فيحان القعياني
كان ياصياف جوك صافي راجع الاعلامي=لاتسوي للحروب امصيبه وانت جوك صافي
انت رجال(ن)من العرافي امش حامي حامي=الحصيني لايرز اذنيبه تزعل العرافي
صياف
الحربي
دام انا فاالمملكه متعافي زانت اليامي=وانت لو اتحطلك تركيبه دام انا متعافي
ثوبك امشمر وثوبي ظافي جفة الاْقلامي=ماعن ادروب العرب تجنيبه كان ثوبك ظافي
فيحان القعياني
الله انه يقطع الاشرافي حظهم ماقامي=وانت دهن لحيتك ياشيبه وتبع الاشرافي
نوركم يااهل المدينه طافي يوم جينا العامي =كم حربي(ن)فرينا جيبه يوم نوره طافي
صياف الحربي
لم خيلك وانتبه للحافي خل اخوك اينامي=وخزن التمره بوسط العيبه وانتبه للحافي
القعياني مع المشرافي يعرفون ارامي=كل واحد جابله تزهيبه وانشد المشرافي
فيحان القعياني
انت اخوا للحافي المتعافي صاحبه قدامي=تاكل التمره واخذت ادريبه تتبع المتعافي
المطيري مايخاوي لافي لافي العرامي=لو يمرك ذيب ماتدريبه جالس(ن)مع لافي
صياف الحربي
ماتوريني ذهبك الصافي والحزام احزامي=مار قوم وكثر اتزهيبه من ذهبك الصافي
انت رجال(ن)كبير اوافي لاتقوم اتلامي=والعقال ازين لاتوميبه وانت رجل(ن)وافي
فيحان القعياني
الله اللي عالم(ن)باالخافي كثرت الانعامي=والحروب امسوا بدار اعتيبه فيه شرٍخافي
انت ياصياف رجل اسنافي تقرب ادمامي=مير لاتسرق حصيل البيبه وانت رجل اسنافي
صياف الحربي
انت تشرب من حليب الصافي يوم حظك قامي=ميراخذ شربه وربع اشريبه من حليب الصافي
انت قدامي ورحت اخلافي يوم رحنا الشامي =والمكينه طالبه توظيبه كان رحنا الشامي
فيحان القعياني
الله انه يقطع القذافي حارب الاسلامي=قام قدامي يحك اجنيبه يقطع القذافي
انت خلك صيرفي صرافي وانتبه لرامي=لايمرك شي ماتدريبه وانت في الصرافي
صياف الحربي
كل شاعر غير المحرافي غامدي اويامي=ون تغير قلتله والخيبه غامدي اويامي
عقب كان ارس للعسافي كثرت الا حلامي=كل علم(ن)يعرفه جانيبه كثرت الاحلامي