كل عام وانتم بخير
 

من دافع التقدير بين المخاليق-
ومن دافع الشيمه وباب الصداقه-

سلام ياروس الرجال المطاليق-
ساس المراجل والوفا والطلاقه-

تحية ترقى بروس الشواهيق-
وتلقى لها وسط الظماير شفاقه-

من شاعر يقطف ابكار الزماليق-
ويرسل لعطران الشوارب بطاقه-

تليق بأهل العرف والطيب وتليق-
باللي على الخوه مجود وثاقه-

كل عام وانتم يالقروم المطاليق-
في رغد عيش ماتضايق نطاقه-

ويالله عساكم من جهنم معاتيق-
بحق من كل البشر في وثاقه

اهنيكم بعيد الأضحى المبارك عساكم من عواده

العيــد باقــي عليه ايـام معــدوده
والوافي ان حل عيده يذكر احبــابه
لا فاح عطر القلوب وفاحت وروده
تخالج الشـــوق فيني وانفتح بــابه
رغم انقطاع الوصال وكثرت قيـوده
ورغم المعاذير والتقصــير واسبـابه
يمـر فينا الزمـن والنفس محــدوده
مهما خذانا يجي يوم انتــلاقـــى به
للـــه در الصـديق ان بانت وعــوده
وللــه در المعــزه كيف تزهى بـــه
ياجـعل ربــي يعيــد العيد ونعـوده
في طاعـة الخالق اللي بيـن كتــابه
هذي حروف من الخفاق مقصوده
زفيتـــها (يـوم كـلن يذكر أصحابه)

أسأل الله أن يهبكم ثواب العشروطول العمر وعظيم الأجر وفرحة عيد النحر 
وكل عام وانتم بخير