الشاعر صياف الحربي والشاعر محمد المسعودي الهذلي
 

صيـاف الحربي
رحبوا رحبوا بضيوفكم ياهذيـل=البيوت الكـرام تفـك بيبانهـا
لا تقوم القيامه قبل وقت الرحيل=ليله نصوم ونصلي على شانها
محمد المسعودي
نعرف اليوم يوم ونعرف الليل ليل=ماتقـوم البيـوت الا بعمدانـهـا
والله انك عميلي ماش غيرك عميل=راح حصنيها ويجيـك سرحانهـا
صيـاف الحربـي
بعد بكره تبا تشتال حمل ثقيـل=اسمع السالفه واجيب برهانهـا
كيف اعاملك وانته ماترد الجميل=وان ذبحت الذبيحه تاكل لسانها
محمـد المسعـودي
الوكيل الله المعبود منتـه وكيـل=الزمك بالطلب واهل الطلب عانها
والفعل يذكرونه جيل من بعد جيل=والامانه سليم العقـل ماخانهـا
صيـاف الحربـي
بايعين البضايع ماعليهم كفيـل=ياخذون الثمن وهي في دكانهـا
وانت مريتنا طرقي وعابر سبيل=وان بدا راسها ماشفت كرعانها
محمـد المسعـودي
دلة الهيـل تسبـق دلـة الزنجبيـل=نارهـا والعـه مـاعـج دخانـهـا
وانت تدري وتعلم ما اخلق المستحيل=نتـرك هزالهـا ونذكـي سمانـهـا
صياف الحربي
جعل طيرٍ طلع راس الشفا مايميـل=لين كل الطيور تكف جنحـا نهـا
وش بقى لك بعد ولعت راس الفتيل=مابقـى غيـر حبتهـا ونيشانهـا
محمد المسعودي
عزوتي يحتمون ويسلمون الدخيـل=معركه حاميـه وهذيـل فرسانهـا
ودي ان الرعد والبرق يقفاه سيـل=تشرب الشجرة اللي يبست أغصانها
صياف الحربي
كان صادق على ماقلت هات الدليل=من يخاوي هذيل يغنـي الحانهـا
وانت مدري تبى شقران ولا شعيل=كلهـا زمـل توعدنـي بنيبانهـا
محمد المسعـودي
طول الله شليلك ياطويل الشليـل=اخوة المسلمين تساند اخوانهـا
نجمك الجدي ولا سعد ولا سهيل=عيش في كونها واخضع لديوانها

محاوزه بين الشاعرين صياف عواد السحيمي الحربي والشاعر محمد المسعودي الهذلي وهي اول محاوره تجع بينهما في شرائع النخل في مكه المكرمه
محمد المسعودي:
سمعنا السوالف دق واجلال
سوالـفـك ماتـخـفـى عـلـيّـه
يجيكـم خبـر مـع كـل جمـال
حلـيـل الـرجـال الصيـرفـيـه


صياف السحيمي:
سمعت السوالف وانت رجال
ولــكــن يـبـقـالـك شــويـــه
تجيكـم علـومٍ تـشـرح الـبـال
ونحكـي لهـا نفـس القضـيـه


محمد:
لو ان الفتى من قوة الحـال
حكـم فالبـلـد جــال السنـيـه
حليل الرجال طوال الآشبال
يجيهـا مـن الـديـره هـديـه


صياف:
ليا صاح فوق الخيل خيال
عسى ثابتـك ماهـي رديـه
ليا صار عندك نجر ودلال
عطينـاك مـن هـذي وذيـه


محمد:
ليا امطر وسيل كل مسيـال
تعـيـش الـديــار الأيـبـديـه
انا شفـت لـي تاجـر ودلال
عسى لك مع اهل الدار نيه


صياف:
انا شفـت يمـك بـرق وخيـال
وانـــا فـالـديـار السـاحـلـيـه
عطوك الجماعه ثوب وعقال
ولا انتـه براضـي لـك نـويـه


محمد:
علومك كثير قصار وطوال
ياليتـك حفـظـت الشاذلـيـه
لو انك عدلت الحمل مامال
ولا طــاح ركــاب المطـيـه


صياف:
بعـد جبتهـا فـي ربـع مكيـال
تـرى الناقصـه ماهـي بلـيـه
ولا لك عن اهل الدار محيال
تجيـهـم مـســا ولا عـشـيـه


محمد:
تكابرتهـا ياطـيـب الـخـال
وضحيـت قـدام الضحـيـه
ليا شفت لي فالدار منزال
عرفت الرعاه من الرعيه


صياف:
نقدم لها قاضي ومعـدال
عـلاك الخطـا ولا عليـه
تقدم ريال وتكسب ريال
وخذ جايده ماهـي بنيـه


محمد:
معـاديـل نردفـهـا بالآكـفـال
ونعـرف مواريـد الضمـيـه
نصرف ذهب والبحر جوال
ذهب من يـداك ومـن يديـه


صياف:
يغيب الهلال ويطلع اهـلال
اثـر ناركـم يـا هذيـل حيـه
بعد ماتباين روس الآموال
عرفت الربـاع مـن الثنيـه


محمد:
اثرك انت حاسبهـا كمـا قـال
عـــرب لاكـثـيـر ولا بـلـيــه
عرفنا رجب من شهر شوال
فـصـول السنـيـن الجاهلـيـه


صياف:
بحثت المخازن دق واجلال
وحصـلـت حـاجـات خفـيـه
ابرسل لكم عشرين مرسال
يقـابـلّـكـم مــنـــي وفــيـــه


محمد:
عرفت العرب من ماض الآجيال
يــاكــم قــايــدٍ قــــاد الـسـريــه
ديــاري حـمـا مــن كــل خـتــال
مـجــود مـــن الـعـيـن الـرويــه


صياف:
ليـا صـار فـي يمنـاك فنـجـال
.....
سرى الليل يا ماضين الآفعال
عسـى مايعقـب الخيـر سـيـه


محمد:
قضى العمر كله وانت رحال
مجـرب علـى شمـس وفيـه
ليا صرت عادل جاك عـدّال
ولاتزعـل النفـس الرضـيـه


صياف:
اخذنا معك ممسى ومقيال
وسقنـاك بالنفـس الغنيـه
واسميك صقرٍ ماله بـدال
ولو كنت ناحي في نحيـه


محمد:

هل المفكره ماهم بجهال
لوا فكرهم عشرين ليـه