|
يامرحا ترحيبة عنها ناشد ومنشود(صياف وابن جرشان كتابه)-11-1408 أبها
محاورة بين الشاعرين :صياف الحربي(رحمه الله) ومحمد ابن جرشان البقمي عام 1406 هـ محمد بن جرشان البقمي مدام ابن عواد بالملعبه حاضر وموجود=خيل خيالاً يصيح الصبح قام يرسل بروقه صياف يامرحبا ترحيبة عندها ناشد ومنشود **** والي يدور للغلا لا يبات الا بسوقه ما دام بن عواد موجود ضلع طويق ممدود **** يوجعك لو يطيح فوقك ولو تطيح فوقه محمد بن جرشان البقمي يا الحربي يا المقرود زعلت لك تسعين مقرود **** وغليص لو قاد الجمل يجبرك بكرة تسوقه والمشكلة لو هي بسيطة عرفت النقص والزود **** لو كان نيبان الجمل ماتغطيها شدوقه صياف إن كنت رجال محنك تروح الصبح وتعود ***** تعرف طعام يجرح الحلق قبل انك تذوقه المشكلة ماهي كبيرة لا كن السيف محدود **** والثوب لو يبعد عن النار ما تكثر شقوقه ابن جرشان يا صاحبي ما احسبت دخلك مع أهل الدخل محدود **** واثرك كما عود الثمامة قصيرات عروقه لا يطرحك في النار والتهلكة حامد ومحمود **** وتضيع تالي الليل في زهقت النفس الزهوقه صياف انا عطيتك شربة الماء لكن العد مورود **** كلن يوقف في طريقي ويطلبني حقوقه انت زعلت وقمت ترسل علي جيش وجنود **** لا كنك كل التمر روح ما تبقى إلا عذوقه ابن جرشان يا صاحبي صياف ما نته لها كا الدرب محدود **** ما حدً جبرك تسير مع خط بيده ومعشوقه مير التباهي والتفاخر يسبب كسرت العود ***** وانت ليا بقت العهد صاحبك لازم يبوقه صياف اليا هرجنا با الامانة يسير الدرب مجرود **** واليا سرقنا حكمنا يقطع اليمنى السروقه إن كان عندك سالفة شوف حمل شعيل مشدود **** لا كن لا يبرك بحمله ويرغي من فتوقه ابن جرشان عدل عضودك قبل لا تلتفت لعضود جلود **** جلود با المشعاب بو راس ماتوخذ حقوقه واليا تعديت الحدود الصحيح يثور بارود **** ما ني بمكرم شاربك وانت لحيتك محلوقه صياف انت علامك مختلف والعلوم اسهود ومهود **** يا هيه لا تنثر زهابك ولا تقدر تحوقه ثورت بندقك العزيزة بلا بارود وزنود **** الله لا يجزاك با الخير يا الرجل السبوقه ابن جرشان يا صاحبي بعض السوالف لها جهده ومجهود **** وتخلي الفلاح يسقي النخل يجني عذوقه كم قلت يا صياف درب القشر والشين مسدود **** ما كن قامت تشعفك صوبنا برقا وروقه صياف اصبر شويه ثم اولع على القرصان وتجود **** وانشق المجنون صبره ويصحى من نشوقه لا بارك الله فا البعير الشرود اقليل الفـــــود **** الي لا مني لحقته يزعلني لحـــوقه |
سلمت على النقل الرااااااااااائع يابو نواف
|
هلا وغلا كلك ذوق يابو طاهر ورحم الله الشعر صياف الحربي علم من اعلام الشعر صعب ان يتكرر كذلك الشاعر محمد بن جرشان البقمي شاعر رائع وكثير من المحاورات القديمه فيها ابداع وقوة وتحتاج لاستخراج بعض المعاني والدروس
|
يعطيك العافية
شعر رائع |
اقتباس:
المشاركة الأصلية كتبت بواسطة السلطان الحائر http://www.j44j.net/vb/j4style-imp4d...s/viewpost.gif يعطيك العافية شعر رائع هلا وغلا الف شكر |
| الساعة الآن 08:54 PM. |
IPTEGY.COM® Version 3.8.7
Copyright ©2000 - 2024, Powered By iptegy.com.
HêĽм √ 3.1 BY: ! ωαнαм ! © 2010
[ Crystal ® MmS & SmS - 3.7 By L I V R Z ]