سلام الله عليكم عد مايبدي الـورق فالعـود

نبـا منـك السـوالـف وانــت يامسـتـور هذبـهـا

علامك يالعصيمي تختلف فالوعد والموعود

وانــا خـابـر وراك رجــال تفـتـل فــي شواربـهـا

هـلا يامرحبـا حييـت ياشاعـر بـنـي مسـعـود

تــدور للسـوالـف مــن عتيـبـي يجيـلـك ابـهــا

نهار انا تواعدنا على وضح النقا المجرود

بهيبـتـنـا كـسـرنـا الـقــوم قـبــل انـــا نـحـاربـهـا

بغيتـوا يـوم جيتـوا مالقيتـوا غـايـة المقـصـود

ومنهـو ذل لـه مـن علـة مامـات غـيـر ابـهـا

نهارك صادفه رمضا واصابتك الليال السود

وحـنـا خابـريـن اســود سمـحـه مـــن ثعالـبـهـا

ياعبدالله لابد العلم يطلع في ه نقص وزود

وانـا اصحـح عـلـوم الـصـدق والكـذبـه نكذبـهـا

تــدورنـــا وتـعـزمـنــا لـضـيـفــه بـابــهــا مــــــردود

تهـاون بالعزيـمـه مـانـت داري عــن عواقبـهـا

تبا تزبن على الحيد الزبين وتبذل المجهود

سواة الغاوي اللـي مخلـف الساقـه وعاقبهـا

لكنـك حــج واحــرم والفريـضـه بابـهـا مـريـود

ليا صح البدن باقي المراجـل مـن مكاسبهـا

ليامنك جحدت اللي حصل عندي عليك شهود

شــهــود تـشـهــد انــــك سـبـهــا وانــــك سـبـايـبـهـا

لـقـيـت إيـدامـهـا قـدامـهـا فـــي سـبـلـك الـمـمـدود

وبعض الناس وشهـو عذرهـا فـي تـرك واجبهـا

تلحقهـا بعـد راحــت علـيـك وفـاتـك العنـقـود

تـلــد بـعـيـن والا عـيــن مـاتـقـدر تـلــد ابــهــا

تهز البندق اللي تاكل الصفره مع العبرود

ولـو يرمـي بهـا الرمـاي ضايعـةٍ مضاربـهـا

اظــنــك مـاسـمـعـت الــلــي يــنــادي والـعـبــاد رقــــود

عديـم المعـرفـه يـدعـي عـلـى الصنـعـه وصاحبـهـا

بعد حاشتني الطرقه وجيت انشد عن اهل الجود

واثـــرهــــا مــقــبـــره لـقــبــورهــا تــشــهـــد نـصـايـبــهــا