السلام عليكم ورحمة الله وبركاته
اذكر لكم قصة يفتخر بها كل شخص ينتمي لقبيلة حرب وهي تدل على الكرم الذي تتميز به هذه القبيله وهي قصة ذبحة الشيخ / مخيمر بن ذاعر بن مطلق السليمي الحربي لسانيته عندما لفوه ضيوف ولم يجد عنده من الغنم مايستره من هؤلا الضيوف واضطره الى ذبح سانيته والتضحيه بزرعه لتلك السنه
موقع هذا الحادثه كان بقرية البعائث الواقع على وادي الرمه وهي فى اقصاء الجنوب الغربي من منطقة حائل وهي تتبع لإمارة حائل
اما قصته فقد لفوه ضيوف وكانت لديه سانيه يسني به على زرعه ويعرف الجميع منكم مامرت به المنطقه من جوع ونقص في وسائل المعيشه وهذا قبل توحيد المملكه على يد الملك عبدالعزيز بن عبدالرحمن ال سعود ( رحمة الله ) لهذه البلاد وحينما لفوه الضيوف لم يجد من الغنم مايستره وضطر الى ذبح سانيته لضيفه مما كدر خاطر ربعه وجماعته حيث انه يزرع القمح ويقوم بتوزيعه عليهم وقد ذكرت هذه القصه فى عدت مواقع مختلفه من وسائل الاعلام . وقد ذكره بعضاً من شعرا قبيلة حرب وغيرهم فقد قال الشاعر / عبدالعزيز بن حمود ابالعون الحربي في قصيدته التي وجهها لشيخ / سعود بن مخيمر بن مطلق . ( أبن الشيخ مخيمر )
مار الصويتي مطلق له اهجاره =والدرب قدامه مخيمر مسويه
شيخ الشيوخ الي قديم اعتباره= اللي بماض الوقت تذكر حسانيه
يو السنين اللي حلاها مراره =والذيب فيها يابسات لواحيه
وابوه ستر اللي عليه انكساره= عد مثل هداج يروي ضواميه
بابه مشروع لون باب الوزاره =بالقول والا ماحضرنا دواعيه
ماقلتها يامير مزح وعياره =لا والذي نزور بيته ونرجيه
انتم حمولتكم تحب الطهاره =بيت بناه الله وثبت رواسيه
مبني على حسن المكارم جداره= على الوفا والدين راعيه بانيه
مشيد مبناه مثل العماره =بانيه من ربه على الرشد هاديه
مخيمر الي مايهاب الخساره =اللي لياضفوه يذبح سوانيه
لوكان رزعه مستتم خضاره= يوضع بسانيته وتيبس سواقيه
في ليلة فيها تضيع الشطارة =والذيب فيها يدوج والجوع طاوية
ومخيمر الذاعر يشب المناره =ويرمي بها قلب المطيه ويشويه
بين الضيوف وبين ورعان جاره =اللي على العاده تحروا حراويه
تلقا الشحم من بينهم والصهاره =كل يدسم شاربه من تواليه
من فعل اخو بنا وقوت قراره =اميرنا اللي كلنا نفتخر فيه
وقد قال الشاعر/ فرج بن خربوش الشمر ي فى قصيده له موجهه الى الشاعر / بن معيتق العنزي يوضح له فيها وضع قبيلة حرب ويذكره فيها بشيوخهم وافعالهم الغريبه ومن هؤلا الشيوخ ذكر الشيخ / مخيمر بن ذاعر بن مطلق حيث قال فيه
هدات حراً طالعاً في جلا الصيد = وصيده من الجزلات ماهي هزاله
واليا مالقى ضان كرم بالمعاويد =مخيمر بن مطلق صبي الجزاله
راع الكرم والجود بالفعل ويزيد= جعله لجناة النعايم نواله
|