حفل المعايدة السنوي الرابع للحجوره من بشر من بني عمرو من حرب

السلام عليكم ورحمة الله وبركاته
حفل المعايدة السنوي الرابع للحجوره من بشر من بني عمرو من حرب يوم
الجمعةرابع ايام عيد الفطر المبارك 4/10/1432
في قرية المقيطع وقد تخلل الحفل العديد من الفعاليات الرائعة والمشاركات القيمة
من الحضور والشعار وكانت ليلة من اروع مايكون












جانب من الحضور



مشعل بن نويم اثنا تقديم احدى الفقرات






لقطة للعبة المجارير


الشاعر القدير مخلد بن علي الحجيري والقى بعض القصائد










الاستاذ/ حامد بن مرزوق اثناء بعض الحوارات

د/عايش بن عطية البشري وحوار مع والدالشاعر بخيتان الشيخ بخيت بن بخيتان وكيف كان الماضي


المسابقات الثقافية ويظهر منصور سليمان وعلى يمينه بخيتان بن محمد بن زارع

ظهور الفريقين فالمسابقة الثقافية


الشاعر القدير حسن بن علي (حفيد الحجيري)وقصيدة مجالسي



جانب من الحضور



اخي القدير نواف بن محمد بن زارع

الشاعر / بخيتان بن بخيت وقصيدة المعايدة وبعض القصائد الآخرى

جانب من الحضور



جانب من الحضور ويظهر اخي القدير تركي بن محمد بن زارع

د/عايش بن عطية واحدى فقرات الحفل



الشيخ / محمد بن زارع وحوار يجريه الدكتور عايش

=============================================

احدى قصائدي التي القيت اثناء الحفل بعنوان / لكم التهاني واجبة فالعيد ومن العايدين


الله بذكره نبتدي والله بذكره نستعين = الحمدلله بعد عام العيد عاد ولمنا
بنات فكري لابسات حروفها الدر الثمين = تاجي بجزلات المعاني ماتخيّب ظننا
يامرحبا ترحيبةٍ تمشي على ملة ودين = تعمكم يامن حضر بفراحها وتعمنا
الله على صفو القلوب يلم شمل الحاضرين =اللي بهم في كل عام يزين محفل جمعنا
لكم التهاني واجبة فالعيد ومن العايدين = شوفتكم الليلة بها تزداد فرحة عيدنا
حنا الحجورة ساسنا ثابي على مر السنين = الآد حجر وقسمنا فالاوله من جدنا
تاريخنا ماينجهل وان كان به متجاهلين = الجهل ماده بابهم ونصك دونه بابنا
اطباعنا على الوفا مانستمع فالناقصين = الناقصة من جابها عود بها في عِرفنا
والعِرف وان قلته لكم ماني بسيد العارفين = بين العرب حنا الحجورة مانضيع دربنا
والسارحة من دون راعي مالها حزة وحين = تلقى حلال تخالطه على حسب مفهومنا
الطيب ياهل الطيب يبقى فالرجال الطيبين = وحنا على طيب النبا دايم نقود عزومنا
وختامها يالابتي ياعزوتي في كلمتين = صلوا على المختار والمعذار دون قصورنا





وشارك الشاعر /حسن بن علي الحجيري بمجالسي

البارحه تشكلتّ بيض الأوراق=في صورة أنثى حسنها بالبني فاق
وصارت تثنّى لين حرفي لها راق=وقامت تحاورني كهدهد سليمان

قالت سلام وقلت يا مرحبابك=ياللي على كفك نقشتي خضابك
قالت يا وجه الخير لا ترد بابك=قلت اِقلطي واخذي من الكيف فنجان

قالت يدوم اِلك البقا وقبل ما أقلط=بأسألك لكن فوق ضيفك ، ما تشرط
قلت الثلاث أيام يا ضيفنا شرط=في سلمنا وما زاد عنها بالأمكان

قالت قبلت وبنتوكل على الله=ياللي حروفك شوّقتنا لك الله
قلت ابتدي خير البدايات بالله=قالت بذكره نبتدي ، واِسمع الآن

اِنت منين ، وقلت من حرب من حرب=قوماً لنا تشهد هل الشرق والغرب
الأوله من قسمنا ، سلم أو حرب=يشهد لنا القاصي ويشهد لنا الدان

في وصفنا ما يوفي الحرف والقيل=رجّال واحد منّنا عن رياجيل
ما نبخس العربان ما نقبل الميل=لكن قول الحق ما فيه حقران

قالت صدقت وحرب ماهي قبيله=دوله وسط دوله وفيكم قليله
قلت اِسألي عنّا السيوف الصقيله=تلقين بصمة حرب في كل ميدان

قالت بكم والنعم والسبعة أنعام=يامن عجز في وصفكم حبر الأقلام
لكن يا ضرغام يا نسل ضرغام=حرب اسمك الأول ، ونبغى اسمك الثان

قلت ابشري دامك سألتي عن اسمي=فالنايفه يا بنت الأجواد قسمي
من بشر شوكة حرب مشهور وسمي=واللي ما يعرف بشر خسران خسران

ما بين مكه وطيبه مقيمين=نحمي مواقفنا على العسر واللين
عون القريب و سقم كبد المعادين=ميزاننا يرجح على كل ميزان

على سلوم أهل الطويله ربينا=وإن دقت أجراس الخطر ما انثنينا
وقت الله كافيتنا يدينا=ما نبني ألا بنينا فوق سيسان

قالت ما فيكم شك ، ما منكم قصور=ياليتني من بشر وأجدادي بشور
قلت الظلام يزول مع فجّة النور=والحق ما يحتاجله زود برهان

قالت عرفنا الأصل والفرع لكن=باقي لنا اِستفسار اِذا وقتك أمكن
قلت ابدي اللي وسط الأضلاع بك كن=قالت من أيّة بشر يا ذرف الأيمان

قلت الجواب يقول : حنّا الحجوره=فريّسنا فالماد مثل النموره
مثل الدوا للجرح وقت الضروره=آلاد حجر لبشر منصى و عنوان

بالضيف لامنذه لفانا نهلي=من واجبه ما ينقصه قدر ملي
ما نزلّ ، بس اللي علينا يزلي=نقرا عليه الفاتحه ، كنّ ما كان

تاريخنا ما دونته الدفاتر=اللي محاورها نقاش الدكاتر
تاريخنا بين القبايل واتر=على جباه خصومنا فعلنا يبان

قالت لك ما نجاملك يالذيب=وإنّ اسمكم ناف الحجا والمراقيب
قلت الحقيقه شمس لو إنّها تغيب=تبدي ويجلى كل زورٍ و بهتان

قالت سؤال وقلت روحي لغيري=قالت طلبتك يا حفيد الحجيري
آخر سؤال يكنّ داخل ضميري=ويش اسمك اللي نزهمك فيه يا فلان

اسمي حسن ولد الحجيري بلا فخر=ولد الكريم اللي لمن يعرفه ذُخر
اللي بفعله ناحت اسمه على الصخر=درع القبيله دونها قاضي الشان

قالت تشرفنا بكم يالأجاويد=عايد ربوعك باسمنا دون تحديد
وإن طال عمري وعدنا ملتقى العيد=اِثنعش ميلادي من العام ألفان

ختامها يا عزوتي يا حزامي=تمت حروفي بالوفا والتمامي
ما باقي إلا ذكر سيد الأنامي=صلّوا على المرسول في خير الأديان

============================================
واعتذر من اخي مخلد فلم احصل على قصائده
وختاماً اتمنى ان اكون وفقت في ماقدمت واعتذر من الجميع فالقصور

وكل عام والجميع بخير