منتديات بني سالم ومسروح
الشاعر سالم السامود المخلفي الحربي

من سالم الحربي تحيه الى عيد=تحية التقدير والعز والجاه
لها ورا سمح المحيا مقاصيد=من جوده اللي تفعله كف يمناه
والعفو من طبع الرجال الصناديد=اللي على كسب الجمايل مضراه
ياعيد تكفى وانتخي فيك و اعيد=اعيد لك تكفى بصوتي من اقصاه
تكفى بجاه وجيه كل الاجاويد=اهل السجود اللي يخافون الإله
و بجاه من غذتك من مشت الديد=اللي على راحة ضميرك مشقاه
و بجاه عودً له علومك مسانيد=ساسك ياعيد و منبعك ساس مجناه
و بجاه ربعك كلهم دون تحديد=ربعك بلّي نعم الرجال المسماه
اهل الشجاعه والدهاه الاواليد=كل بلوي باسمه ننادي وننخاه
لجل السجين اللي مسلسل به القيد=قوايمه للسيف الابتر مثناه
تكفى ياعيد ابجاه كل الاباديد=مانطلبه في جاه الاجواد عطناه
عفوك و معروفك مثل فرحة العيد=تصبح سبب نفسّ من الموت محياه
واللي عفى له عند ربه مواعيد=و ياحظ من ربه عن العفو جازاه
هذا وانا بمدح هل الطيب واشيد=والمدح باهل الطيب تسمو مزاياه
شاعر ولانقص بالحقيقه ولا ازيد=والشعر اعرفه وانقده واتبناه
اختار من جزل البيوت المجاديد=واسوقها لهل المواقيف مهداه
قبيلةّ ترسي كما يرسي الحيد=تاريخهم سامي والاجيال تقراه
افعالهم ماهي بحاجة تواكيد=تعرف بلّي والطيب والنعم تزهاه
مزبان من ضيق عليه القسى البيد=و اظلم قدم وجه فضى جو دنياه
الى نصاهم بالظروف المعاقيد=في ظلهم ينهي عذاب المعاناه
اهل المعزه مبعدين المناقيد=كل ابلجّ منهم يشرف امخاواه
وردت ماقلته لعذب المواريد=عد الروا اللي مانقص وارده ماه
قبيلتن تستاهل النعم ترديد=أقف لهم تقدير ماهو امظاهاه