محاورات مستور بن تركي العصيمي

مستور العصيمي

صـدقـونـى.... لـيــا مـنــى هرجت.الـصـحـيـح

شـفـت عبدالـلـة واقــف لـــة عـلــى بـــاب دار

لاحصل شى من قصدة........ولا مستريح

كـل ماشـاف قبـة..........قـال هــذى مــزار

عبداللة المسعودى

من يصدق كلامك يالبخيل....الشحيح

والـبـخـيــل الـشـحـيــح يمدهـا..بـالـيـسـار

احـرم اللـة عيونـك مـن عـيـون الملـيـح

تـنــوى الـصـيـد وانـتــة ماتحـق..الـعـيـار

مستور العصيمي

علم مثـل الحجـر ماهـو بسكر..يميـح

وانت خير لك من درب الجحيد القرار

يابن مستور علمنى وخلك....صريح

كيف تجحـد كـلام مثـل شمـس النهـار

عبداللة المسعودى

انت منت الطبيب اللى يداوى..الجريح

انت مجروح فى نفسك وتكوى ...بنار

مـــن يـعـلـمـك يـالـلــى بالسرايـر...تـبـيـح

تحسـب ان القنـا والسيـف طبلـة وطـار

مستور العصيمي

عـذبـتـك اللـيـالـى يالـلـسـان الفـصـيـح

كـل ماشفتلـك طيـر مـن الـعـش طــار

اخر الوقت اظنك فى مصيبة..تطيح

يفقدونـك هـذيـل اهــل الكرم..والـوقـار

عبدالله المسعودى

انت جتك النصيحة من عميل نصيح

مـار ماخذتهـا بـيـن الضـلـوع القـصـار

ياعـتـيـبـة تــوحـــو فاالعتيـبـى..يـصـيـح

كـل ماشـاف لـمـة شــال ثوبـة..واغـار

مستور العصيمي

زندك اللى من اول كان يقدح قديح

والعشيـة مـولـى مــا يجيـلـة ..شــرار

شـب نـارك تحـت قــدرك لعـلـة يفـيـح

والــــدلال المنـحـر..زيـدهـا بـالـبـهــار