في الحفل الذي اقاموه تكريماً لشيخ عبدالله بن نحيت
يــا الله يــا رافــع سـمـاواتـك الـسـبـع**ويالله يـا مخـرج من الصخـرة النبـع
تغفر ذنـوب اللـي حضـر هـذا الجمـع**سـوا مـن ربـعـه ومــن جــوه خـطـار
ويا مرسلي سلم علـى راعـي الطيـب**راع الـكـرم والـجـود راع التراحـيـب
وحـيـاكـم الله يـــا جـمـاعـة بتـرتـيـب**اهـلاً وسـهـلاً وادخـلـوا داخــل الــدار
منصـاك ابــو يـاسـر كـريـم السبـالـي**راع الـوفــا والـطـيـب فـــوّل وتـالــي
والله يـظـلــهــم نـــهـــار الــظــلالـــي**وانــه ليحمـيـنـا جمـيـعـاً مـــن الـنــار
يــزرع عـلــوم المـعـرفـة والـحـلالـي**فـي مجلـس(ن) تنسـاق فـيـه الـدلالـي
وعـلـوم ربـعــاً مـثــل نـقــد الـريـالـي**فـي مجلسـه للضيـف وزعـه ومـقـدار
كــــرم مسـاعـيـنـا وقــــدّر خـطــانــا**ورحّـب بنـا مـن يـوم جــاء ونصـانـا
يــا مـرحـبـا بالـجـمـع والـلــي لـفـانـا**الله يحيـيـكـم عـلــى كــيــف وبــهــار
ورحّــب بـنــا وصـــب دلـــه وبـــراد**وحـلــف لتعـطـونـي مـواعـيـد لـلــزاد
مــا فـيـه فـكّـه يـلــزم الـقــول مـيـعـاد**بحضوركـم نفـرح كمـا يـوم الأمطـار
واخـوانـه حـمـيـد وهـانــي وصـــلاح**اقول ونعـم ذخـر العـود للعـود شـلاح
باين على وجيه الربع طيب الاصلاح**والشجـرة اللـي طيبـه تطيـب الأثمـار
والصـدق برهانـه علـى نهـج الاسـلام**ومـن دون قاصـر للقبيـلـة والأرحــام
ويثبت مدام الناس في شهـور واعـوام**وقلب الوفا والصـدق حفّـاظ الأسـرار
اشهـد شهـادة حـق مـن قـلـب ولـسـان**ويشهد عليها اللي حضر قول برهـان
وراع الحساني ينجزي بكل الاحسـان**ويجـزاه رب العـرش جنـات الابـرار
حــقــق امــانـــي كـلــنــا نـتـنـظـرهـا**وامجادهـم حبـر القـلـم مــا حصـرهـا
وحـنـا حصدنـاهـا ونـقـطـف ثـمـرهـا**حراً جويد الساس من نسـل الاحـرار
هذه القصيدة من الشاعر سليمان السهلي
نبدا بذكر الله جلاي الاعماس = اللي يحقق للبنادم مرامه
لا باس ياقرم الرجاجيل لا باس = عثره بسيطه وانتهت بالسلامه
وانت شجيع وسيرتك ترفع الراس = ذخر الزعيم اللي عزيز (ن) مقامه
الشيخ ابن
شلاح من خيرة الناس = يفرض على كل الرجال احترامه
شيخ(ن) ولد شيخ(ن) وشيخه على ساس =من رؤس حرب اهل الكرم والكرامه
تنشرله البيضا على كل مرواس = راع الوفا والمعرفه والشهامه
والمدح في مثله وشرواه نوماس = وليا مدحته ما عليه ملامه
حربي واقول الصدق من قلب واحساس =والمسلم المؤمن صدوق بكلامه
حرب الحرابه يوم الارياق يبّاس = عدونا ما يهتني في منامه
وصلاة ربي عد ما هب نسناس =على شفيع الناس يوم القيامه