السلام عليكم ورحمة الله وبركاته..
نشر في عدد السبت الموافق 21 جمادى الأولى 1430ه مقطع من قصيدة الشاعر المعروف حماد بن مريزيق البشري الحربي ونسبت للشاعر نواف بن سحيب الرشيدي بعد التحريف فيها والقصيدة معروفة وموثقة باسم الشاعر حماد الحربي في ديوانه بالانترنت وكذلك في ديوان بني سالم ومسروح وسبق إذاعتها في بادية الكويت وبعض القنوات.
والقصيدة كاملة هي:
عز الله إني جلست وطال مجالسي
========يالله عسى كل تأخيره بها خيره
وإلا سنتين مضن لي شيبن راسي
========ياما خذن من صديق وطلعن غيره
لولا الشدايد وش اللي يفرق الناسي
========لاكنها تطلع الصفرة من النيره
قدامها أخذت لي بالدرب مرواسي
========وأزريت لأفرق ورده من مصاديره
لين أخلف الوقت مرماعي وهوجاسي
========مال الزمان ولقيت أكبر مخاسيره
رفقة رفيق تشيدها على ساسي
========واليا أدبر الوقت هدتها معاصيره
وأقفيت عنها رجاي معادل الياسي
========حيث البنا صعب هده عقب تعميره
أسباب ما أذهب عزاي وثور احساسي
========ماهو غشيم هدم بيره بتدبيره
أنا ليا شفت فتقن صار من ياسي
========أخفيه ما أبديه خوفن من مداويره
والتايه اللي بعضده رد الأمواسي
========أغضي عنه لو كشفت أخطاءه ما أذيره
أخلف هدف رمعة يفرح بها سياسي
========ماني غشيم يصيد ببندقية طيره
واليا اعترض في نحاي وحد الأضراسي
========ماني زهوت قضيفات معابيره
باللين ليّن وفي وقت القسى قاسي
========لا كشر الناب والطايش صقع زيره
يبشر بخصم يهد المبنى الراسي
========في ضربة كسرها يتعب جبابيره
ما جاب غيضي وتكديري وعوكاسي
========إلا احتمال الخطأ لا ضاع تبريره
أبا الندواي يذب الدرب متواسي
========قدام أخبط الشجر وأظهر عصافيره
طالت وعرضت هبوب ليلها دماسي
========يجرح صداها لبيب العقل ويثيره
الصبر جوهر وهو له حد وقياسي
========والطق قفل العجم خل بمساميره

مبارك وازن البشري

ع هالرابط
http://www.alriyadh.com/2009/05/21/article431367.html