يا شليويح خذ مني كلام مصفى* ( شليويح وصياف)
 

هذه المحاورة بين شاعرينا الكبيرين صياف بن عواد السحيمي رحمه الله وشليويح بن شلاح المطيري.




صياف

يا شليويح خذ مني كلام مصفى

وان بغيت الحقيفه فيه ما يسر الله

كشفت الحره اللي كنت فيها تخفى

واصبحت سهلت المطلاع والحمد لله

شليويح

رمش عيني على الغيّاب ما ساع رفا

يا عسى الله يحيكم على دبرة الله

امش مع درب منقي يالبعير المعفى

يا عسى الله يديم الامن والدايم الله

صياف

ادخل البيت عن برد الشمال وتدفا

والبس حرام وادخل فالحرم واطلب الله

نزهم الطريقي اللي ذيك الايام قفا

مار قدام يسمع صوتنا جابه الله

شليويح

لابس بشت ضافي وانت بشتك مضفى

ما رحمتك لكنك جيت في رحمة الله

خيلت وامطرت والوبل ما ساع كفا

وانت يا جارنا عساك في جيرة الله

صياف

ساع ما بان نورك يالسراج المطفا

ثم نوّرت للاجواد مع قدرة الله

ما تحركت من بحر عليك يتكفا

لين شبّت عليك النار والعالم الله

شليويح

كنت مرتاح عن كل الدعاوي مكفا

مار ابا شيل سيفي واتوكل على الله

شـاعـر الخـلـيـج (رحـمــه الله):

يا مر حبا بالطرقي اللي ديرته ماهي بعيد=اليا مشيت العصر من وادي النقيع أمسيتها
قلنا لك اخذ البندقيه وادخل الوادي وصيـد=واثر ك ليا منك لقيـت الطيبـه دسيتهـا

شـلـيــويــح الـمــطــيــري:

دام البقا وانته حديدي والحديدي من حديد=وأغنـي الامثـال بالحانـك ليـا غنيتهـا
انته سواة اللي يحول شيك ماعنده رصيـد=لو كان خابر صيدتـي ديرتـك ماخليتهـا

شـاعـر الخـلـيـج (رحـمــه الله):

انته حديدي مار كثرت المعاند يـا عنيـد=لولا ك ما صلّحـت سكينـي ولا حديتهـا
اقفيت بالثوب القديم وجيت بالثوب الجديد=وتشب نار(ن) في قديم الوقت ما شبيتهـا

شـلـيــويــح الـمــطــيــري:

يومن اشوفك فيه يا صياف كنه يوم عيـد=وان كان عندك مشكله ما تنقـدر حليتهـا
سلم المجيدي منتهى فالسوق ياعبدالمجيد=وانته قروشك ماتغيرهـا بعـد صريتهـا

شـاعـر الخـلـيـج (رحـمــه الله):

يا حد عينك يمنا ياذيب مدري وش تريـد=لو كان أطرف لك يدي من الزعل عضيتها
انته بعد غيرت طبعك لا غني و لا سعيـد=من الحسد حتى الدروب العامره سديتهـا
شـلـيــويــح الـمــطــيــري:
لولاك يا صياف مسلم قلت شيطانن مريـدما تنتهي دعواك لو عند القضاه انهيتهـا
الحاسد اللي في حياته يستفيـد ولا يفيـدلو كان ماشفته بعينـي جرتـه قصيتهـا