منتديات بني سالم ومسروح - عقب هاك السالفة كيف أنت قايل ( مستور وصياف كتابه)

مستور الععصيمي
عقب هاك السالفة كيف أنت قايل .. يوم جردنا السيوف المستسنة ..
يوم قمنا يالحروب الحظ قامي .. يبعث الله أمته يوم القيامة

صياف الحربي
الله أكبر كيف خيّلت المخايل .. وأنت عينك تحت رمشك مستكنة ..
مامعك غير الفتيلة والحزامي .. والعصا اللي شلتها ظلم وغشامة

من بلد جدة ليا ضلعان حايل .. تتبع بيار الروى والدلو شنة ..
كن مالك لالسان ولا عظامي .. عقب ضيعت الشداد مع المسامة

مستور العصيمي
ماتهد بيوت ماضين الفعايل .. وأنت هاك اليوم ونيت لك ونة ..
يالسحيمي طيعني واسمع كلامي .. الغلط يوقفك في ريع الندامة

إن كثر ما بيننا قيلٍ وقايل .. الهقاوي يرجعن ليا أهلهنه ..
لاتقرب ميسمٍ فالنار حامي .. يصبح الميسم على الخدين شامة

صياف الحربي
أنته الليلة عليك الحمل مايل .. وإن بغيت أعدله حنيت حنة ..
والحقيقة لا تباع ولاتسامي .. غشك اللي حط لك ربع العلامة

لا أنته التالي ولا أنت من الأوايل .. حولت في نارنا تسعين بنه..
وأصبحت لاهي شراب ولا طعامي .. ماعليه من سبايبها ملامة

مستور العصيمي
من علو الضلع جاك السيل سايل .. وش بك الليلة معك فالصوت خنة ..
مامعي غير أنت عامٍ بعد عامي .. وأتسلى فيك ياراع الزعامة