مشاعر وطنية بمناسبة عودة ملكنا الغالي الملك عبد الله بن عبد العزيز سالماً معافى لارض الوطن لـ الشاعر نواف بن فارع الفريدي :


يا غصون الشعـر جـودي بالمعانـي واثمـري
واعلنيهـا للعـدو حنـا حمـاة ارض الـوطـن
فـي ذرا قايـد وطـنـا أطربيـنـا وابـحـري
خـادم البيتيـن ابومتعـب عمـى عيـن الفتـن
يـا صحايـف بلّغـي مغـزا كلامـي وانشـري
يـا حيـاة ٍ عـز , وإلا للحيـاة أقـرب كـفـن
حكم اخـو نـوره أملنـا يـا صحايـف بـرري
خير , واستقـرار ننعـم فيـه , وافـراح وأمـن
يـا صحايـف علميهـم .. يـا مـآذن كـبّـري
من بعـد عثمـان , ثـم بعـده علـي لالا ولـن
ننقض البيعه وأنـا حظـي مـن الظالـم بـري
دام طبعـه كـل يـوم وكـل يـوم ٍ لـه لحـن
يوم شيخ , ويوم فارس .. ( في مسلسل دعشري )
بالمذاهـب والطوايـف مذهبـه مـالـه ثـمـن
والسفـيـه لـيـا تكـلـم مانبـيـع ونشـتـري
نتركه في سـوق لنـدن .. كـل ماجـاب يهبـن
دام ابومتعـب علـى الوقفـات سبـاق ٍ جــري
هو ذرا دين الإلـه وهـو ذرا اللـي لـه زبـن
شامخ ٍ باعلـى صفـات المجـد وبمجـده ثـري
ماعلينا مـن دعـاة الشـر واصحـاب المحـن
العرب أصله سـوى وإلا مـن اصـل ٍ بربـري
ثابتيـن الخطـوه ونرقـى سنـود إمـع الزمـن
مرحبـا يـا سيـدي تفـداك عينـي وانـظـري
غيبتـك منهـا عـروق الـدم لحظتهـا وقـفـن
وفي حضورك عوّدت تلعـب لحـون السامـري
ردد الشعب السعـودي .. يـا وطنـا يـا وطـن
يا مليـك الشعـب خاطرهـم يحاكـي خاطـري
من خليجـه ليـن غربـه والشمـال ليـا اليمـن
عيّدوا والعيـد عيّـد يـوم جـا اللـي نحتـري
فيصلـي ٍ لـه بيـوت الشعـر جـادن وانهجـن