مرحوم يا اللي كل الأحرار تغليه = مرحوم يا اللي للمواجيب وقّاف
غصب ٍ على عيني من الوجد تبكيه = تبكيك يا اللي نجمكم فوق كشاف
الشـعـر قـبـلي قـام يـبـكي ويـنعـيـه = يبكي على اللي يملك الحس والقاف
يا حرب قوموا نبكي صياف ونرثيه = وندعي له المولى على كل مشراف
الشــاعــر اللـي كـلـنا نفـتـخـر فـيـه = اليــوم ودعـنـا ولا عــاد يـنـشـاف
يا اللـه يا المـعـبود تـلطـف وتنجيه = وتـزيد مـن كـل المـزايا لـه أضـعاف
عســاه فـي جـنتك يـارب تـجـزيه = وتجعل من الرحمة على قبره لحاف
يا واحدٍ كـل الــمـخالـيـق تـرجـيـه = تـرحـم فـقـيـد الشعـر يـارب صـياف
ضيف الله البدراني