الشاعر ذاير السحيمي يتفاعل مع موقف عبدالله رشيد السحيمي مع سجين الحفر
 

الشاعر ذاير السحيمي رجل مواقفه مشرفه في كثير من المواقف وله مواقف مشرفة مع قضية سجين الحفر حيث انه شارك بمجموعه من القصائد وقدم الكثير فهو رجال حموي ووفي وراعي دين وكرم ومتابع للقضيه وهذه قصية جديدة لبو طاهر عندما تفاعل الشيخ ورجل الاعمال الدكتور عبدالله رشيد بن عريعر السحيمي عندما اتاه الشاعر ذاير السحيمي بمعية عم السجين سعد جريد الحربي حيث ان ابو عواد لم يتوانا بل من الغد حرك من اجل القضيه والقصيدة تعبر عن نفسها


1-باذن من فارض بحجه ورمضاني =بالفرح مستبشره والدرب باني
يوم جيت القرم واعلنها علاني =ترفع الرايه لابو عواد قامي
2-بيض الله وجه من جمل رفيقه =يوم جيته ريح الخافق وضيقه
قام فيها ماتوانى عن طريقه =ترفع الرايه لابو عواد قامي
3-اقسم برب الملا رجل الشجاعه =ينفعك في نخوته والا ذراعه
ماتردد قال لي سمعا وطاعه =ترفع الرايه لابو عواد قامي
4-يوم جاءه العلم قام ولاتردد=يعلم الله موعده ليا محدد
والصطر في نظرته ليا تجدد =ترفع الرايه لابو عواد قامي
5-بيض الله وجه من حاش الجميله=راعي الفزعه ولاينسى جميله
ونخوته محسوبتأ عند القبيله=ترفع الرايه لابو عواد قامي
6-عزوتي نخوة سحيمي ماتردى =من سلايل عزوتي وعيال جدى
فماقف السحمان يقدى مايقدى=ترفع الرايه لابو عواد قامي
7-ناصفي من رؤوس عوف و ماتخفا=من بني مسروح ا هل سيفأ وشلفى
من حروب اللي لاقال القول وفى =ترفع الرايه لابو عواد قامي
8-حرب اهل وقفات رجال الحميه=رجلهم معروف وعزومه قويه
بوقتنا الحاضر وعصر الجاهليه =وترفع الرايه لابو عواد قامي
9- الاخوه حرب وبه عندي دلايل =والكرم في حرب تشهد به مثايل
والحموه حرب ولااذم القبايل =ترفع الرايه لابو عواد قامي
10-والسجين اللي تمنى رضاه لامه =فوق سبع سنين زاد الهم همه
ويتمنى طلعته وامه تضمه =ترفع الرايه لابو عواد قامي
11-امه اللي من عناها ماتنامي =من يلوم الام والله ماتلامي
كالخلوج اللي على الفرقا تعامي =ترفع الرايه لابو عواد قامي
12-والابو يجحد وبالفكر يتدبر =قسمة الوالي وذا شي مقدر
ويخفي العبره وتذرف لاتذكر =ترفع الرايه لابو عواد قامي
13-وابشروا مدام ابن نجوان بشر =عقب جدي يوم جاءه العلم بدر
قال بشر قول لامه لاتكدر =ترفع الرايه لابو عواد قامي
14-بعد ثاني يوم روح من دياره =الف كيلو قاصدن فيها الزياره
للسجين اللي نخى ثم استجاره=ترفع الرايه لابو عواد قامي
15-وباذن من سير رسوله بالبصيره=تبشروا بالطيبه يااهل الزبيره
نخوة السحمان في وقفه وجيره =ترفع الرايه لابو عواد قامي

أبو طاهر حفظك الله دائما سباق لفعل الخير وشعر رائع

قصيدة ذاير السحيمي موجهه لشيخ عبدالله رشيد بن عريعر السحيمي بصوت سلطان مناور
 

قصيده موجهه الى رجل الاعمال الدكتور
عبدالله رشيد بن عريعر السحيمي الحربي

على وقفته الطيبه وتفاعله مع
قضيه سجين الحفر فهد حمود الحربي

كلمات الشاعر
ذاير رشيد السحيمي

آداء المنشد
سلطان مناور الحربي