يا الشعر عن واجبك ما فيه مدراق
اليوم لك ماقف وواجب وحاظي
ليه سنة مشتاق واخيل براق
بين القصيم وبين ضلع الرياضي
يسوقه الغربي وللشرق ينساق
ومع سكرة الغربي على نجد ياضي
اشكر صحيفة حرب من كل الاعماق
ممثلة با الأخ بدر العياضي
زفت لي البشرى وانا كنت مشتاق
اقرأ قرارٍ ما عليه اعتراضي
تعيين شيخٍ له بالامجاد معلاق
معلقٍ بالمجد حاضر وماضي
ولد رباح اللي على الطيب سبّاق
شيخ الشيوخ مقضفين العراضي
شيخة فعل ما هي بمشيخة الاسواق
الشيخة اللي تستحق البياضي
ينقذ بها معسر ويعتق بها اعناق
ويحذي اللي يشتكون الرماضي
ومبروك يا معشوقةٍ عند عشاق
انشهد انك من بناتٍ حظاظي
حزتي على شيخ المكارم والاخلاق
وغيرك عليه تضيق سبع الاراضي
شيخٍ لمدحه تتفق كل الاذواق
مافيه بيتٍ عنه ماهو براضي
مدايحي يمه سريعات وسباق
تارد لأبو نواف ورد الحياضي
ومني لعبدالله تحية وميثاق
وتدوم ياللي للمراجل تحاظي