الحربي سجين رئاسة الحرس الوطني موجه قصيدة لحرب
 

سجين رئاسة الحرس الوطن موجه ابيات لقبيلة حرب ومطلوب توصيلها ونشرها وهو له خمس سنين بالسجن وسبب سجنه دين وام اعياله فيها مرض السكر والتقارير موجود وصكوك الدين وهو موجود برئاسة الحرس الوطني ننقل القصيدة كما وصلتنا وارقامه موجودة ورئاسة الحرس الوطني موجودة والله يكتب له الفرج *********************. ‏يامحمد الحربي الى جيت اﻻقراب..
‏سلم على ربعي كثير السلامي..
‏سلم على اللابه عريبين اﻻنساب..
‏اللي لهم بالمجد عز ومقامي..
‏سلام متغرب شبع هم وغياب..
‏ليله ينام وليلتن ما ينامي..
‏خمسة عوامن كامله عد وحساب..
‏وعشرون يومآ كامله بالتمامي..
‏مده طويله عقبها عارضي شاب..
‏والنار ميسمها على الكبد حامي..
‏شربت فيها علقم الحزن باكواب..
‏شربت كاس الحزن شرب الضوامي..
‏ثم قل يقول اللي وراء القفل والباب..
‏يافزعتي ياعزوتي ياحزامي..
‏الدين مايعيب وﻻ يقصر اشناب..
‏وﻻ يعذرب الرجال عند الحشامي..
‏والمال مايفزع معك ضد اﻻجناب..
‏ﻻجاء النهار اللي يقص العظامي..
‏مال الرفيق اﻻ رفيقه باﻻنشاب..
‏والمال ريشن مقتفيه الغمامي..
‏رجلن بليا ربع لقمه لﻷنياب..
‏ﻻيقول كثر المال عني يحامي..
‏والستر ماهو ستر اﻻجسام بثياب..
‏ستر الرفيق بمعظلاتن جسامي..
‏ماقل دل وزبدة الهرج ماطاب..
‏هذا الكلام اللي عليه الكلامي..
‏واختامها يابوك تفداك اﻻرقاب..
‏واقبل تحياتي وكل احترامي..