يالعصيـمـي جـيـت بـيـن الـرخــا والـشــده

صرت بين البحر الأحمر وسيل الوادي

الـجـمــل شــقـــران عــيـــا يـشــيــل الــعـــده

وأنــت ماتـقـدر تسـوقـه بـغـيـر إشـــدادي

والعصيمي عمها لو تطول المده

لاتشد إعنانها لن هـداك الهـادي

دايـمــا يـاحــرب وأرزاقــكــم مـنـلــده

خيموا بخيامكم فالمحيـط الهـادي

عـمـهــا فـالـضـلـع قــــدام تــنــزل جــــده

مير خلك عن طريق الخطر متحادي

الــحــروب إتــحــارب الـعـالــم الـمــرتــده

وأنت عينك صاحيه مير قلبك غـادي

الجمال اللي تراغا عساها الغده

ضايعه والضايعه مالها نشـادي

وأنــت ياصـيـاف رديـتـهـا فـالـبـده

مادريت إن به سد الشفا نقادي

خل كبدك تصبح إمن الزعل مسوده

إعرف المصدار ثم إعرف الميـرادي

شيل بشتك وإضرب السكـه الممتـده

لاتعانـدنـي ويصـعـب علـيـك عـنـادي

مانضد إلا عرب تستحق الضده

ياغريب الدار كـل البـلاد بـلادي

لونمشـي يمـك السـكـه المنـسـده

مايناديلك مع المسلمين منـادي