ســلام يــاروس الـرجـال المناعـيـر
روس الرجال اهـل الوفـا والشهامـه




ســلام مــن دافـــع مـعــزه وتـقـديـر
مــــن شـاعـرٍدايــم يــقــدم ســلامــه




أخص به حضرت جميـع الجماهيـر
اللـي لفـو مــن شــان راع الكـرامـه




أهـل المـحـل وضيوفـنـا والمسايـيـر
كـل حسـب قـدره يـشـوف إحتـرامـه




فـي حفـل أبـو فـواز مافـيـه تقصـيـر
المـجـد كـلـه قاضـبـة فــي إخطـامـه




شـي صحـيـح ولايـبـي زود تبـريـر
زود ٍ عـلـى فعـلـه حــلاوة كـلامـه




راع الوفـاء والطيـب راع المغاتـيـر
الـلـي عليـهـن مــن انتـاجـه عـلامـه




راع النظـر لاعرضـن قدمـه يحـيـر
مسيـر عسكـر قـدم راعــي زعـامـه




الـلـي وراهـــن يتـعـبـون الـمـداويـر
غيـر الوصـوف الكامـلات الوسامـه




حـــلال مـــن لايلـتـفـت للمخـاسـيـر
لاشـاف شــي زيــن بالـمـال سـامـه




والا أبــو فــواز مـايـوصـف بـغـيـر
راعــي اشــداد ولايـحـب المـسـامـه




معروف من وقت السلف والمظاهير
فـرقـه عـلـى غـيـره ثمـانـيـن قـامــه




وأن زاعمه غيـره بعـد خيـر ياطيـر
الـفــوز بـيـديـن الـمـحـنـك زمــامــه




لو شرهته أكبـر مـن طويـق والنيـر
يـبــي يـمــوت ولاتـحـقــق مــرامــه




الـنـور واضــح مايـبـي زود تنـويـر
فرقـه مثـل فــرق الـحـلال وحـرامـه




واللـي يتعامـى يالـرجـال المشاهـيـر
فعلـه علـى راسـه ســوات الظـلامـه




لـو كـل خلـق الله ارجالـن بهـم خيـر
مانـشّـدو عــن الـولـد مـــن عـمـامـه




لكـن يبـي يصيـر ويصيـر ويصـيـر
والصدق لأهل الكذب مثـل الحجامـه




مـن منطـلـق حــب الأنــا للمغـاريـر
يـتــوه واحـدهــم ويـجـهــل مـقـامــه




وأرجو السموحه كان بالقول تقصير
يا اهل الوفا وأهـل الكـرم والشهامـه



الشاعر / نواف بن عبد الله الفريدي