ابتعبك ياصياف وارتاح يامستور ( مطلق وصياف كتابه)

مطلق

ابتعبك ياصياف وارتاح يامستور
بهز الحريبي لين يهتز ميزانه
ولا أبغاه يبقى ضابطاً فأول الطابور
وميدان فيه الحرب ماهو ميدانه
صياف
ولا ياعذابك يالثبيتي سنه واشهور
لاكن الدهر يضرب براسه وكرعانه
أشوفك تغني فا المسارح وأنا مقهور
ياليت المغني في يدي واقطع السانه
مطلق
إلي بيرقً عالي وطول الدهر منصور
وانا ماشريت البندق الا على شانه
ليا شفت لي واحد عوج صنعت الباكور
اخليه يجلس مع حريمه وورعانه
صياف
انا عارف انك تحمل البندق المعمور
ولاكن ليا هالحين يطلبك ديانه
ترانا ليا جينا الجبل ماتطير طيور
مغار الطوير الي يرفرف بجنحانه
مطلق
أخليه في الميناء واسافر على البابور
ابو عكة ماهي من السمن مليانه
يدور الفلك لين الليالي عليك اتدور
ويطلع عليك الفارس بشلفاه واحصانه
صياف
على نيتك تمشي يامنهي ويامامور
ويالطرقي العجلان الايام عجلانه
انا عارف انك عقرب مده الطنقور
تدور على على المسلم تبى مسكة السانه
مطلق
عسى الله يقطع شوفة الذيب ابو حنجور
عيونه لها مده من الدمع غرقانه
لياليك ماهي كلهنه فرح وسرور
تدور اليالي فوق ضينك ورعيانه
صياف
لو انك غريب ابلا وطن قلت لك ماجور
لاكنك سعودي عند ورده وريحانه
الا ياكثر ما تهرج الناس ظلم وزور
يسبون في ا لتاجر علشان دكانه