قصيدة لشاعر ذاير السحيمي لشكر الشيخ عبدالرزاق المنور والشيخ بندر الفرم لمواقف الطيبه

هذه القصيده ارسلتها على الاخ العزيز راعي المواقف المشرفه مع قبيلته قبيلة حرب
عبد الرزاق المنور الهيبي ومن لاشكر الناس لايشكر الله وبيض الله وجه ابو خالد على اهتمامه في قضية سجين الحفر
كما نشكر الشيخ بندر الفرم على مواقفه مع قبيلة حرب ولهم عليكم حق
يامشايخ قبيلة حرب تكريم وسام بسم القبيله عامه يليق في مقامهم
وشكر لهم على مواقفهم اتجاه القبيله ويشهد الله بدونه مجامله

القضيه تنتهي باي وسيله= بامر رب البيت جلاي الظلامي
وضعها ماشي ولاهي مستحيله=دام ابو خالد وراها الحظ قامي
اللهيبي بالوفاء راجح بكيله=عزوتي من روس عوف اهل الجهامي
ناصفي حاش الفخر واثبت دليله=ياحفيد اللي له الشيخه وسامي
كم مكروبأ مشى واخلا سبيله=له مساعي كلها خير وتمامي
من شواهدها مواقيفن جزيله=نخوتأ من تاج راسي ياحزامي
نرفع البيضا بطل حام الدبيله=الحكيم الناصفي مابه كلامي
من سلايل قايداً في وقت جيله=العقيد اللي ثنى وقت العسامي
جابها وارتدها وقفا قبيله=والمشوك ضربته وسط العظامي
كم حملن يابو خالد ترتكيله=مشتهر في ماقفك شرقاً وشامي
وابو مشعل معك بالفزعه يشيله=يامشايخ حرب تكريم وسامي
فعلهم ياحرب لا مابه مثيله=حقهم ياحرب عليكم لزامي
لثنين اللي على راس الطويله=جعل من جود وفاهم لرحامي
اشهد ان مداتهم ماهي بخيله=من فعايلهم نوقع بالبهامي
بالسخا ماداتهم ماهي هزيله=وفي مواجبهم مايطاهم ملامي
ياثنين اخوان كلاً شد حيله=في مواقفكم عزيزين المقامي
الخليل اللي تصافى مع خليله=ومن تذرا في ذراكم مايضامي
ياشغميماً من رجال القبيله=ترفع البيضا لكم في كل عامي
عد مارودم من الغربي نخيله=وعد ماهل الوبل بالمي حامي
وعد ماهلت حقاق من المخيله=وعد ماساق المزن بالجو زامي
وازهرت ثم انورت صوره جميله=ولبسها ثوب الخضار وياسلامي
بيض الله وجه من حاش الجميله=الرجال اللي لهم كل احترامي
والسجين اللي مع الجدر يحكيله=مانلومه قال ياربعي ولامي
خافقي وسط الحشا تسمع عويله=لاذكرت الام قلي كيف انامي
قلت ربي يفرج الهم ويزيله=الولي اللي فرض حج وصيامي
قال مالي ياعرب بالوقت حيله=اتمنى برهم هذا غرامي