السلام عليكم ورحمة الله وبركاته



حداية قبيلة معبد لقبيلة البشور



في حفل زواج
الشابان سلطان وبدر أبناء الشيخ عبدالمجيد بن حمادي البشري رحمه الله




وذلك لطلب العفو من البشور عن رضا عابد المعبدي ( محكوم عليه بالقصاص )




سلام ياشيخ دعا داعيه للأقصى والأدنى

يوفي الرجال حقوقها وإليا طلبنا ماقفٍ وجدنا

أنتم بشر يا سعد من جاكم وحنا يا سعدنا

فالماقف اللي كل من سمعه بذل ما يستطع




يا حرب ياللي باسمكم نزعم عددكم من عددنا

مطلوبنا الطيب وبذل الجاه في قصة ولدنا

اللي رما به حظه المقسوم ما علمه بيدينا

غصب علينا اللي حصل والطيب فينا مايضيع




لوصابكم علم يماثل ثم جيتوا في سددنا

والله لنعطيكم طلبكم يالبشور وأُخذوا وعدنا

والطيب من عصر الجدود نورثه للي بعدنا

حنا معبد ربعكم وأنتم لكم قدرٍ رفيع





أنتم فقدتوا واحد منكم وحنا له فقدنا

وإن كان لحّقنا ولد عمه لك الله ما إستفدنا

لكن نطلبكم بوجه الخالق اللي له سجدنا

العفو عند المقدرة مطلوبنا باسم الجميع



الرد من قبيلة بشر




يامرحبا في مرحبا باللي فواجبنا قصدنا

ياربعنا اللي من قديم الوقت عنكم مابتعدنا

حنا بشر تاريخنا معروف من سالف عهدنا

وانتم معبد بالوفا والطيب وقتوا كل ريع





صدق الكلام اللي تقوله لاجحدت ولاجحدنا

وحنا اجتهدنا فالطلب والشاهد الله مارقدنا

عمر البنادم عند ربه لاقصت لاقصدت ولاقصدنا

سبحانه اللي لادعاه العبد للدعوه سميع





الله لايجيب العلوم اللي تسبب في نكدنا

وانته اليا عدت النظر حنا معك فالعلم عدنا

وحنا سعينا في دروب الخير ونكرر جهدنا

مانقصر الخطوه في درب الخير ممشانا سريع





هذي ارادة ربنا لانته اردت ولا اردنا

والله مانرضى لكم مكروه والخالق سندنا

سبحانه اللي يفرج الكربات ويحلل عقدنا

خل الوداعه ياطويل العمر في حكم الوديع