يمه انا احتاجلك واحتاج دعواتك
طلبـه طلبـتك دخيلـك لا تردينـي
يمه انا احتاجلك واحتاج وقفاتك
وقفاتك اللي عن الاصحاب تغنينـي
يمه انا احتاجلك واحتاج نياتـك
نياتك اللي من الحسـاد تحمينـي؟
يمه انا احتاجلك واحتاج ضماتك
ضماتك اللي حنان وعطف تعطينـي
يمه انا احتاجلك واحتاج ضحكاتك
ضحكاتك اللي اذا زعلان ترضينـي
كوني بجنبي انا محتاجه شوفاتـك
(( شوفاتك اللي )) اذا عطشـانه تروينـي
ليمن سجدتي دخيل الله فسجداتك
تكفين تدعيـن ربـي انـه ينجينـي
مالي طلب غير يمه أنال مرضاتك
مرضاتك انتي ورضا الله بس يكفيني
|