منتديات بني سالم ومسروح - محاورة بين رجاء الله المحمدي الحربي و زيد العضيله

هذه المحاورة جرت بين الشاعرين الشاعر المعروف المرحوم / رجاء الله المحمدي الحربي والشاعر / زيد العضيله

رجاءالله
هلا يا مرحبا ترحيب حربي للخوي والضيف=وللربع الحضور وغايب العالم وحاضرهـا
ترى الليلة ربيع قلوبنا بين الشتاء والصيف=اقوله والعرب لعـل مـا تنكـد خواطرهـا
زيد العضيله:
يدوم إلك البقاء من شاعر غني عن التعريف=وحنا ناخذ علـوم القبايـل مـن مصادرهـا
تهيض يا رجاء الله والسنة ما هي بدايم ريف=وأنا أدور على اللـي كـل رجـال يدورهـا
رجاء الله :
هلا يا مرحبا يا زيد سلمي يا رفيق خليف=أعرفك زين وعلومك زمان العام خابرهـا
تهيضنا وكل الأرصدة داخل بنوك جنيـف=ولا منك شريت الطايرة يا زيـد طيرهـا

زيد :
رفيق خليف وإلي العز وأنته كيف حالك كيف=بعد ذيك العلوم اللي بعـد كبـرت تصغرهـا
يابو شيكٍ مزيف بنكنا مـا يقبـل التزييـف=لا كن هات البطاقة هاتها نبغـى نصورهـا
رجاء الله :
أنا حربي ولد حربي علم مرسوم فوقه سيف=وقل لمطير فوق أعلامها ترسـم خناجرهـا
أنا ماني مزيف وأنته البلشان بالتصريـف=تعدت مستواك وتحسب الحربـي مزورهـا
زيد :
أنا خابرك حربي منفتل زندك ولا أنت اضعيف=لا كن مطير هرجك ما يغير فـي مشاعرهـا
أنا أبا أنشدك عن رجل تبين وأختفى ما شيف=عسى ماهو شريكٍ للجنايـز فـي مقابرهـا
رجاء الله :
عليك الهون قبل نطلع أوراقك من الأرشيف=ونمزح مع مطير و ياقف الماء في حناجرها
هذاك الرجل من عربانكم بالأسم والتوصيف=وكاننـه يهمـك سنـد الديـرة وحدرهـا
زيد :
ملفي يارجاء الله ما حذفته في حدود السيف=شناباتـي تدسمهـا فعولـي مـا تغبرهـا
مادام علومكم صارت كذيا ولعـوا بالليـف=وتلقى مسفرة بكـره وحججهـا وزورهـا
رجاءالله :
ملفك زين لا كن به حروف محرفه تحريـف=وأضنك ورطتـك أم الكبايـر فـي كبايرهـا
بشب النار في روس العدى وأبا أرفع التكليف=وأبا أكحل عيون العيـر وأكسـر مناظرهـا
زيد :
ملفي حافظه ما هو ورق في مكتب التوظيف=يا راع الصرة اللي لك ثلاث أشهر تصرصرها
أنا أبا أقابل الحربي معي شلفا وحد ارهيـف=ولن كسر يديك العيـر مـا تقـدر تجبرهـا
رجاءالله :
ليا جينا الصحيح قلوبكم يبغى لها تنظيف=وصرتنا قنابل فـوق حجانـك نفجرهـا