تهيضْـت ياسبّـاع لدارٍن ذكرتهـا = ولاعاد منها إلا مواري حيودهـا
سبّاع أمّك تبكي بعيـنٍ حفية ودمعَهَـا = من عينها يحفي مذاري خدودهـا
ولكن وقود النار باقصى ضمايري = هاضَ الغرام و بيّحَ الله سدُودهـا
ولكن حجر العيـن فيهـا مليلـة = ولكن ينهش موقها مـع برودهـا
دمـعٍ يشـادي قربـةٍ شُوشليّـة = بعيدٍ معشّاهـا زعُـوجٍ قعودهـا
زِعبيّـةٍ ياعـمّ مانـي هَافـيـه = ولاني من الليّ هافيـاتٍن جدودهـا
أنامن زِعب وزعب إليا أوْجَهـوا = على الخيل عجْلاتٍ سريعٍ ردودها
أهل سربةٍ لااقفت كِنّها مهجّـرة = وِاليا أقبلت كنَّ الجوازي وُرودهـا
لطاح طايحهم بشوفـي ترايعـوا = تقول فهودٍ مخطيـاتٍ صيودْهـا
لصاح صياحٍ بالسّبيـب افزَعـوا له = عزيِّ لغمرٍن ثبَّـرت بـهْ بلودهـا
لحقوا على مثل القطا يوم وردتـه = متغانـمٍ عيـنٍ قـراحٍ برودهـا
خيلٍ تغـذّى للبـلا و المعـارك = ترهِق صناديد العِدا في طرودهـا
لا تلقحونَ الخيل يا زعب ياهلـي = ترى لقاحَ الخيل يـردي جهودهـا
إن جَتْ سمـاحَ الخـدّ مايلحقـن بكم= وان جت مع السّنْداء لزومٍ يكودهـا
جانا الشّريـف بدارنا وإلتقينـا = كلّ القبايل جامـعٍ بـهم جنودهـا
طَلَبْ علينا الخُورهجمت قصيرنا = مِتمَوّلٍ (او مصملن) يبغـي حنازيـب سودهـا
يَامَا عطينا دونهـا مـن سبيّـه = تسعين صفرا حسبها ومعدودهـا
تمامها شعيطان خيالـة مهـوّس = أصايلن صنع النّصـارى قيودهـا
يقطـع قبيلـةٍ ضفهـا مايـذرّى = تشدي جمالٍ عظها فـي بدودهـا
قصيرنا في راس عيطاً طويلـة = يحجي ذراها من عواصيف نودها
عيّوا عليهـا لابِتـي واحتمُوهـا = بمصقّـلات مِرهِفـاتٍن حيودهـا
حربنا وتو البنت نشـون بهـا أمهـا = لين استتمت واستوى زين عودها
تسعيـن ليلـة والعرابـا معقّلـة = شمخ الذرى ومحجزاتٍ عضودهـا
شقح البكار الليّ زهن الدباديـب = قامت تضالِع من مثاني زنودهـا
خيـلٍ تناحيها وتضـرب بالقنـا = مثل التهامي يوم أحلـى جرودهـا
بنات عميّ كلّهـن شقّـن الخبـا = بيضِ الترايب ضافياتن جعودهـا
على الحنايا ناقضـاتِ الجدايـل = سمرِ الذّوايب كاسيـات نهودهـا
وجيهٍ تشـادي مزنـةٍ عقربيّـة = أقبل مطرها يوم حنـت رعودهـا
كلهن نهارَ الهوش تنخَى أرجالهـا = ستر العذارى بالملاقا اسودها
لباسةٍ بالهوش للـدّرْع والطـاّس = وعلى سروج الخيل كودٍ سنودها
مِن صنـع داود عليهـم مشالـح = تجيبه رجالٍ مِن غنايـم فهودهـا
يا ماطعنوا من حربـةٍ عولقيّـة = شلفى تلظى يَشرَب الـــــدّم عودهـا
الليّ ايتموا في يوم تسعين مُهـرة = مامنهن الليّ ماتـلاوي عمودهـا
تسعين مع تسعين والفين فـارس = تحت صليب الخدّ تطوى لحودهـا
تسعين بني عمي وابوي واخوتي وعزوتـي = وتسعين عنانٍ واللواحي شهودهـا
قبيلـةٍ كـم أذهبـت مِـن قبيلـة = لاعدّت الجـودات ينعـدّ جُودهـا
زِعب هُم أهلَ المدح والمجد والثنا= من الربـــع الخـــالـــي للحجـاز حـدودهـا
إن أجْنبوا فالصّيد منهـم تحـوّز = وضيحيها ومن الجوازي عنودهـا
وِن أشملوا تهـجّ مِنهـم قبايـل = ودارٍن يجونه ضدهـم مايرودهـا
لامِن نووا فـي ديـرةٍ ياهَلونهـا = تِقافت الظّعـان عجـلٍ أشدودهـا
اركابهـم يـمّ العِـدى مِتعبينهـا = بيضَ المحاقب مفتـراتن لهودهـا
يَامَاخذوا من ضدّهم مِن غنيمـة = ولا صاوُغوه بلطمـتنٍ مايعودهـا
بنمرٍ تشـادي للجـراد التهامـي = ماطاعت الحكام من عظم زودهـا
أشوف بالحـره ضعـون تقللّـت = وابوي حمّـاي السرايـا يذودهـا
شفي معه صقراً تباريـه عنـدل = مـرٍّةً يباريـها و مـرّةٍ يقـودهـا
أنا فتاة الحي بنـت بـن غافـل = وكم مِن فتاتنٍ غـرّ فيهـا قعودهـا
شرشوح ذودٍ ضاربٍ له خَريمـة = ما ودّك يشوفه بعينـه حسُودهـا
حوّلت من نظوى ورقيت سرحـه = حطّيت رفٍ في مِثانـي فنودهـا
وجوني ركابنٍ ونوّخوا في ذراها = وشافني عِقيدَ القوم زيزوم قودهـا
قال انزلي يابنت وانتِي بوجهـي = ولا جيته إلاّ واثْقه من عهُودهـا
أمرنٍ كِتبـه الله وصـار وتكـوّن = تسبّب علي من الأَعادي قرودهـا
بكـونٍ شِديـدٍ ماتمنّـاه عـاقلً = تعدّه عيالٍ عادهـا فـــي مهودهـا
ذكرت وقتٍ فايتٍ قِد مضى لهـم = ويومنٍ علينا مـن ليالـي سعودهـا
ضوٍّ زمت للمال من غب سريـة = وضوٍّ زمّت عودان الرطىَ وقودها
لكن قرون الصّيد باطراف بيتنـا = هشيم الغضا يدني لحامي لهودهـا
تسعين عينا صيدنـا فـي عشيّـة = وضيحيّة نجعـل دلانـا جلودهـا
قنّاصنن يروح شريـقنٍ وينثنـي = ويجي بالجوازي دامياتنٍ خدودهـا
وروّاينا بيومه وينثنـي = ويجي بالعلاسي لاحقاتنٍ حدودها
ومدّادنـا ياخـذ حديـد وينثنـي = ويجي بالجلادي ضايماتٍ هبودها
وغزّاينا يغـزي حديـد ويروح بيومه وينثنـي = ويجي بالعرايا ضايمتها ديودهـا
لنا بيـن ((حَبْـر والغْرابـات)) منـزلنٍ = نهد في زيـن العرايـا قعودهـا
حنّا نزلنا الحـزم تسعيـن ليلـة = وغلّ الأعادي لاجيٍن في كبودهـا
لامن حجى معنـا عليـمٍ ولا ذرى = إلاّ شخوص العين قـب نقودهـا
ِقليبنـا غزيـرةَ الجـمّ عيـلـم = ما ينشدون صدورها من ورودهـا
طولها ثمانٍ مع ثمانٍ مـع أربـعن = وسطٍ من الصفرا وقبلت ملاوي نفودهـا
أهل عقلةٍ بحدّ الحاذي من الغضـى = مادارها الـزرّاع يبـذر مدودهـا
ألفيـن بيـتٍ نازليـن جبـالهـا = والفين بيتنٍ بالمظامـي ترودهـا
تخالِفوا في يـوم تسعيـن لحيـه = علشـان وقفـت الأجنبي في نفـودهـا
دارٍ لِنـا ماهيـب دارنٍ لغيـرنـا = تحدّها الرّمله ولموارد عدودهـا