بسم الله الرحمن الرحيم
السلام عليكم ورحمة الله وبركاته

اليوم الله يسلمكم عندنا لكم قصة وقصيدة عن الكرم والحوار الي صار بين الولد وابوه في اكرام خاله ولايخفا على الجميع مدى تاثير القصه على القصيده حيث يعطيها لون اخر وفهم اكثر للقصيده

يقول المسولف الله يسلمكم ان فيه ولد صغير السن جاء خاله ضيف على ابوه ومن عادات العرب اذا جاء الضيف يرحب به وكل من ميسوره والغالب يذبح له ذبيحه او ثنتين اواكثر تكريما له

لاكن الأبو عزم ان يذبح لنسيبه وخال اعياله تيس ويوم درى الولد بالسالفه قام يبي يلفت نظر ابوه ويبيه يعدل رايه وقال:

يابوي ذبح التيس للضيف منقود
...................................مادام خرفـان المعـزب كثيـره


فاضطر الاب لتغيير رايه وذبح لضيفه خروف اكراماً له وقرر ان يعطيه بعيره هديه له و شعر انه فعل شى كبير لخال عياله ويبي ينبه ولده لهذه الكرامه

فقال:-

ياورع خالك زارنا والله اعطاه
.............................عطيت حر من حرار اصيلـه


ولكن الولد تقال فعل ابوه على خاله و اراد اكثر من هذا فرد على ابوه بقولة :


كانك عطيته هرش موذيك برغاه.
...............................خالي عطاك ام العيون الكحيلـه

وهو يقصد أمه

وماكان من الاب الا انه سكت ولم ينطق بكلمه....

أتمنى ان تنال أعجابكم ورضاكم والمعذرة عن كل نقص وتقصير ...والسلام عليكم ورحمة الله وبركاته,,