جميع قصايد الرثاء في شاعر حرب الشاعر / صياف الحربي {رحمه الله} .

ياقاف فـي صيـاف غـن الطواريـق =هات البيوت اللي على الكيف ياقـاف
بنات فكـري قامـت اطـل وتويـق= ولاني بشاعر كان ما ارثيـت صيـاف
انــا علّـيـه للنشـامـا مواثـيـق= للي لهـم فـي قمـة المجـد مشـراف
قولو معي يا هل الوفـاء يـا مطاليـق= مرحوم ياللي له مـع الشعـر ميقـاف
الشاعـر اللـي وثـق الشعـر توثيـق = ينعـاه شعـر الـرد محـراف محـراف
وينعاك منهـو فـي معانيـك عِشيـق= وتنعاك حرب اهل الوفاء روؤس واشراف
من غيبتك والشعر من ضيق فـي ضيـق =واليوم جالـه ضربـة فـوق الانجـاف
وصياف من موته نشف عنـدي الريـق= والحزن يبس بطـن وديـان واريـاف
الموت حق ولا علـى المـوت تعليـق= لكن به بيـن العـرب رؤس واطـراف
يالله يارحـمـان والــي المخـالـيـق =عـلام ماتكتـب ملايكـة الاكتـاف
ترحم فقيد بعـد ماغـاب مـا اطيـق =لا اقرى ولا اسمع عنه هرجه وسـولاف
اللي موّرث لـه ذهـب فـي صناديـق =الله عسى مـا الشعـر بعـده بينعـاف
الشعـر باسمـه شامـخ المجـد ويليـق= باللـي لعسـرات المحاريـف عسـاف