القضيه تنتهي باي الوسيله=بامر رب البيت جلاي الظلامي
وضعها ماشي ولاهي مستحيله=دام ابوخالد وراه الحظ قامي
اللهيبي بالوفاء راجح بكيله=عزوتي من عوف اهل الجهامي
ناصفي حاش الفخر واثبت دليله= ياحفيد اللي له الشيخه وسامي
كم مكروبا مشى واخلا سبيله=له مساعي كلها خير وتمامي
من شواهدها مواقيفا جزيله =نخوتا من تاج راسي ياحزامي
نرفع البيضا بطل حام الدبيله= الحكيم الناصفي مابه كلامي
من سلايل قايدا في وقت جيله=العقيد اللي ثنى وقت العسامي
جابها وارتدها واقفا قبيله =والمشوك ضربته وسط العظامي
كم حملن ياابوخالد ترتكيله=مشتهر في ماقفك شرقا وشامي
وابو مشعل معك بالفزعه يشيله=يامشايخ حرب تكريم وسامي
للثنين اللي على راس الطويله=جعل من جواد وفاهم للرحامي
اشهد ان يدينهم ماهي بخيله =من فعايلهم نرفع بالابهامي
بالسخاء مداتهم ماهي هزيله =في مواجبهم ماياطاهم ملامي
فعلهم ياحرب لامابه مثيله = حقهم ياحرب عليكم الزامي
ياثنين اخوان كلن شد حيله= في مواقفهم عزيزين المقامي
الخليل اللي تصافى مع خليله = من تذرى في ذراهم مايضامي
ياشغاميما من رجال القبيله =ترفع البيضا لكم في كل عامي
عد مارودم من الغربي نخيله =وعد ماهل الوبل بالمي حامي
وعد ماهلت حقاق من المخيله=وعد ماساق المزن بالجو زامي
وازهرت ثم انورت صوره جميله=ولبسها ثوب الخضار وياسلامي
بيض الله وجه من حاش الجميله =الرجال اللي لهم كل احترامي
والسجين اللي مع الجدر يحكيله=مالومه قال ياربعي ولامي
خافقي وسط الحشى تسمع عويله=لاذكرت الام قلي كيف انامي
قلت ربي يفرج الهم ويزيله=الولي اللي فرض حج وصيامي
قال مالي ياعرب بالوقت حيله =اتمنى برهم وهذا غرامي