عرض مشاركة واحدة
قديم Jun-Thu-2018   #5
مؤسس المنتدى( 0504464282)


الصورة الرمزية فهد محمد بن ناحل
فهد محمد بن ناحل متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Mar 2007
 أخر زيارة : منذ 5 يوم (01:14 PM)
 المشاركات : 22,925 [ + ]
 التقييم :  9080
 الدولهـ
Saudi Arabia
 الجنس ~
Male
لوني المفضل : Cadetblue
افتراضي



سلام الله سلامٍ نصرفه صرف الذهـب بالسـوق
عدد مالاحـت ابـروق المخايـل وانتثـر ماهـا
سـلامٍ يشمـل الحضـار مايتـرك ولا مخلـوق
على الحفله ومن فيها من أدناها اليـا اقصاهـا
سـلامٍ للرجـال متوجينـه بالذهـب والطـوق
أمانـه مـن عتيـبـه حملونـاهـا وجبنـاهـا
سلام الله على حرب الرجال أهل الوفاء والـذوق
رجـالٍ بالمراجـل بالكـرم مـاأحـدٍ تحـداهـا
رجالٍ تأخـذ حقـوق وتقـدم للرجـال حقـوق
هـذا منهاجهـا مـن ماضـي الدنيـا ومبداهـا
لهم عادات وسلـوم تفـوق الكتـب والمنطـوق
أهل نخوه وأهل هيبه من اقصاهـا الـى أدناهـا
رجالٍ ماتعرف الغـدر مهمـا كـان وألا البـوق
تقابـل للرجـال الـلـي تقابـهـا وتنصـاهـا
قبيلـة مـن منـول منزلتهـا فاصـداره فـوق
مكانتهـا رفيعـه بــأول الدنـيـا وفتـلاهـا
لها صوله وجوله تفرق العاشق عن المعشـوق
عداها مـن قديـم الحيـن دايـم تلعـن ثواهـا
مزبنت الدخيل اللي عليـه مـن الليالـي عـوق
ليـا منـه دخـل فبيوتهـا يرتـاح فحمـاهـا
ذكرنا من محاسنهـا قليـلٍ مـن كثيـر يفـوق
يفـوق كتابـة اللـي يكتـب الكلمـة ويقراهـا
هذا قول الصحيح اللي صدر من مصدرٍ موثـوق
وأنا اعرف إن كل الناس محـدٍ يـدرك رضاهـا
لكن الناس يوم الله خلقهـا حـط فيهـا فـروق
خلقهـا الله وفـرق بينهـا مـن يـوم سواهـا
بدون قصور في كل الرجال اللي لهم قدر وحقوق
أنـا ماهضـم حقـوق النـاس والله ولاأنساهـا
ورجلِ مايعـد الحـق يصبـح شاربـه محلـوق
ومن تحلـق شواربهـا بعدهـا تنتـف لحاهـا
علوم الطيب ماتحصر عن أهل الطيب في صندوق
ياكثر اللي علوم الطيب طـول الوقـت معناهـا
وأنا ربعي عتيبـه بالشجاعـه مالهـا ملحـوق
رجالٍ من قديـم الوقـت مابـه مـن تهقواهـا
أهل وقفه وأهل فزعه ليا جاءت اللـزوم تشـوق
تشوق اصحابها عنـد اللـزوم وترهـب عداهـا
لها وقفةٍ يروق بها المعادي غصب ليـن يـروق
عيون تسرهـا وعيـون دائـم تسحـن دواهـا
ليا شاشت وطاشت بسطـر برقـا ومعهـا روق
ياويـل اللـي يجـي قدامهـا ماهـوب وياهـا
ليا منـا فعلنـا فعلنـا منـه المريـض يفـوق
عدانـا كـان ربـي مارحمـهـا مارحمنـاهـا
وشبابه مع بعضها حرب وعتيبه جسد وعـروق
ليا دارت رحاهـا زينـت مطحـون مـن جاهـا
وصلى الله على المختار عـدة مايلـوح بـروق
ليـا مـن المخايـل خيلـت والريـح تقـداهـا



الشاعر/ مخلد هليل العتيبي






باسمك بدينـا فانـك الله الاكبـر
يارب يامحيـي العظـام الرميمـه
واذكر محمد صفوة الخلق الازهـر
وصحابته اهل القلـوب الرحيمـه
الاولـة بأبـدا الكـلام المعـبـر
من مصنعه ما اجيب كلمة قديمـه
اطب في سـوق الحكـم وأتخيـر
زين القوافي والمعانـي السليمـه
اخص بالامداح حـر علـى حـر
بوخالد منصى الرجـال الحشيمـه
داخل ليا جيته بـداره تبـآ شـر
كريم ويحـب الرجـال الكريمـه
فـي مجلسـه تلقـى دلال تبهـر
واكباش ظان مـا علفهـا لقيمـه
بوناصر لامـا زهـم مـا تأخـر
وترى الوفاء منا عوايـد وشيمـه
يقولهـا شاعـر سلـول ويفخـر
وكل رجـل يفتخـر فـي زعيمـه
وزعيمها شيخ عبا الصقر يشهـر
مشار ي الصعيري جعل ربي يديمه
والثانيـة منـي سـلام محـبـر
يهدا لحرب ومن حضر ذالعزيمـه
سـلام منـي عـد نـو تـزبـر
برقه يلوح وراعده وسـط غيمـه
لصبيان حرب اللي خبرها تنشـر
هل بيرق ما ذاق طعـم الهزيمـه
البيرق اللـي فالجزيـرة تسيطـر
اللي حما حـده وعـذب غريمـه
سالم ومسروح ملوا البحر والبـر
قوم عظيمـه والفعايـل عظيمـه
صبيان حرب للمسالم كمـا الـدر
والمعتـدي تأخـذه اخـذه اليمـه
كم من حفيف من سببهـم تكـدر
أمـا جـلا وألا خضـع للشكيمـه
النشر يطرخ في الخلا مـا تذعـر
وأم الشمايل مانعتهـا الوسيمـه
هم فزعت ابن سعود لا دندن الشر
سعد لمـن والاه سـم لخصيمـه
وفي الخاتمه مانسى الامام المظفر
بومتعـب راع الـدروب الحكيمـه
ولا تكبـر او ظـلـم او تجـبـر
عطف علينا والشعـوب المقيمـه
تحكم على الغاوي اذا مـا تنكـر
والسيف الاملح هو علاج الجريمه
في طاعةابن سعود نسعى ونسهر
من اجل دولة عاد لـه مستقيمـه
دولة لها سمعـه وصيـت تطـور
وصارت على العالم بحكمه زعيمه
وفي الخاتمه مني سـلام معطـر
على النبـي عـداد وبـل وديمـه





الشاعر/منصور عويد السلولي




تداحم بفكري مترفـات الصبـا والغيـد
بنات الهجوس اللي لها الفكر طربانـي
تداحم مثل شرد المها ناقضـات الجيـد
ضوامر حشا فيهن بهاء غرو إحسانـي
تسابق عليهن مهتوين القنص والصيـد
وآنا الشوق لعيـون المفاريـد سرانـي
لهن شوق علياء لا أنتخى دونها ابو زيد
تبنيـت فكرتهـن وفـكـري تبنـانـي
وبدينا وأنا لامن بـدأ ماقفـي ماأحيـد
أجـي لابتـي تقديرولسانـي حصانـي
وبأسم داخل الحربي هلا مرحبا ترديـد
هلا مرحبا مـن كـل قلبـي وجدانـي
هلا مرحبـا والليلـة أول ليـال العيـد
وترى أول ليال العيد تفرق عن الثانـي
هلا مرحبا في كل من جـاء وبالتحديـد
هلابالضيوف اللي لهم تصـدح الحانـي
هلا مرحبا باللي لهـم بالفخـر تمجيـد
هل الطيب والوقفات من ماض الازماني
إعيال شهران إليا ارتخى باللقاء رعديد
تواريخهم في صفحـة المجـد برهانـي
هلا مرحبا فاللي بحـد الجزيـره حيـد
يضد العدا من كـل غـازي وطمعانـي
هلا مرحبا في نصرت الحق والتوحيـد
على كل قبا تنطح المـوت وإحصانـي
أرحب بربـع قدرهـم كـل يـوم يزيـد
إرجالٍ مسير إفعولهـم يتعـب البانـي
وأبا اشيد بالي في شواعير حرب يشيـد
وأبا أنخى على رد الثناء جزل قيفانـي
هلا يامحمد عـد غيـثٍ بصـدر البيـد
نثر ماطره وإنهل مـن غـر الأمزانـي
هلا فيك ياشاعر ليا جاب جـاب الفيـد
معاني قصيد جـزل وبيوتـه إسمانـي
مطاليع فكـره لاتنهـض وفـك القيـد
مطاليـع حـرٍ فكـه النائـب الثـانـي
هلا بك غلا من نجد لآخر حـدود قديـد
أرحب بمقـدم مـن لفـا يمنـا عانـي
وأقوله وأنا من حرب أهل نجد بالتحديد
إزحول الرجال بكـل ماقـف وميدانـي
أقوله وأنـا ماجـرد المجتمـع تجريـد
مثـل مالنـا ميـزان للنـاس ميزانـي
وبعد ماتعود لـدار شهـران بالتحديـد
أمانه تسلم لـي علـى كـل شهرانـي
وباسم داخل الحربي هلا مرحبا ترديـد
وهلا مرحبا عن حرب الاقصين والداني



الشاعر/نايف سليمان الطريسي الحربي





نيابة عن حـرب عنـد الغياديـن
يامرحبا من قلب ولسان وإحسـاس
ترحيبٍ أغلا من الذهب والملاييـن
بضيوفنا الغالين من كل الاجنـاس
عند الحروب اللي للأمجاد ضاريـن
أفعالهم بين العرب ترفـع الـرأس
فينا الوفاء ماضي وحاضر وبعدين
من فضل رب البيت مع ساير الناس
صغيرنا في مرحبا فيـك وأهليـن
يعجبك لأن الطيب مبنى على ساس
وكبيرنا بالطيب والمذهـب الزيـن
تشهد له الاجناب والفعـل مقيـاس
مجدٍ من اولنا يخلـد إلـى الديـن
متوارثينه ورث طيـبٍ ونومـاس
وبعد ذكرت من الحقايـق عناويـن
الفكر له دوره وللمجـد هوجـاس
حي السلولي عـد وبـل الوداديـن
واللي معه شرف عدد رمل الاطعاس
شهادته فينا على الـراس والعيـن
وسام فوق صدورنا فخـر وقيـاس
شهادةٍ من رأس نسـل السلاطيـن
غير الشجاعه والكرم قوة البـاس
شهران شهران العريضه على الدين
وقت الرخى وإلا على قب الأفـراس
وافين واللي كون الكـون وافيـن
لبسوا فعول الطيب بأنواعه لبـاس
علـى فعايلهـم دليـل وبراهيـن
ماهو مجرد حبر من فوق قرطـاس
تاريخهم يحوي جميـع المضاميـن
فيه الذهب والدر وعقود الالمـاس
بـلا قصـور بالرجـال المسميـن
كل القبائل نعـم والعلـم نبـراس
النور عـده حـق والحـق تبييـن
الطيب ماهو ملكٍ لناس عن نـاس
عد الروى للي على الطيب مضمين
افلح به الطيب عن وجيه الانجاس
وصلوا على خاتم جميـع النبييـن
عد الحروف وعد ماهـب نسنـاس






الشاعر/عـــوض عواض الغيداني





البدايـه مرحبـا ترحيـبـة مصحـوبـه
بأزرق العود الفريـد ولمعـة المرجانـي
ماجد بن خريص ناب وقام يوفـي نوبـه
يوم كلفنـي عضيـدي داخـل الغيدانـي
الجزيلـه ياهجوسـي عندنـا محسوبـه
والهزيله مالهـا مجـلاس فـي ديوانـي
يوم ارحب بأسم ربـعٍ نارهـم مشبوبـه
يفتخر راسـي وطرياهـم فخـر للسانـي
مرحبا ترحيـب حـري يفتخـر بحروبـه
باسم مزبان الدخيـل ومحتميـن العانـي
مرحبا ترحيب غيثِ يوم جـاء فرحوبـه
في هطوله فرحوا الحضـران والبدوانـي
مرحبا ف كـل شيـخٍ جيتـه محسوبـه
وابخص مشاري العامـر رفيـع الشانـي
شيخ شمل العزوه اللي ذكرهـا سمعوبـه
هم بنـي سلـول والتاريـخ مايخفانـي
وشخ شهران العريضه كـلٍ بمـا جوبـه
مرحبـا ترحيبـةٍ ماجابهـا نقصـانـي
مرحبا في كـل ضيـفٍ عزوتـي هلوبـه
وأبخص من الضيوف الشاعر الشهرانـي
ابـن عبـاد السلولـي شاعـر مكتوبـه
شاشله جاشـي وسافربـي لجـو ثانـي
من رجالٍ فعلهـم كـل العـرب دريوبـه
بالوفـا والطيـب والميقـاف بالميدانـي
عن بني شهران جانـا شاعـر شادوبـه
له جزيـل الشكـر والتقديـر والعرفانـي
مرحبـا عـد مافـي هالزمـان عجوبـه
عند أهـل يامرحبـا يامرحبـا عنوانـي
مرحبا في شاعر قافـه غـرق بأسلوبـه
صور الواقـع وجـاب لحجتـه برهانـي
من جزيـلات المعانـي شـرده منجوبـه
والدلايـل يـوم رجـح كفـة الميزانـي
وسط حفلٍ عزوةٍ مـن عزوتـي قاموبـه
للحصان اللي قصيـدة يذهـل الأذهانـي
قبـل يطلـع للقصيـدة لابتـي فـزوبـه
فزه الفرحه بمثلـه يـوم جاءنـا عانـي
ويوم شارك جاب قيفان الذهب مسكوبـه
حي قافٍ من وفـاه يهيـض الأشجانـي
الحدث والوقت هيكـل والقصيـدة ثوبـه
كلهـن مثـل النـواه لبنيـة القيفـانـي
القصيدة والبنـاء يبنـن طوبـه طوبـه
والعمد والسـاس عـز بنايـة البنيانـي
ويش فرق الشعر لـولا فلسفـة لاعوبـه
وش هم المستشعرين؟ وش هم الفرساني؟
ماأحـد يقـدر يقـول الشعـر مابقوبـه
للزمـن هـذا شواعيـر الزمـن الفانـي
والقصيد بحـور لاتحكـر ولا محجوبـه
ماقصاها لا فـلان ولا أحتكرهـا فلانـي
كل شاعر من بحر شعره حسب مطلوبـه
يلقـي أبيـات بدعهـا بالفـم المليانـي
أحدٍ شعره إليا اوحـوه العـرب غنوبـه
واحدٍ يفتـح عليـه ليـا قصـد بيبانـي
والنهايـه مرحبـا ترحيبـةٍ مصحـوبـه
بأزرق العود الفريـد ولمعـه المرجانـي



الشاعر/ماجد عبدالله المشيعلي الحربي





أنـا بالنيابـة عـن ابوخالـد كحيـلان
سليل الرجال اللـي لهـم بيننـا شانـي
احيي بشهران العريضـة هـل الايمـان
عزاز النفوس اهل الكرم خطـل الايمانـي
لهم صرح مجد معتلي كبر ضلـع أبـان
يعرفونـه الاقصيـن ويعرفـه الـدانـي
واخص ابن عامر شيخ من اطيب الشيخان
سلالـة رجـال ظلهـا يحمـي العانـي
وعسى الله يحفظ الملك فارس الفرسـان
مليك العـرب عـز العروبـة كحيلانـي
يحفظ الله العالي ولـي العهـد سلطـان
ونايـف حفيـظ الامـن النايـب الثانـي
حكومة رشيدة في ذراهـا نعـد اخـوان
لأنـا بديـن الواحـد الخالـق أخوانـي
ختام الكلام من ال الـى الضيفـان
شذا عود مع مسـك وعنبـر وريحانـي




الشاعر/الحميدي الحلو ال




بديـت بإسـم اللـي عليـه التكـايـل
الواحـد اللـي كـون الغيـث وأنشـاه
منش المـزون اللـي تصـب الهمايـل
اللي حمى موسى مـن البحـر وأنجـاه
الله هـو الباقـي ومـا كــان زايــل
والشـكـر و المـنـه والأفـضـال لله
واخـذت عـن بعـض المثايـل مثايـل
نتعـب علـى شـان البيـوت المنقـاه
لو مـا أجتهدنـا مـا نجيـب الجزايـل
والشعر مـن حبكـه وسبكـه ومعنـاه
وضيوف داخـل مـن جميـع القبايـل
والضيف لـه حشمـه ومقـدار يلقـاه
عـداد ماتـبـرق بــروق المخـايـل
مـزن تراكـم وانحـدر وانسكـب مـاه
واثنـي الترحيـب والــراس طـايـل
يامرحبـا ترحيـب حربـي بمـن جـاه
تستاهلـون الطيـب يـأهـل النفـايـل
الشاعـر محمـد وربـعـه وخـويـاه
اشهـر بكلمـة حـق والشـك زايــل
وارضى ضميـره بيـن دينـه ودنيـاه
حـر بـراسـه للمعـالـي صمـايـل
والحـر مايحتـاج تنبـيـه ووصــاه
بوجـود شهـران العريضـه كمـايـل
النور شـع أمـن اول الحفـل لقصـاه
وفي حفل ابو خالـد عريـب السلايـل
شيخ ولد شيـخ علـى الطيـب مربـاه
لا مـال حمـل اللـي عليـه امتمايـل
ترويـض صعبـات المواقيـف يزهـاه
متنـه علـى الشـده يشيـل الثقـايـل
وكـل القبيلـة تفتخـر فـي سـوايـاه
ومـن لا ينـال الطيـب ماهـو بنايـل
ياسعد من في ساعـة الضيـق ينخـاه
خـادم قبيلـة حـرب واف الخصـايـل
يزيـد راسـي عـز ذكـره وطـريـاه
لا جاك عن صيت الراياجيل سايلياعنك ما مدح الرجال ايتعداه
والمدح مـا يبنـى علـى قـول قايـل
ماهو بأنـا اللـي مادحـه فعـل يمنـاه
الطيـب يتعـب لـه بكـل الوسـايـل
والمرجلـه تصغـي لمثلـه وشــرواه
لـو المراجـل مـا تجـي بالسهـايـل
حبه لها اكبر من مـدا الغيـض بعـداه
واكبر بعـد مـن حـب شمـر لحايـل
ومن حب قلب الذيـب لـدراك مسـراه
هـذاك سـتـر منقـضـات الجـدايـل
اللي يزيـل ويصغـر الخـوف بحمـاه
من روس ربعـي مسرجيـن الاصايـل
اهـل النقـى واهـل الفعـول المسمـاه
سقـم الاعــادي طيبـيـن الفعـايـل
اهل الوفـاء والعـز والجـود والجـاه
يومنهـا مابـيـن صـايـل وجـايـل
فريـس ومطنـخ وشجعـان ودهــاه
لا جـاء لهـا مـن الاخصـام عـايـل
سيوفهـم ورماحهـم تقصـر خـطـاه
خيالـهـم بمـذهـبـات الصـقـايـل
يـسـوق روحــه بـيـن ذولا وذولاه
ولا يـرجـع إلا بأمـهـات الشـمـاي
لمن قو باسـه كـن الامجـاد تنصـاه
وياما نسـوي بالخـوي مـن جمايـل
تناقـل الأجـيـال فـعـل صخـرنـاه
فعـل يهـول بالسطـر كــل هـايـل
لابـد يـدريـه أول الجـيـل واتــلاه
ألا علـى قـولـي ثـبـوت ودلايــل
قصـة نويشـي والبـلالـي وخـويـاه
مجـد مشـيـد بالسنـيـن الاوايــل
والله ياسـود الليالـي مــا تمـحـاه
المجـد وزعـه بيـن كــل القبـايـل
وكـل بنـى تاريـخ مجـده وســواه
والـذم مـا يزهـا عـيـال الحمـايـل
كلـن فعولـه نبذتـن عــن مـزايـاه
مدحي لربعـي صـدق ماهـو محايـل
واللـي جهـل بكتـاب االافعـال يقـراه
وعلـي مـا فكيـت بـاب الفشـايـل
اللي يغط النور يغط النور حسبه على الله
ما فـاز مـن يمشـي طريـق الرذايـل
والعمـر ويـش وسـود الايـام تقفـاه
الظلـم مـا يوخـذ بعكـسـه بـدايـل
اخيـر مـن قربـه بـعـاده وفـرقـاه
وضحت من عـرض الرسايـل رسايـل
والمعرفـة توفـي قصيـدي وتـقـداه
لومـا اجتهدنـا مـا نقـول الجـزايـل
والشعر مـن حبكـه وسبكـه ومعنـاه
بنـات فكـري عـوب شـردن نحايـل
اتـلاد فيهـن مـن حلاياهـن اشـبـاه
اسوقهـن سـوق العصـى للرحـايـل
حتـى يجـن لكـل طــرق اتمـنـاه
مــدام لـلابـداع حــل ومسـايـل
يامـا قبـل ينقـال الابــداع قلـنـاه



الشاعر/بدر ناصر الحويمضي الحربي


 
 توقيع : فهد محمد بن ناحل



رد مع اقتباس