محاورة الشاعر علي الحصني و الشاعر معتق العياضي في محافظة الرس بتاريخ 18 / 8 / 1431هـ

بسم الله الرحمن الرحيم

السلام عليكم ورحمه الله وبركاته

أضع بين يديكم الكريمة هذا المحاورة بين الشاعر / علي الحصني و الشاعر / معتق العياضي .. في محافظة الرس بتاريخ 18 / 8 / 1431هـ ..

الشاعر : علي الحصني

العياضي حط له سكسوكتن ما هي طويله
قلت ليه تحطه قال الرياجيل أبلشتني
قلت طوله و قال أنا ماني صاحب فضيله
نوب راسي عند جنبي و نوب راسي فوق متني

الشاعر : معتق العياضي

البلاء بالحصني اللى كل ليل يرز ذيله
القوافي لو أبيه و الله أنها ما عصتني
وش تبي في لحيتي يا راعي الكف البخيله
البلاء في لحيتك كثرت و لكن ما أقنعتني

الشاعر : علي الحصني

يالعياضي ما نذمك شاعر و تسوى قبيله
و السواه اللى تسويه مع الشعار جتني
يا حليلك و الكلام اللى تقوله يا حليله
و أن بغيت أطاك و طيت صابرك ما كلفتني

الشاعر : معتق العياضي

العياضي شاعرن ما دس راسه بالنثيله
لا غريب أصارع اللى بالمواقف صارعتني
لو بغيت أطاك يالحصني ترى الوطيه ثقيله
مير ربعي لو طيتك زعلت و ما سامحتني

الشاعر : علي الحصني

ما عليه خوف مع جيلي و معتق مثل جيله
و الحكومه شرهت معتق وأنا ما شرهتتي
يا مخلى الفرض ما داعي تصلى للنفيله
لا تقول أن الليالي قبل علمك علمتني

الشاعر : معتق العياضي

و قفتي مع جيلي اللى قلت ما تحسب قليله
و قفتك ما شرفتك و قفتي قد شرفتني
كاتب اسمي من ذهب و الله ما تقدر تزيله
لو تمر الناس بعد الناس تبطى ما محتني

الشاعر : علي الحصني

أبتلشني بالعياضي قوموا عيسى يشيله
و العلوم اللى علي بالي قريب و لا خفتني
أنت كلك من ذهب لكن ما في الامر حيله
الليالي تضحك لمعتق و انا ما ضحكتني

الشاعر : معتق العياضي

يا جماعه خير هذا علي منبوذ الفصيله
مير أنا مثل الجبل صلفاء الهواء ما حركتني

صحة السنتكم ومشكور على النقل

العفو أخوي الغالي (( غ ـيرالبشر ))
:
والشكر موصول لسموك الكريم على المرور والتواجد والمشاركة الغالية .

الف شكر على النقل

ارجو نقلها الى المكان المناسب

الله يعطيك العافية وبيض الله وجهك وصح الستن الشعار

اقتباس:
المشاركة الأصلية كتبت بواسطة مجنون صياف
الف شكر على النقل

ارجو نقلها الى المكان المناسب



أخوي الغالي مجنون صياف

ولك مني الشكر على التواجد والمشاركة

ولكن اي ترى مكانها المناسب اتوقع انهو هذا هو مكانها المناسب

اقتباس:
المشاركة الأصلية كتبت بواسطة حر حرب
الله يعطيك العافية وبيض الله وجهك وصح الستن الشعار


اخوي الغالي حر حرب

الله يعافيك ويخليك ويبارك فيك ويسلم لك غاليك

والله يبيض وجهك الكريم يا الغلا

وصح الله بدنك نيابة

مسلط الحصني

بيض الله وجهك محاورة رائع