جتكم ياأهل وضح المزايـن مغيضـات
تــلـــوح بـاأيـمـنـهـا عــلامـــة خــطــرهــا


تـلـوح بيمنـهـا عـلــى الـفـخـذ بـالــذات
عـــلامـــة مــــــن شــافــهـــا مـاحــقــرهــا


عــلامـــة يـــــوم الـسـنـيــن الـقـديـمــات
مـــن هـيـبـة أهـلـهــا مـاتـقــرب ديــرهــا


مـنـقــيــة عــلــيــان كـــفـــو الـمـهــمــات
يـــــــــومٍ كـــــــــلٍ قــــدرتـــــه مـــاذخـــرهـــا


وتجمـعـة ذيـــدان صلـفـيـن الاصـــوات
وقامـت علـى البـيـداء تعـاقـب جـررهـا


كــــلٍ يــقــول أنــــا زبـــــون الـمـهـمــات
بـالـسـاعــه الـــــي مــايــكــذب خــبــرهــا


إلـخــوض مـعـركـة الـلـقـب مسـتـعـدات
وضــحٍ مـاأحـد يمـديـه ينـسـى سـيـرهـا


يـشـوش راعـيـهـا لـيــا مـنـهـا جـــاءت
تمـشـي وتـرفـع رؤسـهـا مــن سـطـرهـا


فـي خلقـهـا عـبـره وفــي زينـهـا آيــات
سـبـحــان خـالـقـهـا مـجـمــل صــورهـــا


رثــــم الـعـرانـيـن الــطــوال السـهـيـفـات
تـبــي تــفــوز إن كــــان ربــــي ومــرهــا


الـروؤس ماشـاء الله مراكـي بشـاوات
تـفـحـى لواحـيـهـا شـبــر مـــن شـبـرهــا


هـامـاتــهــا مـتــســاويــه كـالــمــطــارات
مــــــن الأذانــــــي لامــحــاجــر نــظــرهــا


وخـشـومـهـا عــكــفٍ تــقـــل نـافـعـيــات
الله يـكـافــيــهــا الــعـــيـــون وقــشـــرهـــا


وأرقـابـهـا مـثــل الـسـيــوف الـرهـيـفـات
أقـــــل مـــــن شــعـــر الـذيــابــه وبــرهـــا


وظـهـورهـا مــثــل الـجـبــال المـنـيـفـات
مـايـلـحـق نسـنـوسـهـا مـــــن ظـهــرهــا


فــي عرضـهـا تـرفــع رصـيــد الـقـنـوات
لـــو هـــي بـيــد راع الـقـنــاه إحـتـكـرهـا


إليا اعرضت جمهورها يحرق الشات
كــــــلٍ يـــقـــول رســالــتـــه مـاخــســرهــا


عــفــرٍ بـزيــنــات الـطـبـايــع غـريــبــات
تـتـبـع عــلــى تــوديــه أهـلـهــا عـفـرهــا


الكنـق يـسـوى حـجـم وزنــه جنيـهـات
كــــم راعـــــي إبـــــلٍ قـيـمـتــه مـاقــدرهــا


مـحــطــم بـزيــنــه رقــــــوم الـقـيــاســات
عـشــاقــة الـــزمـــل الـثـمـيـنــه قــهــرهــا


أنـا أشهـد إنــه مــن خـيـار الـسـلالات
مــن حــط مـثـلـه وســـط ذوده عـمـرهـا


الـبـل عطـايـا الله سـفـن فـايــتٍ فـــات
قـبـل السـفـن تـرســي بمـيـنـاء بـحـرهـا


ضـــرب بـهــا الامـثــال رب الـسـمــوات
فــــي مـحـكــم الآيــــات ربـــــي ذكــرهـــا


جتكم يأهل الوضح المزاين مغيضات
وضــــحٍ منـافـسـهـا لايــأمــن خـطــرهــا


جتكم ياأهل وضح المزايـن مغيضـات
تــلـــوح بـاأيـمـنـهـا عــلامـــة خــطــرهــا



الشاعر / لافي حمود الغيداني