محاوره بين الشاعر /حمدان الحمراني والشاعر /حامد عبدالجبار البشري
السلام عليكم ورحمة الله وبركاته
انقل لكم المحاوره التي دارة بين الشاعرين حمدان الحمراني وحامد البشري
حمدان الحمراني
سلام ياصاحب الوافي=والمعذره لو تأخـــــــــرنا
جنبي عن النوم متجافي =من حال حاصل مكدرنا
حامد البشري
ترحيب من هاجسي صافي= مادام بطيب تذكـــرنا
ولا باس من وضعك الخافي=اللي ذكرته وعكرنا
حمدان الحمراني
اشوف الايام ياكافي=عن ما نوده توخــــــــــــــرنا
والموج عاتي ومجدافي= عاجز من البحر يظهرنا
حامد البشري
الوقت مشيه تلغرافي= ومسير الوقت سيـــــــرنا
لا تعاكس الموج لا زافي= ولا غير الموج قررنا
حمدان الحمراني
لا تحسب العلم خفافي =بالعكس جارح مشاعــــــرنا
من ثقل همي على كتافي=امسى عن الأنس حاجرنا
حامد البشري
خابرك من ناس عرافي= وضح لي العلم وخبرنا
حتى اتمكن في ميقافي= وشرح لكم ما تصــورنا
حمدان الحمراني
الموج قدام واخلافي= جاير وطاغي محاصرنا
بسبابه الهم متلافي=كم له كذا ما يقـــــــادرنا
حامد البشري-
بوصيك بنهج الاسلافي=اللي له اليوم ادبـــرنا
يكفيك من كل متخافي=وينجيك من شر عاثرنا
وتقبلو خالص تحياتي
|