عجباً لكم ذكرتو وذكرتوا
وتناسيتم من لاينسى
تناسيتم شيخاً لازالت الدموع تنهمر على رحيله
شيخاً طالما تمنينا رجعته للدنياء ولاكن هيهات
اسماً لامعاً متميز بين اسماء الشيوخ
شيوخ الكرم والمراجل والعطف واللطف بالضعيف
وهذا لايققل من قدر الشيوخ الذين ذكرتم
الله يرحم المتوفى منهم ويطول عمر الطيب
بل العكس
يضيف لهم فخراً وعزه ايضاً ولاكن تناسي الرجال المعروفين
والمشهود لهم لايجوز ابداً
فهذا الشيخ فخر المراجل رجل من ذهب لايتكرر
الا ان يشاء الله
انــــــــــــــــــــــــــــــه
الشيخ جـــــــــــازي ابن هجــــاج الوسوس
أشتهر بالكرم,, وزرَع محبته في نفوس الجميع
كرّس كل حياته لخدمة جماعته وقضاء حوائجهم
والوقوف على شئونهم..
كان من المخلصين لهذا البلد..
ومن المقدّرين عند ولاة الأمر..
كان رحمه الله كريماً سخياً ومن الأمثلة الحية لكرمه الذي وهبه الله له ولم يكن متصنعاً أنه الزم نفسه و وأبناءه سواء كان موجود او غير موجود بإنه بعد صلاة الجمعة يجتمع محبيه ومن حضر من بعيد للصلاة من أهل البادية يجتمعون للغداء في بيته وهذا الأمر منذو أربعين سنة وأوصى أبناءه أن تستمر هذه العادة الطيبة وهم أهل إن شاء الله تعالى بإستمرارها وقد قال الشاعر الكبير عبد العزيز بن حمود ابا العون المزيني الحربي
يا منيف انا راسي من الهرج منداش.. غـديــت لـــون مـعـايــد القريـتـيـنـي
لاواهـنــي الـنــاس يـامـنـيـف دلاّش.. وانـاعـذابــي كــــل يــــوم يـجـيـنـي
اقنب قنيـب الذيـب باطـراف عكـاش شـقـا ولاشـــاف الـعــرب نازلـيـنـي
بـي ليلةعـذراء بـهـا طــل ورشــاش.. وفـيـهـا الجـلـيـد مـســوي طابقـيـنـي
اقنـب قنيبـه يـوم يقنـب مـن الـجـاش.. وون مــثــلــه بـالـخــفــا ونـتـيــنــي
مــن نـاهـش بـيـن المعالـيـق نـهــاش.. يـخـمــنــي بـالـثـانــيــة مـرتــيــنــي
اليا جيـت اهـوّد فيـه يامنيـف يهتـاش.. والـنــاس مـايــدرون عـمــا يجـيـنـي
عليك با لمنهـل ليـا صـرت معطـاش.. عـلـى الــروا و مشـاهـد الغانمـيـنـي
ملفاك شغموم علـى الطيـب مدغـاش.. جــازي مـــلاذ مـــدوّر الحاجتـيـنـي
هـو منـوة اللـي تالـي اللـيـل هـتـاش.. عــن الـونـس والـنـاس لــه ليلتـيـنـي
يلقـا سوالـيـف عـلـى دلال وفــراش.. سـوالـف مـاهــي سـوالــف دويـنــي
مامـر فيهـا عـرض غـافـل ولانــاش.. اعـروض خـلـق الله وهــم غافليـنـي
حلـو نبـاه وقلبـه انظـف مـن الشـاش.. وانـظـف مــن القـرطـاس للكاتبيـنـي
مـاهـي سـوالـيـف تعـوّدالـيـا مـــاش.. هــذا ولــد هـجـاج هـيـف السمـيـنـي
ذبّــاح للجـمـعـة فـرافـيـر الاكـبــاش.. ما اقـول قـول النـاس شوفـي بعينـي
جعـلـهـم عـــادة بـلـيـا تـشــو بـــاش.. ليـا صلـوا الجمعـة وجـوا فايضينـي
فـاتـح لـهـم بابـيـن والثـالـث قـراش.. وثــان لـهـم رجـلــه عـلــى دلتـيـنـي
ريحة زفرهن فوق جمـره ليـا طـاش.. يجـي لـه اللـي مــن ورا شارعيـنـي
يبذل لهـم مـن طيـب نفسـه وماحـاش.. الله يـعـيــن بـعــونــه الـصـابـريـنـي
ان كان هو موجود وان كان طـراش.. اليا غـاب وصـى عقبـه الحاضرينـي
له ماقف (ن)يصعب على كل هلاش.. يــاويــل والله عـقــبــه الـوراثـيـنــي
المـارد الـلـي تــارده كــل الادبــاش.. تـفــوح ينابـيـعـه وجـمّــه رصـيـنـي
هـداج ماصامـت ضوامـيـه عـطـاش.. شيـخ العـدود اللـي يضـف القطيـنـي
ان جيت تالِ الليل وان جيت غباش.. هــداج لــو شــان الـدهـر مايشـيـنـي
مثلـك يـابـو نــواف والعـلـم نـبـراش.. عـنـدي بــدور الـيـوم مـالـك حتيـنـي
ماقلتهـا قصـدي عراميـش وعــراش.. لا و الـذي صـامـوا لــه الصايميـنـي
مار انت راعيهـا ليـا كوبـش الـلاش.. الـلــي يـابــو نـــواف لـــه نيـتـيـنـي
من لابة يخشـى غضبهـم اليـا طـاش.. اولاد راشــــد ميـتـمـيـن الـجـنـيـنـي
رجالهـم مثـل الهزبـري اليـا هـتـاش.. لو . . لان .. صوان الحجر ما يليني
مـا ينلقـي فيهـم مـن العيـب مدغـاش.. افعـالـهـم تـعــرف وهــــم بايـنـيـنـي
وصّانـي الدكتـور والعـارفـه عــاش.. وانـــا دكــتــور ســيــد العـارفـيـنـي
يـقــول لاتـهــدي معـانـيـك بــبــلاش.. الـقــول واجـــد والقـلـيـل الثـمـيـنـي
ولانـي بعـروض الاجاويـد حـشـاش.. ولا تــابــع الــغــرات بالمسلـمـيـنـي
تمت .. ومن عاداك يـا ميـر لاعـاش.. وتــم الـكـلام الـلـي بــداه المـزيـنـي
ما قلت .. ماني عـن قوافيـه منحـاش.. وصلـوا علـى المختـار يالسامعيـنـي
قصيدة للشاعر /مزيد فلاح بن رضيه الهاجري في الشيخ / جازي الوسوس - رحمه الله -
ياشيخ أنا جيتك أمن الشرق ناصيك
سارن مع السيدين مثل الجـلاوي
مغير أسولفبك مع الخط وأطريـك
وأقول جعل الشيخ فوق الهقـاوي
وقلنا نبا عيد الفطر فـي حراويـك
وخليت بعض أصحابنـا والدنـاوي
ذكرك مع العربان خلانـي أجيـك
والفعل يثبـت طيبيـن العـزاوي
شيخٍ وفعل الطيب عـادة مباديـك
وقال البعير وصف جازي نـداوي
شيخٍ ومن طيبك تتقا العرب فيـك
للمرجله والطيـب ياشيـخ حـاوي
تشبه جبل سنجار يلقى الذرى فيك
والشيخ تنصاه العـرب فالدعـاوي
حراً تنومس فالهدد من قنص فيـك
صاط ٍعلى الجزلات كفك رهـاوي
البارحه في أبقيق ياشيخ مطريـك
وكنت أتمنى شوف وجهك منـاوي
واليوم في بيتك وقدمـك وأحاكيـك
وأنت الرجا عقب أنقطاع الرجاوي
وكان الرجال أنجوم ياشيخ أحليـك
تشبه لنجم أسهيل مانـي بغـاوي
وكل العلوم الطيبـه تنهقـي فيـك
ونرج الفزع رجوى الحيا لشواوي
والشاعر اللي بالقصيـده إيناجيـك
عنده خبرك إنـك للثقـال قـاوي
والشيخ بالطولات مافيـه تشكيـك
وللمرجله بيديك حبـل وعـراوي
أتنومس اللي بالقصيده قصد فيـك
ليا ردت بيـن الرجـال الحكـاوي
والحر ما يرضى حيات الصعاليـك
هذا كلام وجـاك علمـي شفـاوي
وأضرب مثل من شان بالعلم ننبيك
للجود عند الشيخ دايـم حـراوي
واللي سرى فا لليل ماعنده أتريـك
يونس من اللكمات مثـل المكـاوي
واللاش جعله يافتى الجـود فاديـك
وهداج تيما كـل مـن جـاه راوي
كل العلوم الطيبـه فـي مواريـك
وافي وفي علوم الوفـى ماتـراوي
شيخٍ على الطولات تهزم معاديـك
وهذا دليل اللـي للمجـاد هـاوي
واللي نصاك اللي تشربك تشربيـك
وأصبح من حمول المقادير ثـاوي
تاقف معه والله على الطيب هاديك
وأوجد لجرح الوقت طـبٍ يـداوي
قصيدة للشاعر رميح عقيل الجهيمان العنزي في الشيخ / جازي الوسوس - رحمه الله -
للشيخ جازي نبي مسيـار
من هو خويـي وناصينـه
نبي على مكـرم الخطـار
من أوصاف حاتم بهم عينه
تلقاه دايـم يشـب النـار
تلقىالنشامـي بدياوينـه
ماحسَّب المال والمخسـار
عده على فرضـة المينـه
ليـا بعـد واحـدٍ ثرثـار
يخادع الناس فـي دينـه
ما يعرف السلـم المعبـار
واسلوم الأجوادنـا سينـه
يسب راع الضحار والكار
مايعرف الشين من زينـه
والحر دايم يصيد أحـرار
وينومـس اللـي مهدينـه
والحر دايم رفيق أحـرار
والبـوم يلقىشبيهيـنـه
والوقـت هـذا ترغـرار
كثيـر الأجـواد شاكينـه
وقت غدا الثعـل والغـار
يزمر على الحـر ويهينـه
يالله يـا رب يـا ستـار
عسى العواقب لنـا زينـه
وصلو على سيد الأبشـار
محمـد خـاتـم نبييـنـه
قصيدة للشاعر/ فهاد فلاح الشمري
في الشيخ / جازي بن هجاج الوسوس - رحمه الله -
عساك يامزنٍ تكاشـف بروقـه
في ديرة الوسوس تصب الهمايل
زين الدخيل اللي خصيمه يسوقه
وبيته لعكفان الشوارب مداهيـل
ودلال صفـر عايـزات رنوقـه
طول الدهر تلقى عليهن رياجيل
وصيانين يدفق السمـن فوقـه
وحين تقلط للرجـال المشاكيـل
الله يعوق اللـي برايـه يعوقـه
في جاه من نزل تبارك وتنزيـل
قصيدة للشاعر / ناصر عبيد الدويش المطيري
في الشيخ / جازي بن هجاج الوسوس
يابو محمد نبـا نسيـر لجـازي
نـزور اللـي بالوفـاء ينعيـلـه
الوصل جايز للرجـال العـزازي
عصمان الأرياء كاسبين النفيلـه
لون من دونه حـزوم ونـوازي
لو كـان ماجانـا لـزوم نجيلـه
أنا على الطيـب قويـن مجـازي
وبعض الملا ما خاطري يشتهيلـه
لقيت بالوسوس طموح ونجـازي
حمل النقا لو هو ثقيلـن يشيلـه
جزام ماهو من رجـال المهـازي
اللـي يهـوز ولا يكمِّـل جميلـه
شخص ثقيل من ثقـال المـرازي
بالفعل والاّ النفس ماهـي ثقيلـه
ماله شبيـه إلا أنـت بالمتيـازي
مثلـك ومثلـه مايحصـل بديلـه
من الرجـال الأوليـن اللـوازي
اللي تعرف القاصـره والطويلـه
أنصار للـي مبتلـش ومتـوازي
يبا الطريـق وتايـه بـه دليلـه
ممشاه كنه فوق شوك الحـزازي
خليـت يـده وشامتنبـه عميلـه
أنتم انصاره ليا حكيت العـزازي
لو المواشـي فـي يديكـم قليلـه
كد شيف ماهو هرج خطو الخبازي
والهرج يكفي عن كثيره حصيلـه
جازي وسلطان البعيـر لـزازي
متشابهيـنٍ بالفعـول الجميـلـه
فرحمه الله رحمة واسعه وأسكنه فسيح جناته
|