صياف :
يازين الملعـبه يوم قامت تالي الليل=وحـنـا شـاعــريــن نـتـخــاصـــم عــنــد قــاضـــــــي
أظـنك يالرياحي تـروح مع أول السـيل=تـعـــدى هــضــبـــة النــيــــر رايـــح للـريــاضـــــي
فيصل :
يازين المجلس اللي يـسـوق البن والهـيل=وأنـا خـابـر عـــلـومــــك ولا نــــي بـمــتــغـــــاضـــــي
عـلى وسـق الركايـب نغـني بالمواويل=وبـعــض النـــاس مـعـنــا مـــن حــســاب المــقـــاضــــي
صياف :
يازيـن الطـيب اللي يكـيل البن والهـيل=لياجـاه العـمـيــل الـزبــون يــروح راضــــــــي
ليا جـات المضـاريع لا تنشـد عـن الحـيل= تـروح عــلـــوم بـعــض الجـمــاعــه فـعـــل مــاضــــــي
فيصل :
ماباحـن العـزاوي تعزووا ياهـل الخيل=عـلى شـان الضـــوامـــي عـلـى شــان الحـيــاضـــــي
لقينـا تالي البدو يتبع جـرة الفـيل=وأبا أقـدم عـلـى كـاتـــب العـــدل إعــتــــراضــــــي
صياف :
نسهلهـا عـليكـم لاشـفـناهـا تسـاهـيل=ولـن شـانـت قــرضـنـــاك قـبــل الأ نـقــراضـــي
عـرفتـك يالريـاحـي بعـد كثـر الأقـاويـل=أثــرك صـغـيــر الــرأس وكــتـــوفــــك عــــراضـــي
فيصل :
ياصـياف السـحـيمي ترى الدنيا غـرابيـل=مايصـفي جــوهــا الإ مـع النـاس الحـضـاضـــــي
لاترفـع لي يدينك وتـومي بالمـناديل=ولن جـيتك وسـلـمـــت جـــا فــيــك إنــتــفـــاضـــي
صياف :
غـصـبـنـا نهـر دجـله يصـب بـوادي النيل=وراح أحــمــر خــضــر لاســواد ولابــيـــاضـــــــي
بلشـنا فالمقـاضـي وضـيعـنا الزنابيل=وراع البــيــت مــاطــالــب الإ بــالمــقـــاضـــــــي
فيصل :
رجـاجـيلٍ تـحـدوا وقابلهـم رجـاجـيل=لـكـن جــيــشــك يـاصـيــاف بـاللــبـس الـريــاضــــي
نصـيحـه لاتمر النمور وديرة هـذيل=ولا تـدخــل مـســاجـــد كـبـيــره مــأ نــت واضـــــي