سامح رويلي والديه ملايين / وحنا نوصل. للقبائل كلامه

هذا الندى للمسلمين الوفيين
اهل الكرم والدين واهل الشهامه
سلام من حربي وينصى الكريمين
اللي لهم في عالي المجد هامه
هذا ندا عاجل وتكفون هالحين
مابه عذر دامه وصلنا كلامه
سامح رويلي والديه بالملايين
وحنا نوصل للقبايل كلامه
ورعا صغير وغره الموقف الشين
ماقد عرف حلا شرع وحرامه
امه تقول النوم ماقارب العين
والراس شايب بين حسر وندامه
هذا ولدنا صار ضمن المساجين
محكوم بالاعدام قرب اعدامه
وابوه يعرض كليته كل يومين
‏​لْ احد يلومه ماتجيه الملامه
انتم بعيد الفطر ياحرب عيدين
وانا صبي العين فارق منامه
ياحرب ياعتيبه رجال الميادين
يامطير ياسبيع الفخر والكرامه
ياعيال وايل يالرجال السلاطين
ياشمر اهل الطيب واهل الزعامه
تفكون لاهنتم جميع القحاطين
تكفون ياجهينه ترا الوقت ضامه
تكفون يايام الرجال العزيزين
السيف قرب لايلامس عظامه
تكفون ثم تكفون فزعة هل الدين
ياللي تبون من العذاب السلامه
اللي يدور للاجر ربه يعين
يبشر بعفو الله يوم القيامه
......
بـدر العريمه

صح لسان الشاعر وبيض الله وجهه على تلك المبادرة الطيبه وسامح هو اخوا للجميع اتمنى من الجميع المساهمه ولو بالقليل حتما سوف تتكلل بالنجاح اسئل الله الكريم ان تكلل بنجاح