الشاعر عبدالله المسعودي

واحـدآ جابـوه وودوه مـدري كـيـف قــال

من هو اللي دف مستور واندفـه وراه

اخـويـاه ايـدورونــه وهـــو رايـــح لـحــال

ما خبرت اللي يبا يروح ويكب اخوياه

مستور العصيمي

مـا خبـرنـا الـلـي يضـيـق سـريـع الانفـعـال

مـن يقـول العلـم جانـي منيـن العلـم جــاه

واشكل الاقوال يا ذيب ما هـي راس مـال

من ظما لو يشرب البحر ما يروي ظماه

عبدالله المسعودى

الخبـر والعـلـم تـحـت العمـامـه والعـقـال

والعقال مع العمامه علـى راسـك هـذاه

من زعل قلة سعه يشتري له وسع بـا

قبل يقعد له زمانه على راس الحصاه

مستور العصيمي

ما على راسي يقع ما على روس الرجال

والعميـل الوافـي الـنـاس مــا تنـقـص وفــاه

الزعـل طيـب ومـكـروه فــي بـعـض الـحـوال

والامـانـه مــا تضـيـع عـلـى طـــول الـحـيـاه

عبدالله المسعودى

انـت فيـك طبيّعـه مـن جــدودك والـخـوال

لا غريبه تعجب الناس من قدر وغطاه

ان عطتـك اكتوفهـا مــا تربـطـك الحـبـال

وان تـوجـه لـــك نـحـرهـا تلـحـفـت الـعـبـاه

مستور العصيمي

وان بدالك عوجت العوج في رقـاب الجمـال

ميـر مـن عـارض بمـا عونـه السيـل امتـلاه

من تملت له غروبه ؟؟؟؟؟؟؟؟؟؟؟به محال

كـل مـا اوحـى لـه مـنـادي يـنـادي قــال هــاه

عبدالله المسعودى

ما معي ماعون والوادي الممطور سال

وانت كيف يسيل واديك وخيالـك صحـاه

والحـبـوب الـصـم لــو قيـمـة الـحـبـه ريـــال

مـا بلعهـا غيـر مـن تطحـن الحبـه رحـاه

مستور العصيمي

لو زهمت ابكم يجاوب على هذا السـوال

كيف عاقل يلتبس ثـوب مـا فصـل عـلاه

لن وصلـك العلـم عنـدك محايـل واحتيـال

حيلة الحصني ليا شاف سبع الليل جاه