صياف الحربي



يــاســـلام الله ودار الــعـــز مــرفـــوعٍ عـلـمـهــا=عقب شعشع نورها والظلم حال العدل دونه


الثبيتـي لـوّ اقـول اقـسـم عيـونـك ماقسمـهـا=والتـفـت فـيّـه بنـظـرة حـسـد ويـطـيّـر عـيـونـه





مطلق الثبيتي



يحفـظ الله الجزيـرة والشـجـاع الـلـي حكمـهـا=مثل قصرٍ ثابت السيسان واخوانه حصونـه


صاحـبـي صـيـاف ينهبـهـا وياكـلـهـا بـدمـهـا=ليتها ما تاصل الحنجور تنشب في سنونه





صياف الحربي



المطـيـة مــا تـقـاود غـيـر مــع رجــلٍ خطـمـهـا=لو يضيع خطامها مـن طردهـا كثـرت غبونـه


انت اشوفك تفرس الصيدة وتاكل من لحمها=والـخـوي لا ضـيّـع القـانـون قـامـوا يشتـمـونـه





مطلق الثبيتي



المطـيـة خـلـهـا فـــي الـــدرب لا تـكـتـم نسـمـهـا=واحترص من غضبة الجمّال لا يضربك شونه


كــل حـيـة سـمـهـا فـــي بطـنـهـا سـديــت فـمـهـا=وان لقيت الوعـل ابـو قرنيـن اطقـه فـي قرونـه





صياف الحربي



اكـثــر الـعـربـان يلـزمـهـا وكــنــه مــــا لـزمـهــا=ثم راح من الزعل يمشي ويقطـع مـن ردونـه


انت مثل العقرب اللي تخلع الناس بوحمها=مار جاها قـاريٍُ شاطـر دهنهـا مـن دهونـه





مطلق الثبيتي



ماعليّه من عجوزك كـان مـا ضـوّت غنمهـا=وان زعل صياف جعل اللي وراه يحول دونه


امس يبنـي عشتـه فـالضلـع واليـوم يهدمهـا=والهبـايـب مــا تـهـبـه والـطـراقـي مـــا يـجـونـه





صياف الحربي



الله انــه ينـصـر السـنـة ويظـلـم مـــن ظلـمـهـا=والعـرب مــا يطحـنـون الـحـب لـيـن يفتشـونـه


لو تشوف العشة اللي صاحب الخبرة حزمها=فوق ضلعٍ كل ما طاح المطر تثمر غصونـه





مطلق الثبيتي



الآشـارة فـآخـر الـشـارع بصـدّامـه صدمـهـا=الونـيـت الـلـي قـديـم وكــل يـــوم يوظّـبـونـه


المنايا يا وسيع العرف ما يخطي سهمها=مـار خلـك صالـح النيـة وعـمـك لا تخـونـه





صياف الحربي



القلوب العمي خـل الذيـب ياكـل مـن شحمهـا=والونـيـت الـلـي يسـوقـه صـاحـبـه لا تقـربـونـه


ليت بقعاء تلمس الرمضاء وتاكل من قدمها=وانت يا بو راس راسـك مـا تغيّـر عـن متونـه





مطلق الثبيتي



العيون اللي تهـل دموعهـا منهـو لطمهـا=لو عرفته كان خليت الجماعة يحبسونه


المطيـة يـوم ريّـض مشيهـا محـدٍ نهمـهـا=لو نهمها كان تاصل مطرحٍ ما تاصلونه