

اصحي من النوم وانا انباك=يللـي بطريـاك شاغلنـي

قالو لي الناس شلي جـاك=شلي جرى واخلف الظنـي

علام زايـد عليـك بكـاك=علامـك تحـن وتـونـي

قلت البحر زاف بالأسمـاك=واشوف حوتـه بياكلنـي

كتمت سدي علي ذكـراك=وهجوس قلبـي بتقتلنـي

امشي علي طاعتك ورضاك=مبغاك تشكي اسـي منـي

والقلب يفرح نهـار لقـاك=لاشفتـك القلـب متهنـي

إنته مريح فوسـط حمـاك=وانـا المقاسيـم صابنـي

كم اسهر الليـل واتمنـاك=متعـب والأقـدام تعبنـي



الرد من الشاعر محمد سليمان القريقري


يا مرحبـا والـوداد منـاك=يافـن رغبـان مـن فنـي

في جدول الحفظ كيف انساك=يلـلـي أمـانـك مئمـنـي

قتلت وحييـت مـن بلـواك=وليالنـا السـود عـادنـي

وازريت عن ذا الجدال انهاك=وبكـاك بالطـرف حملنـي

وليـا التهاليـك وش وداك=واصرافكـم بالنظـر عنـي

ومازلت والله انـا بهـواك=لو العـرب عنـك تعذلنـي

يامن حياتي علـي رجـواك=إنتـه علـي مـن تاكلنـي



[من منا لايعرف الشاعر قميش القريري واليكم ايضا بعض مما قالة مع الشاعر عبد الرحمن القاضي

القريري
سلام للقاضي الفهام=اللي نبي حله وشوره
لي خل في سباق الايام = والوقت بين لنا دوره
واقف لنا ضد بالاقدام = ودرب الوفا حطم جسوره
خلا الــــعــدا ترفع الاعلام = وخواطر الأنس مكسوره
كل مانجي شرق غرب شام= من سد عمان وقصوره
حكم القضية عليك الزام= يانور زايد على نوره
الرد من الشعر عبدالرحمن القاضي
يامرحبا سنة السلام= تنصاك والحال مسروره
من قلب صافي من الاوهام= مرشوش بالورد وزهوره
لما اطلعنا على الارقام = اللي فالاوراق مسطوره
لقيت خلك مضى له اعوام = سابق اوانه ودستوره
ابحث عن اللي يجي قدام = واللي انتهى اترك شروره
هذاك سوي عليه اعدام = اشطب على اسمه ولاتزروه
كيف ترجى منه استرحام = وانته عزايمك مخبوره
قاضي لكم صدر الاحكام= فصكوك بالختم ممهوره]



ايضا لكسره دارت بين قميش القريقري الحربي وعواض الفارس الحربي/


عواض الفارسي


يا قمــــــيش لانك عميــد القاف.............. ..........توصــل في رسم المثل حده
هيا استــــــمع مشتكى الميلاف..........................اللي كـــــلف من آسى وده


قمـــيش القريقري

عــــــواض يا حامي الميقــــاف .........................قولك وصل واستمع رده
يا عــــــزوتي حيث تامن خاف .........................لاشد في الحبل لا تشده



اخر دره فاضت بها قريحة الشاعر قميش رحمه الله قبل وفاته

قصيده بمناسبة زفاف ابنته ..

انتي منال العز صعبن منالـــك = منالك الا راعي الحـــظ الأوفـــر

يادرة ٍ للمجد مجدي سعا لــــــك = وأعطاه رب العرش من غالي الدر

مجدي ولد حامد رجل من رجالك = من ربعتن ميقافها دايـم يـــســـــر

مبروك حفل زفافكم واحتفــــالك = ألأنس طاب وكامل الحفل نـــــــًور

أصيلةٍمن أصل جدودك وخــالك = من ماكر صقورٍعلى الطيب تذكر

يستاهلك حيٍ بجهده ســــعالك = هذا كلام الصدق ماهـــــو مزور

يا حاضرين الحفل شكرا لذلك = شكراً عد ما هلًمن مزن وامـطر

يا ليلةٍ فيها الزهاء اكتمالك = بحضور أهل الحي زاد وتتـــــطور

ــــــــــــــــــــــــ............ــــــــــــــ ـــــــــ
شاعر كبير جدا لا نوفيه حققه من خلال الكتابه
واعذرونا على القصور
اخوكم / بن سند

ابن سند بيض الله وجهك على المجهود الرائع و رحم الله الشاعر

تسلم اخوي ابن سند على هذا المجهود الرائع
و الله يرحم الشاعر قميش القريقري و يرحم جميع اموات المسلمين

ابن سند بيض الله وجهك على المجهود الرائع و رحم الله الشاعر