ياللي نظمت القاف في بحر مسحوب=صغت الجواهر والجواهر ثمينه
منهن قدح خافق وراء الصدر محجوب=مع طيبهن فيهن ملامح حزينه
ابشر وبشرهم علم راس مشذوب=وقرب الفرج والشكر لله يازينه
الشكر للي رد يوسف ليعقوب=رضاء لربن كلنا طايعينه
اللي رحم يونس مع عبده ايوب=وانجا ثنين بكهفهم عابدينه
حقأ علينا الشكر ذا شي ماجوب=نركع ونسجد كلنا شاكرينه
وانا ترى وردتها جم عاذوب=بأرادة الله حملها شايلينه
شهب الضهور انظاف من كل عذروب=اهل الشهامه فعلهم شايفينه
حرب الحرابه هم ذرا كل مكروب= والجار في جوارهم مكرمينه
ياخالد الحربي من الطيب مانجوب =ومعك الضبيس الحر سلمت يمينه
ومع باقي الشعار برتويت ويتيوب= كل النشاما طيبهم ذاكرينخ
هذا شرح والصبر للرجل محبوب=واسلم وسلم لي على ديار لينه

ياحرب جاني ثاني العيد منعوب =منعوب شايب ذاق فرقا جنينه
يقول كبدي جوفها شب لاهوب =على الذي جزى العساكر ونينه
يزهم وينخاكم على العز ياحروب=يصيح بااعلى الصوت تنهون دينه
حقيقه ان الصخر من صوته يذوب =عزاه يا شايب نشف دمع عينه
يحسبه مثله على اﻻمر مغلوب =ويحسبه من ذاق سقم الغبينه
عودن زهم ذاير وذاير له جنوب=وانا من جنوبه وربعي مزينه
ربعي بني سالم ومسروح لي ثوب=ياثوبنا اللي للدفى ذاخرينه
الشجره اللي مابها فتوق و ثقوب =تجملوا ياشيوخ حرب الحصينه
باللي بقى ياحرب تكغون مطلوب=باقي ثمان وكلكم خابرينه
مليون مع ميتين قاموا به وهوب=ومليون من جمعن ذكر بالمدينه
هذا الصحيح اللي بالاقلام مكتوب =تعاونوا ياحرب فكوا سجينه
ابوه له بيتن على العز منصوب =حمود ينخاكم تقطع جبينه
ماهي عليكم موزمه شي محسوب =من ريال لو حول يفك الرهينه
هذا وانا ماني على القول مغصوب =ولا ارجي بها ياحمود شي بعينه
وان كان ماسديت في ماقفي نوب=عمر البحر ماشال هم السفينه
مااقول مرفوع ولااجر منصوب=ولاخير باللي ماينومسك دينه
انا لكل انسان ياحمودمكروب=ولو املك المبلغ دفعته بحينه
مير اني اللي يحتري نب مندوب =واللي عليكم فوقنا منه عينه
ابدعم الهشتاق والعلم مقطوب=ووضعه وراءه اهل الحرم والمدينه