هلا مرحبا في حفل راكان سعود ذويخ=ازف التهاني له ولخوة سلطاني
ياراكان جدك شيخ وابوك وانت الشيخ=مااخذة المشيخه من فلان وفلنتاني
اميرا"ماهو من ساس لو ياصل المريخ=وامارتك جديه على وقت راكاني
اخذها بحد مهندا"يلجم اللويخ=على سرج هدبا يومها سنان وعناني
يامير الفويلق شيخ ربعا"لهم تاريخ=رجال الكرم والدين ورجال الاحساني
ليا كبرة القالات نوختها تنويخ=ليا عدو الامجاد طلقين الايماني
وخالك حميا راسه يزيدها تشميخ=فخورا"ببن بتلاء الحميدي كحيلاني
ماشلخ علومه في فيايا السعه تشليخ=مثل من يحسب المرجله هرجة لساني
وسلايل بشاره لابتي للعدو زلميخ=وللصاحب احلاء من لبن حم الامتاني
ماذم الحرار الشقر قرناس ولافريخ=نعم بالقبايل كلهم قاصي وداني
وللعود مقطع وشجره والذهب له سيخ=وعسى الله يعز الامن ويعز الايماني
ياراكان يابن سعود والنعم يابن ذويخ=اراهن على طيبك بيمناي واثاني

يابو زياد ابي معك يم الاجواد =لهل المكارم والمراجل بخاويك
عجل ولاتبطي علي يابن عياد =نبي لمعرسهم نزف التباريك
مبروك ياسلطان ياراع الامجاد =جينا نبارك لك عسى الله يهنيك

ياهاجس الشعر حضر حان نضم القصيد =اليوم يومك واذا ماجيت منت معذور
احذر تأخر علي عجل وهات الجديد =هات البيوت الجزيله لايجي به قصور
ابمدح اللي له ببنك المراجل رصيد =رصيده الطيب والنخوه وطول الشبور
الشيخ راكان راع الطيب زبن الضهيد =وانا بمدح الرجال اهل المكارم فخور
شيخ يحل الصعايب دوم رايه سديد =يفوح من سيرته للشعر مسك وبخور
يشوش راسه على الفزعات ماهو بليد=ويضحك حجاجه لاياجيته تشوف السرور
ماهي غريبه وفعل الطيب ماهو جديد =متوارث فعل ربعه من قديم العصور
من روس حرب اهل الوقفات عوق الضديد =قبيلة مجدهم بين العباد مخبور
مبطي وهم كاسبين المدح شيء اكيد =لهم بصفحات تاريخ القبايل حضور
اهل الكرم والشجاعه من زبنهم سعيد =حماية الجار حلالين صعب الامور
افعالهم ماتكفيها بحور القصيد =يجف حبر القلم ولاتشيل السطور

سوق التهاني والتباريك سوق الكيف = تخطى على راكان عوده ومبخرته
تعم الحظور بمحفل فايق التواصيف = يشرف وشيخان القبائل وتصدرته
واهنيك ياسلطان من قلب ماهو زيف = لعل السعاده في زفاف تخترته
وعلى العز ياجمع ليا جاء لزومه شيف = ييجي بالطليعه بالتحامه ومقدرته
بناه ونبنى بنيته مكرمين الضيف =رجال لهم بالمجد فعل مسطرته
على الضف شيخ لا حضر مايبي تعريف= افعاله وفعله اجداده العز شاهرته
راكان بن شيخ يوم وجه الزمان مخيف= تحاشاه فرسان الجزيره ليااسبرته
ليا زعزع العزوه وطش بجفير السيف = على اشرس كبير اعداه يا سرع سيطرته
على شف وضح رتعها حيث كان الريف= تطيح على المقهور واعداه خابرته
يبها الشجيع ولا سبرها يعود معيف= تغمضه ولكن هيبة ذويخ قاهرته
فعول على وضح النقا مابها توليف = حفظها الزمان اللي مضى وسط ذاكرته
لراع البويضا ترفع البيض باعلى منيف= نفخر بها والصدق تصعب مجاكرته

أوحد المعبود في كل الأحوال=الخالق اللي كلنا تحت ظله.
من بعد ذكره يبتدي صوغ الأمثال=من هاجس" جزل النباء اطماعة" له.
إيصوغها صوغ" بلا شك وجدال=صوغ الذهب لا صيغ في معمل" له.
ويسوقها سوق النضاء بالشهب اللال=لاجل القبيله ساقها وساوق" له.
وقمت اتذكر في قديمات الأفعال=وفي ماضي التاريخ دقه وجله.
وطرت لي أفعول" كما نايف الجال=ومثل النجوم العاليات المطله.
فعول الرجال أهل الوفاء عز وإجلال=وكل" فعوله بالليال أفخرا" له.
فعول" لنا يوم المواقف لها أبطال=الكايده نسري لها من دون خله.
لي لابت" تاريخها بالسماء عال=وبين القبايل ثقلها في محله.
أمجادها بين العرب تشرح البال=يفخربها من سجلت في سجله .
عز و نقاء و ماقف و مذهب ومنزال=والله وهب فينا المراجل جبله.
حنا قبيلة حرب ياطيب الفال=يفخربنا من حطنا محزم" له.
رجال" للحمل لاثقل شيال=يرخي عضودا" حملها ماتزله.
وتاريخنا في قمة المجد لازال=وياسعد من حرب الوفاء مسندله.
أفعول ربعي يوم جور الزمن عال=تعرف مواقنا على كل حله.
منا البلالي قصته ما لها أمثال=في ماضي التاريخ والوقت كله.
فدى بحياته دون جاره ولا هتال=برك لحد السيف من دون خله.
جار و خوي وأمانة" والزمن مال=وقدم حياته دون جاره فدا" له.
قال أذبحوني لا يطولن الأقوال=وخلوه يرجع يحترونه هل" له.
والبشري اللي للنقاء والوفاء نال=من دون جاره يوم وقته حبله.
ساقوا والدهم بالمغاتير زرفال=وعاش بكرامه والزمل ماوصل له.
خلا المطيري وسطهم له تبهلال=جلوا هموما" في ضميره تعله.
و نويشي اللي للمناعير قتال=دون الخوي سته وراحوا قضا" له.
غير اليمين اللي بها الدم شلال=اللي بترها بتر في مضربا" له.
من السطر يوم أعتزى مرخص الحال=دون الوجه له ماقف" باقيا" له.
ومصلح البشري عسى سنينه أطوال=له ماقف" طول الزمن شاهدا" له.
جاره رشيدي مابها زيف وجدال=ذبح والدهم بالخطاء ما فطن له.
أمرا" حدث لله تدبير الأحوال=ذبحة خطاء و مثقه بالأدله.
وأعتق ولد جارة على كل أبو حال=فعل الوفاء راع الوفاء مايمله.
ولاهو محسب للمدايح والاموال=يبى الجزى من خالق الكون كله.
الجار عند الجار له قدر وإجلال=مهما حصل مقدارهم ما يخله.
عند الرجال اللي على الماقف رجال=والا الردي ماتنعرف وجهة" له.
وتاريخ أبن ناحل شمخ مثل الأطلال=بدرب الصخاء مجد الصخاء زاميا" له.
قول" على معنى ولا فيه مايقال=واللي جهل ينشد ويلقى الأدله.
ومنا مخيمر ياكريمين الأسبال=راع الصخاء يوم الأوادم مقله.
جوه الضيوم اللي بها الوقت ميال=والكل منهم كل ضيم" يمله.
ولا عنده الا السانيه مالها أبدال=وراع الصخاء له ماقف" عادة" له .
هدج نحرها قدمهم طيب الفال=وعشاء الضيوف وبرهم في محله.
ويوم العرب مابين رجلي وخيال=وكل" سعد فاله بسيف" يسله.
ندرى و يوخذ راينا قوس وهلال=والعلم يفهم كيف وضع الأهله.
حرب" لهم لاصارت الهيه أقبال=كل" يشوش و يحتمي ماقف" له.
ولاصار فوق القاع للخيل زلزال=ثم لوحوا بمهاوزات الأضله.
خصيمهم ذاق العنى وشاف الأنكال=ومن عاش ماله يمهم شف لله.
نبذه من فعول" لها وزن وثقال=فعول" لها ماقف و مذهب ومله.
حنا هل الماقف ليا شهوهب اللال=وكل" تعزوى والضماير مغله.
أفعالنا تصعب على بعض الأشكال=أهل الفعول الخايبات المذله.
ميقافنا كايد ولا فيه مدخال=والعلم واضح و الفعايل مدله.
تاريخنا يبقى من أجيال لأجيال=شامخ وكل" وده أنه يصل له.
ومهما نضمة الشعر والقاف لو طال=محصي فعول" بالوفاء مستقله.
وكل القبايل حقها مابه أجدال=كل" على فعله و حقه يدله.
ماذمهم كم وأحد" وافي خصال=وفعل الوفاء بأهل الوفاء مذهب" له
والطيب ضلع" شامخ" حدره جبال=ولاكل من هاز المعالي وصله.
وصلاة ربي عد ماهل همال=على نبيا" بين الحق كله.

الا يامن بسط سبع(ن) على اعلاهن تعيش الناس=ولــــولا قــدرتك يــــارب ماكانن ولاكنا
نعمر في مناكبها بيوت(ن) من ذهب واللماس=واذا متــــنا تــمد اكفوفها البيض وتحضنا
ترى لولا منـاكبها مايلقى الادمي مجلاس=ولولا بطنـــها كـــان الذياب الشهب تاكنا
رضاك اول مقاصدنا وحب الطيب والنوماس=ولولا الدين والنوماس بين الناس وش حنا
نعيش بوقت يجبرنا على الهمه وقو اللباس=وهذا اللـــي يخليـــنا نــفرق في معادنا
احد يبني صروح المجد بالهمه وقو الساس=واحد مايكــسب المـــعروف لا منا ولا منا
بروق الوقت مصحوبه بزخات العنا واللياس=نبي نصبـــر عليـــهن ليــن يقفن ويتعدنا
مدام ان الامل برقه يهيض رغبت العساس=هبوب الليــاس لــو هبــت علينا زفت عنا
عسانا لتـــقدمنا نجمــل في عيون الناس=وعسى اللي مايجمل في مواقيفه ماهو منا