الســــيــل

هيّض عليه يوم شديت عجلان
فى ليلة فيها من السيل شفقان
ماشلت غير اللي قليّل وبزران

اقبل عليّ السيل طلعه وكسرات

وبيني وبين السيل قامت دعاوي
عند القضاه مقطعين الشهاوي
يعدلّّون اللي عن الدرب غاوي

قبل الدعاوي معرف الحق ليات

وقلت ادّعي دعوى على السيل ضارب
اللّي هجم فوقي وكب المشارب
السيل من قوة معانيه كارب

يقفز كما سيّار قدمه مطبات

السيل ماحبّه ولاجيت باغيه
ولانزلت بحلتي في مجاريه
من دبرته مدنى مع الناس طاريه

بلاه خارب ما يكب الخرابات

السيل قا ل انا حضرت ا تهرج
وا ذا عزيت بحا ل منه اتخرج
لكن با لله ياجبرتي تفرج

يا للي تبي في دبرة ا لله دعوات

انا تراني السيل حاكم ومحكوم
امشي مع الديرة ولى سبل ورسوم
واذا لقيت الدرب قدام ملزوم

اظهر سعه من ضيق يوم الحشارات

وقلت لاوالله الاّ طحت في غصن الانشاب
من يوم قمت تجرها فوق الاصحاب
مير البقر عندي واغلّق لك الباب

من بعدها اضرب حسابك لطلعات

قال ان كان جاك خلاف ماجاك منّي
انته على درب المسايل مبّنى
انا عذلتك قلت لك روح عنّي

هذه دعاويكم عليّه خرافات

وقلت اسمعوا ياقضاتنا في جوابه
اللي فتح له علم ما صك بابه
لا بالله الاّ انصاب والحق صابه

مير احكموا ليّه الغرامات

قالوا عجب يالسيل ماجبت جابه
رجال من خندف مجاور شبابه
الجار ماهو فوقه الانقلابه

لكن دوّر بالسنع والوجاهات

بن سند