السماء صافيه مير المصابيح وين

يـالـعـل الـسـمـاء تـطـلـع مصابـيـحـهـا

صـار سلطـان مثـل معايـد القريتيـن

عـنــده قــفــول ومـضـيــع مفاتـيـحـهـا

ياحـرب صيـاف لـه عاميـن متقـاعـد

والـطـايــره تـنـتـظـر طــيــار ومـسـاعــد

الله يـعـيـنـك تـمـثــل حـــــرب يــاراشـــد

تبي الحقيقه حقوق الطبع محفوظه

السماءصافيه والهرش جر الحنين

والـنـشــامــى تـومـيــلــه مـسـابـيـحـهــا

انـتـهـت فـتــرة الاشـــواط والركلـتـيـن

وانت حظك علـى ركـلات ترجيحهـا

إن غــاب صـيـاف مـانـتـرك مواقـفـنـا

الـــلـــي تـشـرفـبــنــا وهـــــــي تـشــرفــنــا

الانـــس والــجــن يـاسـلـطـان تـعـرفـنـا

تبي الحقيقه حقوق الطبع محفوظه

بـاقـة الــورد جايبـهـا المسـافـر مـنـيـن

وش تبى بالورود اليا اختلف ريحها

انـت يمنـاك محفوفـه بسمـن وسميـن

الله انــــه يـسـامــح حـــــرب ويـبـيـحـهـا

والنعـم فــي موقـفـك والمـوقـف الاول

اللـي يـهـول عـقـول الـنـاس ويـهـول

فـي راس قمـت جبـل ماهـو بمتحـول

تبي الحقيقه حقوق الطبع محفوظه

جاتكم من يسار وجاتكم من يمين

الصقاقـيـر تـومــي فـــي ملاويـحـهـا

الله انــه يـعـز المسلمـيـن اجمعـيـن

واللـيـالـي مـتــى تـبــرى مجـاريـحـهـا

يالـهـاجـري مـــن زمـــان ادور الـفـرصـه

كلـن مـن اصحابنـا ينفـخ عـلـى قـرصـه

من عقب برج التجاره غليت البورصه

تبـي الحقيقـه حـقـوق الطـبـع محفـوظـه

راحت العنصريه روحت الاولين

واضحه ماطلبنا منك توضيحهـا

الله انــه يـهـدي سـركــم الـدفـيـن

فيـه حاجـات مختلفـه ملاميحـهـا

والنعـم ياصاحـبـي وافــي ولــد وافــي

والـلـيـلـه الـلـيــل مـيـقـافـك ومـيـقـافـي

الله يعـزك ويشـفـي عــوق صيـافـي

تبي الحقيقهحقوق الطبع محفوظه

مير ماتصلح الحجـه بـدون القريـن

صلحـوهـا ولــو يـاصـعـب تصليـحـهـا

انت مثل الاسد واخوك مثل العرين

خـلــنــا نـجــمــع الاســـــرار ونـبـيـحـهـا

مشـكـور يالـهـاجـري يـاطـيـب الـسـيـرة

وابشـرك لاجلـس صيـاف جـاء غـيـره

والـلـي يـحـاول يسـاعـدنـا كـثــر خـيــره

تبي الصراحه حقوق الطبع محفوظه

انشد اهل النجف وين الحسن والحسين

قـــــول يــاويـــح اهـــــل بـــغـــداد يـاويـحــهــا

انـــت وقـــت مــضــى مـاتـنـظـر الا بـعـيــن

تــطــلــب الـــنـــاس وتـــجـــدد تـصـاريـحــهــا