اقتباس:
المشاركة الأصلية كتبت بواسطة نافع علي البشري

أهلا ومرحبا بك أخي معنا هنا

-

تقديم بطاقتك الشخصية
* أول , وآخـر , وأجـمل مـا كتبـت ؟
_طموحك لمستقبل المنتدى ,,,,؟؟

الله يحييك اخي نافع واشكرك على الترحيب والدعوه وانت والمنتدى ومن فيه غالين علينا ويجب تلبية الدعوه .


بدر بن شطيط بن سليمان بن غنام العريمه المزيني السالمي الحربي .

العمر : 23 .

اول ماكتبت قصيده فالبر طويله يمكن 33 بيت وكنت موفق بكتابتها ولكن لم انشرها في اي امسيه او منبر اعلامي .
اخر ماكتبت قصيده غزليه :
البعد سبب وسط صدري حريقه = والصبر مده !! ثم يطوي شراعه
ياليل غباتك هموم عميقه = والكثره ايو الله تغلب الشجاعه
طريق ماله حل بأية طريقه = يعني بيذبحك الضما والمجاعه
الصدر فيه ازعاج لجه وضيقه = قولة ابن جدلان الة طباعه
كله سبايب وردتا" بالحديقه = شلت فؤادي من جذوره وقاعه
ياخوي دق القلب ما اسمع دقيقه = وشلون ودعني ولا اعلم وداعه
يعني سرق قلبي وراح بطريقه = ماهي بمعقوله ترا ياجماعه !!
تبغى الحقيقه ما ازين من الحقيقه = الظاهر اني كود اسوي اشاعه
لاهنت يادكتور بالله دقيقه = وشلون عشت ؟ وقلبي شلون طاعه ؟
انا اعرف ان الحي قلبه شقيقه = وان مات قلبه ماحيا ربع ساعه
ياللي سرقت القلب بيدا" رقيقه = قلبي ترا ماهو بعندك بضاعه
عود بقلبي جف شريان ريقه = تراي عن بعدك فقدت المناعه
بعد الحبايب كيف احاول اطيقه ؟ = كلش اطيقه ما اطيق القطاعه !!
......................

وهي اجمل ماكتبت .

المنتدى من عال الى عال انشاء الله والى الامام ويسمو بالتعاون من الجميع

تحياتي وتقديري