منتديات بني سالم ومسروح - عرض مشاركة واحدة - حفل الشيخ صالح بن شلاح الهنيدسي لقبيلة سليم ولعددٍ من مشائخ واعيان القبيلة

Sep-Mon-2013

حداية السلمان

سلام واللي يعرف انواع الذهب ويصرّفه

يمشي على وضح النقا ما فيه شيء يحرّفه

والشيخ صالح في العرب معروف ماحد يعرّفه

رجل المواقف في الحضر وفالبادية قدره رفيع

والثانية لكم عزيمه والوجوب نكلّفه

من حرصنا ما باقي الاّ كل ضيف نحلّفه

الكل منّا واجب الارحام دوم يشّرفه

نبي الوعد في حاضر الميقاف ويذيع المذيع

الرد :

يا مرحبا والضيف يلقى مرحبا ما نصرّفه

له منزلها جوف الحواني ضيفنا ما نطرّفه

ذرف اليمين الشيخ بن شلاح ماحد يذرّفه

يا مرحبا ترحيب شامل في شتا والا ربيع

ابشر ميعاد الوفا ما هي حروف مولّفه

نرسلك المكتوب جاهز وسط ظرف نظرّفه

انتم وحنا فالموافا كل القلوب مولّفه

والطيب مابين الرجال اهل المعزة ما يضيع

وقد كانت حداية سابقة لهم في منزل الشيخ صالح الهنيدسي

يا مرحبا باهل الوفا والبيت في مبناه عالي

الشيخ صالح قالها لهل المعزة والكمالي

بارحامنا السلمان نفخر قدرهم غالي

يا مرحبا والدار نوّر بالرجال الغانمين

للشيخ بن زيدان واجب والعذر ماله مجالي

ما نقبل المعذار والله مير حدد وقتها لي

انتا وربعك والمعارف من كريمين السبالي

حدد وعجّل فالوعد حنّا ترانا محتسين

الرد:

عسى البقا عداد ما خيل من المنشا خيالي

للشيخ صالح تنشر البيضا على رووس الجبالي

ارحامنا حرب الرجال اهل المعزة والمعالي

دام البقا يا دار بعد العيد ومن العايدين

والشيخ ابن زيدان اخوكم من قديمات الليالي

وانتم رجال المعرفه والكيف في جوف الدلالي

والواجبات مرتبه جواب من بعد السؤالي

جينا على حسب الوعد حنّا ترانا حاضرين

قصيدة ترحيبية من الشاعر سليمان السهلي

قصيدة ترحيبية من الشاعر محمد عاتق الأنصاري

قصيدة من الشاعر نواف حامد السلمي

بسم الشيوخ الي لهم صيت وافعال

الشيخ ابن زيدان للعقد حلال

شيخ (ن ) عريب الجد والعم والخال

اليا لفاه الضيف يلقى التراحيب

وبسمك يا أبو عادل عسى الله يعافيك

شيخ (ن ) على الميقاف لابد يرضيك

مشهود لك بين القبايل مواريك

سلام بسم شيوخنا يا معازيب

ينصا رجالاً عندها شبة النار

اتكرم الضيفان وتقدر الجار

من شانها ما نحسب حساب مشوار

جينا على الميعاد لايمكن نغيب

وينصاك يا شيخ (ن ) كثيره مزياك

يا الشيخ ابن شلاح ما خاب من جاك

انا افتخر يوم (ن ) صافحت يمناك

مثلك نعده فالمواقف مكاسيب

يا حرب ياقوم الكرم والمهابه

بين القبايل فعلكم يحتذابه

ان جيتهم في سلم ولا حرابه

تلقى رجالاً تبدي الطيب بالطيب

وحنا سليم القوم والاد منصور

تاريخنا في نصرة الدين مذكور

يشهد لنا التاريخ والبيت معمور

راية علمنا فوق روس المراقيب

هذي قصيدة شاعرن ما تعداه

ميقاف ربعه دايم الوقت يحماه

عن ماقفه لن رحت ون جيت تلقاه

عند المواقف ياقف الذيب للذيب