منتديات بني سالم ومسروح - عرض مشاركة واحدة - تغطية حفل الشيخ / عليان راشد الطهيمي بأم رقيبة

Dec-Tue-2010

بمزاين الإبل بإم رقيبه لعام 1431هـ - 2010م

الشاعر / حربي بجاد العطيه الفريدي

قصيده بعنوان: ابل الطهيمي

سلام يا أطهر وطن وأعظم ملك وأشرف علم... ســـلام يــا دار المــلـــوك اللي تـعــز إسلامــها

سلام يا مهد الرسل وأشرف رسالة للأمـــم... اللي تحــشــد جيوشـــها واللي ترز أعــلامـــهـــا

سلام يا نسل الحـرار اللي على رؤوس القمم... تـرقبلـــكم كــل العــرب بهــمومـها واحـلامــهـا

الله حباكم في شرف مكة وطيبه والحــــــرم... وســرتوا على نهج النبي والدعـــوة اللي أقامها

رسول الله للبشــر اللي هــــدم آخر صــــنم ... شـفيعـــنا يــوم الأمـــم تـــجني حصــاد آثامـــهـا

سلام يا أطيب ملك عبدالله يا حي هالاســــم... يهديلك الشعـب الـولاء يا من كفـــلت أيتــامهــــا

حنا يا أبو متعب على ذاك العهد نقسم قسم... على طــريــق أجــدادنــا اللي نصــروا إمـــامهــا

مؤسس الدولة الملك اللي بنى مـجد وحكم ...عبــد العزيـــز الفيصــلي بيــده تــولى زمــامــهـا

يوم انتخت نجد اعتزى بالله وبالـدين وعزم...وقف أبـو تـــركي لهـــا وعـــيــا يـطيح لثامـــهــا

واليوم حنا في رخـاء وأمن وأمان وفي نعم...الله وثــــم آل الســعـــود دروعـــهـا وحـزامـهـــا

يا سيدي أغلى ملك حقك علي أكبر قســم ... مـن القصيدة والولاء وأنــت الشرف ووسامـها

سلام من شاعر وطن يرسم على اللوحة رسم...شاعر ليــا منه حضر غــنى يمـنها لشــامــهـا

أحيي البيوت الميتة وأنشئ القصيدة من عدم ...أبـعثبها روح الشعر وأحـيي رمــيـم عظامهـــا

أصيغها شعــر ونثر وأحيان أنظمــها نظـم ... عليها كتاب الصحف تمضي بـرؤوس أقلامهـا

حضرت والموقف دعا وأحفيت رجلي والقدم ... فــي جائزة أعظــم مـلك حــنا نعيش أيامــهــا

برعاية أمير الصخى والطيب والمجد الضخم ...اللي رعى حــفل الأبــل واللي بدأ بإكرامـــهـا

ياسيدي مشعل ولا خـــلا منكــــم ولاعــــدم... مـن كـل يمة بالخليج يــزورنــا في عـامهـــا

عسى الديار يعلها وبل (ن)من مزون الوسم ... وأرض الجزيرة بالزهـر يفوح عطر أنسامها

ياأمير عزيت الأبل واعتزت طروش ووسم ... وزاد اهـتمام البــادية والحــاضره بأنــعامها

غفول (ن) بنات انتاجها تحدى ولا تخزم خزم... تشوف أهلها من شهر تنصب جديد خيامها

وحرب العريبة سيدي لها من الطالة سهم ... وكل القبائل حقها تفخر ولا أحد (ن) لامها

باسم القبيلة كلنا جينا مع شيــخ الكـــرم ... أبــل الطــهيمي يـمكم جيـــنا نقود خطامــها

وضح(ن) عليها وسمنا ودايم لها أول رقم ... نخبة مـن خــيار الأبل تفوز طــول أعوامها

أبل فريد(ن) نوعها وماعاقها كثر الشحم ... خيرة نياق أهل الأبل يسبي العـقل درهامها

الشيخ مكرمها غلا والرؤوس تفرق والخشم ... علط الرقاب المكرمه تسوى صحيح أقيامها

مربعه طول السنة ويحوفها عيال وخــدم ... لا عرضت بين الدبش ترخص على سوامها

أغلى علينا من الضنى وأغلى علينا من النسم...عسى الحيا ينبت بأثر ماطأ خــفوف أقدامها

وحرب تتحري نصرها والفوز كان الله قسم ... إن قـاله الله وإن نوى تلقى الخـبر قــدامهــا

هذي طلايع جيشنا لا شافت الجيش تخطم ... تـارد على العـد العـذي ورد البــدو لحيامها

سلام ياربع الوفاء اللي كسبوا قول ونعم ... تـاريخكم ماهـو خـفي للي يعرف اقـوامهـــا

سلام ياربع الشرف والصيت ياأشهر نجم … الشـــاعريه بـــالفخر فيكـــم يزود إلــهامهـا

يا شيخ أبو فواز لاتثني من الهمة عزم … حــرب العريقة عنزت عليـــك يامـــقدامهــا

وما للشكالة والسطر ياكود رجال (ن) شهم ... وانت الشجاعة والكرم كفونلها وحسامـهـا

يامن عطايا مدته تغني الفقير ليا حلــم ... وتربع ديــار المحـل باقــي سنين أعوامـهـــا

وصلاة ربي عد ما كبر من الخلق ورجم ... وزكى وصام من البشر وأدى الصلاة وأقامها

على الرسول الهاشمي ما بعده أحد(ن) انعصم ... آخـر نبي بالأنبياء هو مــسكها وختامهـــا

الشاعر : حربي بجاد العطية الفريدي الحربي
</B></I>